Kenese 10 - O LE TUSI PAIA

O LE MATAUPU X. O gafa o Semu, ma Hamo, ma Iafeta.

¹ O gafa foi nei o atalii o Noa, o Semu, o Hamo, ma Iafeta; na fananau foi ia te i latou o atalii a ua mavae le lolo.

² O atalii nei o Iafeta; o Komeri, ma Makoku, ma Metai, ma Iavana, ma Tupalu, ma Meseko, ma Tirasi.

³ O atalii foi nei o Komeri; o Asekeneso, ma Rifata, ma Tokaremo.

⁴ O atalii foi nei o Iavana; o Elisa, ma Tasesa, o Kitimo, ma Totanimo;

⁵ o i latou nei na āina solo ai o nuu tumatafaga o nuu ese, i o latou laueleele, e taitoatasi ma lana gagana, i o latou aiga, i o latou nuu.

⁶ O atalii foi o Hamo; o Kuso, ma Misaraimo, ma Futu, ma Kanana.

⁷ O atalii foi o Kuso; o Sepa, ma Havila, ma Sapeta, ma Ragama, ma Sapeteka; o atalii foi o Ragama; o Seepa, ma Titana.

⁸ Na fanaua foi e Kuso o Nimarota; o ia foi na amata ona fai ma alii malosi i le lalolagi;

⁹ o lē malosi foi o ia i tuli manu i luma o Ieova; o le mea lea ua faapea ai le upu, E pei o Nimarota lē malosi i tuli manu i luma o Ieova.

¹⁰ O le pogai foi o lona malo o Papelu, ma Areka, ma Akata, ma Kalene, i le nuu o Senara.

¹¹ O le nuu lava lea na alu atu ai Asura, ma ia faia Nineva, ma le aai o Reopo,

¹² ma Kala, ma Resena e i le va o Nineva ma Kala; o le aai tele lea.

¹³ Na fanaua foi o Misaraimo o tagata Luti, ma tagata Anama, ma tagata Leapi, ma tagata Nafatui,

¹⁴ ma tagata Pateruse, ma tagata Kaselui, (sa tutupu ai Filisitia,) ma tagata Kafatori.

¹⁵ Na fanaua foi e Kanana o Saitonu, o lana ulumatua lea, ma Heti,

¹⁶ ma sa Iepusē, ma sa Amorī, ma sa Kirekasē, ma sa Hivī,

¹⁷ ma sa Arekī, ma sa Senī, ma sa Aratī,

¹⁸ ma sa Semarī, ma sa Hamatō, mulimuli ane ua faasalalau atu aiga o sa Kananā.

¹⁹ O le tuaoi foi o sa Kananā na afua lea i Saitonu, ona oo lea i Kasa, i le ala e ui atu ai i Kira; ona ui lea i Sotoma, ma Komoro, ma Atama, ma Sepoima, e oo atu i Lasa.

²⁰ O atalii ia o Hamo i o latou aiga, ma a latou gagana, i o latou laueleele, ma o latou nuu.

²¹ O Semu foi na fanaua ona atalii, o le tupuga o le fanau uma a Eperu, o le uso o Iafeta le matua.

²² O atalii nei o Semu; o Elema, ma Asura, ma Afasata, ma Luti, ma Arama.

²³ O atalii foi nei o Arama; o Usa, ma Hulo, ma Kiteru, ma Mase.

²⁴ Na fanaua foi e Afasata, o Selaa; na fanaua foi e Selaa, o Eperu.

²⁵ Na fanaua foi e Eperu ona atalii e toalua; o le igoa o le tasi o Peleko; auā o ona aso ia ua vaevaeina ai le lalolagi; o le igoa foi o lona uso o Ioketana.

²⁶ Na fanaua foi e Ioketana o Alemotata, ma Salefo, ma Asamoveta, ma Iaraa,

²⁷ ma Aturamo, ma Usala, ma Tikelu,

²⁸ o Upalu foi, ma Apimalu, ma Seepa,

²⁹ ma Ofeira, ma Havila, ma Iopapo; o i latou uma nei o atalii o Ioketana.

³⁰ O le mea na latou mau ai na afua i Mesa ua oo i Sefara, o le mauga lea i sasae.

³¹ O atalii ia o Semu, i o latou aiga, ma a latou gagana, i o latou laueleele, i o latou nuu.

³² O aiga ia o atalii o Noa, e tusa ma o latou gafa i o latou nuu; o i latou ia foi na āina solo ai atu nuu i le lalolagi ina ua mavae o le lolo.