Mapisarema 15 - Shona BIBLE

Ndiani angagara mutende raJehovha?

¹ Jehovha, ndianiko angatsaukira mutende renyu? Ndianiko angagara pagomo renyu dzvene?

² Uyo, anofamba asina mhosva, anoita zvakarurama, Anotaura zvokwadi mumwoyo make.

³ Iye asina makuhwa parurimi rwake, Asingaitiri shamwari yake zvakaipa, Asingatuki waagere naye.

⁴ Munhu akashata anozvidzwa naye; Asi anokudza vanotya Jehovha. Iye anoti kana achinge apika, haangazoshanduri shoko rake, kunyangwe zvikava zvakaipa kwaari.

⁵ Iye asingarevi mhindu pamari yake, Kana kugamuchira chipo pamusoro pausina mhosva. Munhu anoita zvinhu izvozvi haangatongozonunguswi.