Fa‘ata‘oto 27 - O LE TUSI PAIA

O LE MATAUPU XVII. O le uiga o le alofa; o le aoga o galuega.

¹ Aua e te mitamita i le aso taeao; auā e te le iloa se mea e tupu a taeao.

² Ia viia oe e le tagata ese, a e le o lou lava gutu; ia viia e le tasi, a e le o ou lava laugutu.

³ E mamafa le maa, e mamafa foi le oneone; a o le ita o le vale, e sili ona mamafa lea i ia mea e lua.

⁴ O le lotoa o le sauaga lea; o le ita o le tafega lea; a o ai se tu i luma o le fuā?

⁵ E sili ona lelei o le aoaiga ua aliali mai, i le alofa ua lilo.

⁶ E faamaoni manua mai le ua; a e tele le feasogi o le ua ‘ino‘ino.

⁷ O le tagata ua ma‘ona e tetee atu e ia i le meli; a o le tagata ua laina, e suamalie ia te ia mea oona uma.

⁸ E pei o le manu ua lele ese i lona ofaga, e faapea le tagata ua taase ai lona lava nuu.

⁹ O le suāuu ma le mea manogi e faafiafiaina ai le loto; e faapea foi le alofa o le uo a le tagata, ona o le faatonu e fua mai i le loto.

¹⁰ Aua e te tuulafoaiina lau ou, ma le uo a lou tamā; aua foi e te ulu atu i le fale o lou uso i le aso e te tiga ai; auā e sili ona lelei o lē lua te tuaoi ua latalata mai, i le uso e mamao.

¹¹ Lo‘u atalii e, ia poto oe, ma e faafiafia lo‘u loto; ona ou mau tali ai lea i lē faifai mai.

¹² O le ua faautauta, na te iloa atu le leaga ma lafi ai; a o e ua faigofie, e o atu pea i latou, ona faasalaina ai lea.

¹³ Ia e talia le ofu o le ua fai ma moni o le tagata ese; ma ia talia lana mea e tuu faafaatau, ona o le fafine ese.

¹⁴ O le ua faamanuia i lana uo ma le leo tele, o loo tulai ai o ia i le taeao lava e ta‘ua lea o le fetuu ia te ia.

¹⁵ O le tutulu soo i le aso ua, ma le fafine faamisa, e tutusa ia;

¹⁶ o le ua nanā ia te ia, ua nanā e ia le matagi; ma le suāuu o lona lima taumatau e alaga mai.

¹⁷ E maamaai le uamea i le uamea, e faapea foi ona faamafanafana o le tagata i lana uo.

¹⁸ O le ua leoleo i le mati na te ‘ai i lona fua; o le ua anaana foi i lona alii e viia o ia.

¹⁹ E pei ona faafeagai mata i le vai; e faapea le loto o le tagata i le tasi tagata.

²⁰ O tuugamau ma le malaia e le maoona ia; o mata foi o tagata e le mălie ia.

²¹ O le ipu e tunu a‘i le ario, ma le ogaumu e tunu a‘i le auro; e faapea foi le tagata i lona viiga.

²² E ui lava ina e tu‘imomomo i le vale i le mea e tu‘i a‘i i le ipu e tu‘i ai mea, faatasi ma le saito ua tu‘ia, e le te‘a lona valea ia te ia.

²³ Ia e matuā iloa tino o au mamoe, ma e mafaufau i ou lafu;

²⁴ auā e le faavavau le oloa; e le oo foi le pale i lea tupulaga ma lea tupulaga.

²⁵ Ua tutupu mai le mutia, ma ua iloa mai le vao mu‘a, e faaputuina foi le vao iti o mauga.

²⁶ O tamai mamoe e maua ai ou ofu; o le tau foi o le fanua, o ‘oti poa ia.

²⁷ E lava foi suāsusu o ‘oti, e ‘ai ai oe, e ‘ai ai foi lou aiga; e maoona ai foi ou teine e auauna.