Esabbuli 54 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO1 Ewe Nasaae, monie neende eliita lyao, mani wuundehuule neende amaani kao. 2 Ewe Nasaae, wulira emboosi chitula mu munwa kwaange. 3 Abaandu beehuduumbasa baasiingiriireho, abaandu b'amawuruta bakiiya obulamu bwaange; haba sibanyala ohuta Nasaae mu moni waabwe daawe. 4 Bone, Nasaae niye omuhoonyi waange; Omwaami niye omulwaani w'obulamu bwaange. 5 Oyo niye ochia ohusaandya abasuku baange, ebibi byaabwe bibakobolere; mu bweesikwa bwao, fukiirira obasihirise. 6 Njia ohuhuyaanira esiyaanwa neende omwooyo mulala; ewe Omwaami, njia ohweebasa muno eliita lyao, olwohuba lai nilyo. 7 Olwohuba ewe wuununulaanga ohuundusa mu bidinyu byoosi, mani emoni chaange chabona ninyiingira abasuku baange. |