Mapisarema 98 - Bhaibhiri Idzva rechiShona rine Dhuterokanonika

Mwari mutongi wapasi pose

Rwiyo.

¹ Imbirai TENZI rumbo rutsva nokuti akaita zvinhu zvinoshamisa, simba rorudyi rwake nereruoko rwake rutsvene ndizvo zvakakupai kukunda.

² Mwari akaratidza kukunda kwake akazivisa kukunda kwake pamberi pamarudzi.

³ Akarangarira mwoyochena wake nokutendeka kwake kuimba yokwaIsiraeri. Pasi pose kusvika kwayakaperera pakaoma kukunda kwaMwari wedu.

⁴ Pururudzirai TENZI nokufara pasi pose shaurai rumbo rworufaro muimbe muchirumbidza.

⁵ Imbirai TENZI nechipendani nechipendani kuchiimbwa rumbo

⁶ namabhosvo nehwamanda pururudzirai kuvapo kwaMambo TENZI.

⁷ Gungwa ngaritinhire nazvose zvizeremo, pasi pose navagerepo.

⁸ Mapopopo ngaaombere maoko, makomo ngaaimbe norufaro pamwechete.

⁹ Ngaaimbe pana TENZI nokuti ari kuuya kuzotonga nyika. Achatonga pasi pose noururami uye achatonga vanhu noruenzaniso.