Eksodo 36 - Baiberi Magwaro Matȿene aMŋari 1949 (Doke)

Tabernakeri yotaŋga kuʋakwa.

¹ Ɀino Bezareri naOhoriabi ʋanofanira kuɓate‐ɓasa pamŋe cete naʋarume ʋose ʋanemŋoyo yakaŋgwara, ʋakapiwa naJehova kucenjera nokunzwisisa kuti ʋaziʋe kuɓata maɓasa ose okushuma panɀimbo tȿene, ɀose ɀakarairwa naJehova.

² Ɀino Mosesi akaɗana Bezareri naOhoriabi, naʋarume ʋose ʋaiʋa nemŋoyo yakaŋgwara, ʋakapiwa kucenjera mumŋoyo yaʋo naJehova, ʋose ʋakaŋga ʋamutswa nemŋoyo yaʋo, kuti ʋaʋuye kuzoɓate‐ɓasa;

³ ʋakapiwa naMosesi ɀipo ɀose ɀakaŋga ɀaʋuyiswa naʋana ʋaIsraeri, ɀokuɓatisa naɀo ɓasa rokushuma panɀimbo tȿene. Asi iʋo ʋakaramba ʋaciʋuya nemŋoyo yaʋo kwaari maŋgwanani ose neɀipo ɀaʋo.

⁴ Ɀino ʋarume ʋose ʋakacenjera, ʋakaŋga ʋaciɓata maɓasa ose enɀimbo tȿene, ʋakabva mumŋe nomumŋe paɓasa rake raakaŋga aciita,

⁵ ʋakataura naMosesi, ʋaciti: Ʋanhu ʋanoʋuya neɀakawandisa kupfuʋura ɀinokwana kuite‐ɓasa rakarairwa naJehova kuti riitwe.

⁶ Mosesi akaraira kuti shoko riparidzwe kumisasa, rokuti: Kunyaŋge murume kana mukadzi ŋgaarege kuzoita ɀe ɓasa rimŋe reɀipo ɀokupa nɀimbo tȿene. Naiɀoɀo ʋanhu ʋakadziʋiswa kuzoʋuya neɀimŋe.

⁷ Nokuti ɀaʋakaŋga ʋanaɀo, ɀakakwanira maɓasa ose aʋaifanira kuita, ɀimŋe ɀikasara.

⁸ Ɀino ʋarume ʋose ʋaiʋa nemŋoyo yakaŋgwara pakati paʋaɓati ʋakaita tabernakeri namacira anegumi; ʋakaɀiita nemiceka yakarukwa yakaiȿo‐naka, neɀakarukwa ɀitema, neɀishaʋa, neɀitȿuku, ɀinamakerubi; raiʋa ɓasa romuɓati waigona kuɓata.

⁹ Kureɓa kwejira rimŋe kwaiʋa makubiti makumi maʋiri namasere, noʋupamhi bgejira rimŋe makubiti manna; macira ose akaŋga akaenzana.

¹⁰ Akaɓatanidza macira mashanu pamŋe cete, namamŋe macira akaaɓatanidza pamŋe cete ɀe.

¹¹ Akaita ɀiswe ɀitema pamupendero wejira rokupedzisira panaakaɓatanidzwa pamŋe cete; akaita ʋo saiɀoɀo pamupendero wejira rokupedzisira panamamŋe akaɓatanidzwa pamŋe cete.

¹² Akaita ʋo ɀiswe ɀinamakumi mashanu pajira rimŋe, neɀiswe ɀinamakumi mashanu ɀe pamupendero wejira ramamŋe akaɓatanidzwa pamŋe cete; ɀiswe ɀakaŋga ɀakatarisana.

¹³ Akaita ʋo ɀikorekedzo ɀendarama ɀinamakumi mashanu, akaɓatanidza macira neɀikorekedzo iɀoɀo; naiɀoɀo tabernakeri ikaʋa cinhu cimŋe cete.

¹⁴ Akaita ʋo macira emʋere dzembudzi, rikaʋa tente pamsoro petabernakeri; akaita macira anegumi nerimŋe.

¹⁵ Kureɓa kwejira rimŋe nerimŋe kwaiʋa makubiti anamakumi matatu, noʋupamhi bgejira rimŋe nerimŋe makubiti manna; macira anegumi nerimŋe akaŋga akaenzana.

