Mapisarema 82 - Shona BIBLE

Mwari ndiye mutongi mukuru

Pisarema raAsafi.

¹ Mwari anomira paungano yaMwari; Anotonga pakati pavamwari.

² “Muchatonga zvisina kururama kusvikira rinhiko, Muchisanangura vanhu vakaipa?

³ Tongerai mhaka dzavarombo nenherera; Ruramisirai vanotambudzika navanoshaiwa chose.

⁴ Sunungurai varombo navashaiwi Varwirei paruoko rwowakaipa.”

⁵ Havazivi, havanzwisisi; Vanofamba–famba murima; Nheyo dzose dzapasi dzinozununguka.

⁶ Ndakati, “Muri vamwari, Mose muri vanakomana voWokumusorosoro.

⁷ Kunyangwe zvakadaro muchafa savanhu, Muchafa somumwe wamachinda.”

⁸ Simukai Mwari, mutongere pasi; Nokuti ndudzi dzose dzichava nhaka yenyu.