Sofonías 2 - Teyta Diospa Willakïnin

¹ Mana penqakuq Judá nunakuna, llapëki ëllukëkur yarpakachäyë jutsa rurëta jaqiyänëkipaq.

² Teyta Dios piñakushqan junaq manaraq chämuptin jutsa rurëta jaqiyë. Mana jaqiyaptikiqa imëka päjata vientu apar ushakätsishqannömi ushakätsiyäshunki.

³ Kë patsachö qollmi shonqu nunakuna, Teyta Diosta llapëki ashiyë. Mandamientunkunata cäsukuqkuna, mana yachaq tukushllapa pë munashqannö kawakuyë. Tsënö kawakuyaptikiqa capazchi Teyta Dios piñakushqan junaq salvëkuyäshunkimanpis.

Filisteo nunakunata castigananpaq ninqan

⁴ Gaza markapis chusyaqmi tikrarinqa. Ascalón markapis pasëpam ushakanqa. Asdod markachö täraqkunatapis junaqpam suwapäyanqa. Ecrón markachö täraqkunatapis sipinpita montita tirariqnömi jitariyanqa.

⁵ ¡Allaw! ¡Lamar kuchunchö täraq filisteo nunakuna, qamkunapis ankupëpaqmi kayanki! Castigayäshunëkipaqmi Teyta Dios kënö nishqa: <<¡Canaánchö täraq filisteo nunakuna, ushakäratsiyaptiqmi markëkikuna chusyëkar quedarinqa!

⁶ Lamar lädunchö chakrakunapis tikrarinqa wätakunata mitsikuyänanllapaqnam. Üsha kanchakunallanam tsëchö kanqa>>.

⁷ Kawëkar quedaq Judá nunakunataqa Teyta Dios yanapanqa librina kawakuyänanpaqmi. Pëkunapaqna tsë chakrakuna kaptinmi wätankunata tsëchö mitsikuyanqa. Ascalónchö këkaq wayikunachömi punuyanqa.

Moabita y amonita nunakunata castigananpaq ninqan

⁸ Teyta Diosmi kënö nin: <>.

⁹ Tsëmi Israel nunakunata kuyaq y llapanta mandaq Teyta Dios jurar nin: <>.

¹⁰ Pëkunata tsënö pasanqa alläpa nuna tukuyashqanpitam. Pëkunam llapanta mandaq Teyta Dios kuyashqan nunakunata allqutsakuyashqa.

¹¹ Kë patsachö adorayashqan llapan dioskunata ushakäratsirmi Moab nación nunakunata y Amón nación nunakunata Teyta Dios alläpa castiganqa. Tsëmi karu islakunachö täraq nunakunapis markankunachö Teyta Diostana adorayanqa.

Etiopía nunakunata castigananpaq ninqan

¹² <>.

Asiria nunakunata castigananpaq ninqan

¹³ Tsënöllam Teyta Diosqa norti kaq lädupa ëwar Asiria nacionta ushakätsinqa. Nínive markachö täraq nunakunatapis ushakätsiptinmi pasëpa chusyaq tikrarinqa.

¹⁴ Tsë partiqa wäta mitsikuyänanmi tikrarinqa. Tukïläya chucaru animalkunam tsëchö täräyanqa. Tukuwan akakallanam terrädunkunachöpis punuyanqa. Tsëkuna waqashqanpis ventänapam wiyakamunqa. Punkukuna ushakaptinmi cedru tablawan entablayashqanpis alëruna rikakunqa.

¹⁵ Tsë markachö täraq nunakunaqa ima desgracia pasayänanpaq kashqanta yarpëllapis manam yarpäyantsu. Tsëmi shonqunkunallachö kënö niyan: <> Tsënö nikaqta ushakätsiptinmi markankuna tikrarinqa jirka animalkuna täkunanlla. Tsëta rikëkurmi marka nöpanpa pasaqkuna makitapis paqchirraq asipäyanqa.