Sofonías 3 - Teyta Diospa Willakïnin

Jerusalén nunakunata castigananpaq ninqan

¹ ¡Allaw mana wiyakuq Jerusalén nunakuna! Qamkunaqa alläpa jutsasapam kayanki. Pïmëtapis alläpam jipatsiyanki.

² Qamkunaqa pï willapäyäshuptikipis manam chaskikuyankitsu. Corrigiyäshuptikipis manam cäsukuyankitsu. Teyta Diosmanpis manam markäkuyankitsu. Pëta manam mañakïllapis mañakuyankitsu.

³ Mallaqëwan qaparikaq leonkunanömi autoridänikikunapis këkäyan. Tullutapis mana jaqiriq mallaqashqa atuqkunanömi jueznikikunapis këkäyan.

⁴ Profëtëkikunapis mana respetakuq y ulikuqmi këkäyan. Sacerdötikikunapis sagrädu templutam impüruyätsiyan. Teyta Diospa leyninkunatapis manam cumpliyantsu.

⁵ Tsënö kayaptinpis Teyta Diosqa imëpis Jerusalénchömi këkan. Pëqa manam imatapis llutankunataqa rurantsu. Cada qoyam käyitsimantsik allillata ruraq kashqanta. Tsënö kaptinpis jutsa ruraq nunakunaqa llutanta rurar manam penqakuyantsu.

⁶ Teyta Diosmi kënö nin: <

⁷ Tsëmi kënö yarparqä: . Tsënö yarpaptïpis pëkunaqa jutsa rurëllapaq yarpararmi kakïkäyan>>.

⁸ Tsëmi Teyta Dios nin: <<¡Allaw tsë nunakuna! Juzganä junaq imëllaqa chämunqam. Llapan nacionkunata ëllïkurmi alläpa piñatsiyämashqanpita castigashaq. Nina imëkatapis chipyëpa rawrar ushaqnömi kë patsachö täraqkunata llapanta ushakätsishaq>>.

Nunakunata salvananpaq Teyta Dios äninqan

⁹ <

¹⁰ Mas karuchö täraq nunäkunapis yanapëkunäpaqmi mañakayämanqa. Tsë nunakunaqa Etiopía nacionchö këkaq mayukunapita mas karuchömi täräyan. Tsëpita patsam ofrendankunata noqapaq apayämunqa.

¹¹ Tsë junaqmi jutsata rurar kushikuqkunata qamkunapita qarqushaq. Sagrädu jirkächö manam allitukuyanqanatsu. Jutsata manana rurar manam puktikachäyanqanatsu.

¹² <

¹³ Israelchö kawëkar quedaq nunakunaqa mananam llutanta rurayanqanatsu. Pëkunaqa mananam ulikuyanqanatsu ni pitapis manam engañayanqanatsu. Yamë mikukuq üshakunanömi kayanqa. Pëkunaqa pitapis mana mantsakushpanam kawakuyanqa>>.

¹⁴ ¡Sión nunakuna, qotsukuyë! ¡Israel nunakuna, kushikur qapariyë! ¡Jerusalén nunakuna, llapan shonqïkikunawan kushikuyë!

¹⁵ Teyta Dios mananam castigayäshunkinatsu. Chikishuqnikikunatapis qarqunqam. Teyta Diosmi mandakuqniki rey këkan. Qamkunawan këkaptinqa manam imapitapis mantsakuyankinatsu.

¹⁶ Tsë junaqmi Jerusalén nunakunata kënö niyanqa: <>

¹⁷ Qamkunawanmi Teyta Dios këkan. Puëdiq karmi salvayäshunki. Kuyayäshurnikim mushuq kawëta qoyäshunki. Qamkunapaq alläpa kushikurmi

¹⁸ fiestata ruraqnö qotsunqa. Teyta Diosmi kënö nin: <

¹⁹ Tsë tiempuqa jipatsishuqnikikunata kikïmi ushakätsishaq. Tsëpitam oqrakashqa üshata ëlluqnö jinantinpita ëlluyämushqëki. Pakikushqa üshata jampiqnömi jampiyashqëki. Manam pipis penqapëkäyäshunkinatsu. Sinöqa yanapashqëki jinantinchö reqishqa y alabashqa kayänëkipaqmi.

²⁰ Tsë witsanqa jinantinpitam ëlluyämushqëki. Juk lädu nacionkunaman apayäshuqnikikunapa senqan senqanpa kutitsiyämuptiqmi pïmëpis kushikur respetayäshunki. Noqa Teyta Diosmi tsënö nï>>.