Mapisarema 82 - Bhaibhiri Idzva rechiShona rine Dhuterokanonika

Rwiyo rwaAsafu.

Mwari ndiye Mutongi mukuru

¹ Mwari agara pachigaro chake chokutonga, mudare rake, achitonga pakati pavamwari.

² “Muchatonga zvisina ruenzaniso kusvikira rinhiko muchirerekera kuvakaipa?” Dzepfunde

³ “Miririrai varombo nenherera, itai zvine ruenzaniso kunavatamburi navasina chavanacho.

⁴ Nunurai varombo navasina chokubata vanunurei mumaoko mavakaipa.

⁵ “Havana ruzivo kana runzwisiso, vanofamba murima ugaro hwose hwenyika huri kuzunguzika.

⁶ Ndinokutii zvangu vamwari vana voWokumusorosoro, mose zvenyu

⁷ asi muchangofa savanhu muchaputsikawo sezvinongoita mumwe wamachinda.”

⁸ Simukai Mwari mutonge nyika ndimi muridzi wamarudzi ose.