Mapisarema 101 - Bhaibhiri Idzva rechiShona rine Dhuterokanonika

Rwiyo rwaDhavhidhi.

Mambo kwaye

¹ Ndichaimba nezvokutendeka uye nezvoruenzaniso, ndichaimbira imi TENZI.

² Ndichangwaririra mufambiro wakarurama. Ko imi muchauyawo kwandiri rini? Ini ndichafamba nomwoyo wakatendeka mumba mangu.

³ Ndicharega kutarisa chose chinenge chakashata; zvose zvinoitwa navanenge vafuratira Mwari, ndichazvivenga. Handidi kuva nei nazvo.

⁴ Uipi ndichasiana nahwo, handidi kumbofa ndakaita ukama nouipi.

⁵ Munhu anoreva mumwe wake muchivande, ndichamuparadza. Munhu anozvitutumadza, anozvikudza handidi, kuita hanya naye.

⁶ Ziso rangu richava kuna vakatendeka munyika ndivo vangagare neni. Munhu anotevera nzira yakarurama, ndiye achandishandira.

⁷ Hapana munhu anoita zvoujarijari achagara mumuzinda wangu. Hapana anoreva nhema acharamba aineni.

⁸ Mangwanani oga oga ndichaparadza vakaipa vose munyika ndichipedza vaiti vezvakaipa vose muguta raTENZI.