Mapisarema 100 - Bhaibhiri Idzva rechiShona rine Dhuterokanonika

Rumbo rwokurumbidza

Rwiyo rwemupiro wokutenda.

¹ Pururudzirai TENZI imi nyika dzose

² shandirai TENZI, norufaro, uyai pamberi pake muchiimba.

³ Zvizivei kuti TENZI ndiMwari, ndiye akatisika uye kuti tiri vake. Tiri vanhu vake, hwai dzake dzaanochengeta.

⁴ Pindai pamisuo yake mikuru muchitenda mupinde mumipanda yake muchirumbidza, mutendei muchirumbidza zita rake.

⁵ Nokuti TENZI akanaka, mwoyochena wake hauperi, kutendeka kwake kunosvika kuzvizvarwa nezvizvarwa.