Esabbuli 70 - EBBAIBBO EMBOOSI YA NASAAEEsaala y'ohusaba obuhoonyi ( Sab 40:13-17 ) 1 Ewe Nasaae, fukiirira ohumonia! Ewe Omwaami, yanguwaho wuhoonye! 2 Leha abasuku baange esoni chibadiire haandi badoondobanire elalira abo abakiiya ohumalao obulamu bwaange; Leha bakaluswe enyuma, mani bamalwemo oluyaali! Abo abekoomba ohubona obunyaalifu bwaange! 3 Leha abo abahoomolera nibaboola bati, “Otyo, Otyo” esoni chibadiire! 4 Nae leha abo boosi abahukoonya beehoye haandi bahusaangaaliramo! Leha abo abaheera obuwonia bwao bemeede ohuboola bati, “Nasaae w'amaani!” 5 Nae ese mweene, ndi omumanani haandi ndaha obuhoonyi; yanguya ohwiichia yi ndi, ewe Nasaae! Niiwe obuhoonyi bwaange, haandi omuwonia waange; Ewe Omwaami waange, otahiinda daawe! |