A Sofoni sebra karemdb yĩnga
A Sofoni gomda yɛl-bɛd wʋsg sẽn maan a wakatẽ, wala Asiri ne a toolma, sẽn wa ne Damas, Tir, Sidõ la Samari wãabo. A Sofoni tʋʋmda sɩnga a Zoziyas naamẽ, dat n yeelame tɩ Krista waoong sẽn waa n ket yʋʋm kobs-yoob la pisi sẽnẽ. Ad a Sofoni sẽn leok Wẽnd poorẽ. B be-la b buuda sʋka, b geta a yelle, n wat ne kaam sẽn na n bãn a noadã. Bãngda goma Wẽnd daara yelle n kaoos. Yaa daar ning b sẽn na n dok b sũuri ne b bɛɛbã. Yaa daar ning a Israyɛl sẽn na n teem zãnga n lɛɛg n wa kẽ a Soaala, la Israyɛl bu-kellã togsda tõnd rẽ ne a sũ-noog yɩɩla.
A Sofoni wẽnnẽ wã ninsaal da ket n yaa tõata. Maan-kʋʋdb woo, bʋ-kaoodb woo, bãngdba woo, b pa kelg Soaala neer ye. Dẽ me la Wẽnd na n vɛɛs sũya fãa la ned kam fãa na n deega a sɩbgre, Zerizalɛɛm ne a sagsa fãa na n deega b sɩbgre. Kõn paoog bu-zẽmba me ye, kõn paoog yaang bɩ nin-taoor dãmba, kõn paoog goabg la rɩtg rãmb ye.
A Sofoni yiisa gom-noodo n kils Israyɛl bu-kellã, naong rãmba la sik-m-meng rãmbã. A le gomame tɩ bãmb la Soaala na n kẽes Zerizalɛɛm paalga pʋga, tẽng sẽn ya sõngo, n so a menga n vɩ a sũ-noog vɩɩm Siõ tãnga zugu. A Sofoni sebra la woto.
