Eksodo 31 - Baiberi Magwaro Matȿene aMŋari 1949 (Doke)

Bezareri naOhoriabi ʋanogadzwa paɓasa.

¹ Ɀino Jehova wakataura naMosesi, akati:

² Tarira, ndaɗana Bezareri, mŋanakomana waUri, mŋanakomana waHuri, worudzi rwaJuda, nezita rake,

³ ndikamuzadza noMŋeya waMŋari, noʋucenjeri, nokunzwisisa, nokuziʋa kwose, nokugona marudzi ose amaɓasa,

⁴ kuti afuŋge mano oʋumhizha, nokuɓata nendarama, nesirveri, nendarira,

⁵ nokuʋeza mabge anoiswa mukati, nokuʋeza matanda, nokugona marudzi ose amaɓasa.

⁶ Ʋuye ini, tarira ndakagadza pamŋe cete naye Ohoriabi, mŋanakomana waAhisamaki, worudzi rwaDani; nomumŋoyo yaʋose ʋanemŋoyo yakaŋgwara ndakaisa ʋucenjeri, kuti ʋaite ɀose ɀandakakuraira,

⁷ ɀinoti: Tente rokusoŋgana, neareka yecipupuriro, necifunhiro cokuyananisa ciri pamsoro payo, nenhumbi dzose dzetabernakeri,

⁸ netafura nenhumbi dzayo, necigadziko cemŋenje cakaiȿo‐naka nenhumbi dzaco dzose, neartari yeɀinonhuwira,

⁹ neartari yeɀipiriso ɀinopiswa nenhumbi dzayo dzose, nomudziyo wokushambidzira necigadziko cawo,

¹⁰ neŋguʋo dzakarukwa ɀakanaka, neŋguʋo tȿene dzaAroni muprista, neŋguʋo dzaʋanakomana ʋake dzokuɓate‐ɓasa roʋuprista nadzo,

¹¹ namafuta okuzodza nawo, neɀinonhuwira ɀemiti inonaka ɀapanɀimbo tȿene; ʋanofanira kuita ɀose seɀandakakuraira.

Murairo wesaɓata.

¹² Ɀino Jehova wakataura naMosesi, akati:

¹³ Taura naʋana ʋaIsraeri, uti: Ɀirokwaɀo munofanira kuceŋgeta masaɓata aŋgu; nokuti ciratidzo pakati paŋgu nemi kuȿikira kumarudzi enyu ose, muziʋe kuti ndini Jehova unokutsaurai.

¹⁴ Naiɀoɀo ceŋgetai saɓata, nokuti idɀene kwamuri; aninani unoriɀidza ŋgaaʋurawe ɀirokwaɀo; nokuti aninani unoɓate‐ɓasa ripi neripi naro, munhu uyo ŋgaabviswe pakati porudzi rwake.

¹⁵ Maɓasa ose ŋgaaɓatwe namazuʋa matanhatu, asi zuʋa recinomŋe isaɓata rokuzorora kwaɀo, idɀene kunaJehova; aninani unoɓate‐ɓasa ripi neripi nezuʋa resaɓata, ŋgaaʋurawe ɀirokwaɀo.

¹⁶ Naiɀoɀo ʋana ʋaIsraeri ʋanofanira kuceŋgeta saɓata, ʋaraŋgarire saɓata kuȿikira kumarudzi aʋo ose; iʋe suŋgano isiŋgaperi.

¹⁷ Ciratidzo pakati paŋgu naʋana ʋaIsraeri nokusiŋgaperi; nokuti Jehova wakaita ɗeŋga nenyika namazuʋa matanhatu, akazorora nezuʋa recinomŋe, akasimbiswa.

¹⁸ Ɀino wakati apedza kutaura naMosesi pagomo reSinai, akamupa mahwendefa maʋiri ecipupuriro, mahwendefa amabge akaŋga akanyorwa nomunwe waMŋari.