Mapisarema 101 - Shona Bible 1949 revised 2002

Dhavhidhi anoda kufamba nenzira yakarurama nomwoyo wake wose

Pisarema raDhavhidhi.

¹ Ndichaimba ndichireva ngoni nokururama; Ndimi Jehovha wandichaimbira nziyo dzokurumbidza.

² Ndichaita zvose nokugwara panzira yakarurama; Haiwa, muchauya kwandiri riniko? Ndichafamba mumba mangu nomwoyo wakarurama.

³ Handingavavariri chinhu chakaipa; Ndinovenga zvinoitwa navanotsauka; Hazvingandinamatiri.

⁴ Mwoyo wakatsauka ngaubve kwandiri; Handidi kuziva zvakaipa.

⁵ Anoitira vokwake makuhwa, ndichamuparadza; Anotarira namanyawi, nounomwoyo unozvikudza, handingavi nehanya naye.

⁶ Meso angu achatarira vakatendeka panyika, kuti vagare neni; Munhu anofamba nenzira yakarurama, ndiye angava mushumiri wangu.

⁷ Anonyengera haangagari mumba mangu; Anoreva nhema haangarambiri pamberi pangu.

⁸ Mangwanani ose ndichaparadza vakaipa vose venyika; Kuti ndipedze vose vanoita zvakaipa paguta raJehovha.