¹⁶ Akaɓatanidza macira mashanu pamŋe cete, namacira matanhatu pamŋe cete ɀe;

¹⁷ akaita ɀiswe ɀinamakumi mashanu pamupendero wejira rimŋe rokupedzisirapanaakaɓatanidzwa pamŋe cete, neɀimŋe ɀiswe ɀinamakumi mashanu ɀe pamupendero wejira rokupedzisira pana mamŋe akaɓatanidzwa pamŋe cete ɀe.

¹⁸ Akaita ʋo ɀikorekedzo ɀinamakumi mashanu ɀendarira ɀokuɓatanidza tente, kuti ciʋe cinhu cimŋe cete.

¹⁹ Akaitira ʋo tente cifukidzo camatebge amakondobge akazodzwa muti mutȿuku, necifukidzo camatebge amatenhe pamsoro paiɀoɀo.

²⁰ Akaitira ʋo tabernakeri mapuraŋga omuakasia akamiswa.

²¹ Kureɓa kwepuraŋga rimŋe kwaiʋa makubiti anegumi, noʋupamhi bgepuraŋga rimŋe nerimŋe bgaiʋa kubiti rimŋe nehafu.

²² Puraŋga rimŋe nerimŋe rakaitirwa ɀiɓato ɀiʋiri ɀakaɓatanidzwa; akaita mapuraŋga ose etabernakeri saiɀoɀo.

²³ Akaita mapuraŋga etabernakeri anamakumi maʋiri okurutiʋi rwezasi, akatarira zasi.

²⁴ Akaita ʋo ɀigadziko ɀesirveri ɀinamakumi manna pasi pamapuraŋga anamakumi maʋiri, ɀigadziko ɀiʋiri pasi pepuraŋga rimŋe paɀiɓato ɀaro ɀiʋiri.

²⁵ Akaita mapuraŋga anamakumi maʋiri kurutiʋi rwecipiri rwetabernakeri kurutiʋi rwokumsoro,

²⁶ neɀigadziko ɀawo ɀesirveri ɀinamakumi manna, ɀigadziko ɀiʋiri pasi pepuraŋga rimŋe, neɀigadziko ɀiʋiri pasi perimŋe puraŋga ɀe.

²⁷ Akaita ʋo mapuraŋga matanhatu kurutiʋi rwemberi rwetabernakeri kumaʋirazuʋa.

²⁸ Akaita ʋo mapuraŋga maʋiri kumakona etabernakeri kurutiʋi rwemberi.

²⁹ Akaŋga akaita maʋiri necenyasi; saiɀoɀo ɀe akaŋga akaita maʋiri akaɓatanidzwa kuȿikira kumsoro kucindori cokutaŋga; saiɀoɀo akaaitira ose maʋiri pamakona maʋiri.

³⁰ Akaʋa mapuraŋga masere aneɀigadziko ɀawo ɀesirveri, ɀikaʋa ɀigadziko ɀinegumi neɀitanhatu, ɀigadziko ɀiʋiri pasi pepuraŋga rimŋe nerimŋe.

³¹ Akaita ʋo mbariro dzomuakasia, shanu dzamapuraŋga orumŋe rutiʋi rwetabernakeri,

³² nembariro shanu ɀe dzamapuraŋga etabernakeri kurutiʋi rwemberi kumaʋirazuʋa.

³³ Akaita ʋo rumbariro rwapakati rwaiʋa pakati pamapuraŋga rwaibva kunorumŋe rutiʋi rukandoȿikira kunorumŋe rutiʋi.

³⁴ Akafukidza mapuraŋga nendarama, akaita ɀindori ɀawo ɀendarama, kuti mbariro dzigare’po, akafukidza ʋo mbariro nendarama.

³⁵ Akaita ʋo cidzitiro neɀakarukwa ɀitema, neɀishaʋa, neɀitȿuku, nomuceka wakaiȿo‐naka wakarukwa; akaciita namakerubi, rikaʋa ɓasa romunhu unogona.

³⁶ Akaciitira mbiru inna dzomuakasia, akadzifukidza nendarama; ɀikorekedzo ɀadzo ɀakaŋga ɀiri ɀendarama, akadziʋumbira ʋo ɀigadziko ɀinna ɀesirveri.

³⁷ Akaitira ʋo mukoʋa weTente cidzitiro ceɀakarukwa ɀitema, neɀishaʋa, neɀitȿuku, nomuceka wakaiȿo‐naka wakarukwa; rakaŋga riri ɓasa romusoni unogona.

³⁸ Ʋuye mbiru dzaco shanu neɀikorekedzo ɀadzo; akafukidza misoro yadzo neɀindori ɀadzo nendarama; neɀigadziko ɀadzo ɀakaŋga ɀiri ɀendarira.