Daniel 2 - Teyta Diospa Willakïnin

Mandakuq Nabucodonosor suëñunqan

¹ Ishkë watana Nabucodonosor rey këkarmi yapëkuryan tsëllata suëñukïkurqan. Tsëmi alläpa llakikur punïtapis tarirqantsu.

² Suëñushqan imapaq kashqantapis willayänanpaqmi rey qayatsimurqan adivïnukunata, brüjukunata, suerti qatiqkunata y qoyllur estudiaqkunata. Llapan qayatsishqankuna nöpanman ëllukäriyaptinnam

³ rey kënö nirqan: <>.

⁴ Tsëmi tsë yachaq nunakuna arameo idiömachö kënö niyarqan: <<¡Qamlla imëyaqpis rey këkullë! Suëñushqëkita willayämë imapaq kashqantapis willayänaqpaq>>.

⁵ Tsënö niyaptinmi rey Nabucodonosor pëkunata kënö nirqan: <

⁶ Mëqëkipis imata suëñushqäta y imapaq tsë suëñu kashqantapis willarayämaptikiqa llapan nunakuna respetayäshunëkipaqmi churayashqëki y imëkatapis qarayashqëkim. Kanan jinallachö willayämë ima suëñushqäta y suëñushqä imapaq kashqantapis>>.

⁷ Tsënö niptinmi yapë kënö niyarqan: <>.

⁸ Tsëmi rey Nabucodonosor kënö nirqan: <

⁹ Suëñushqäta mana willayämaptikiqa llapëkitam ushakätsiyashqëki. Qamkunaqa willanakuyarqunki ulipämar engañayämänëkipaqmi. Tsënö nishllapam ushakätsiyänaqpaq kaqta qonqarinäta munëkäyanki. Kanan jinallachö willayämë imata suëñushqätapis. Tsënöpam musyashaq suëñushqä imapaq kashqantapis asertayanqëkita>>.

¹⁰ Tsënam yachaq nunakuna reyta kënö niyarqan: <

¹¹ Tëta rey, mañakayämashqëkiqa alläpa sasam këkan. Nunaqa tsëta manam musyantsu, sinöqa dioskunallam. Pëkunaqa manam noqantsikwantsu këkäyan>>.

¹² Tsënö niyaptinmi rey alläpa piñakur ordenarqan Babiloniachö llapan yachaq nunakunata chipyëpa ushakätsiyänanpaq.

¹³ Ordinta rurarkatsirmi jinantin nacionpa apatsirqan llapan yachaq nunakunata wanutsiyänanpaq. Tsëmi Danielta y yanaqinkunatapis ashitsirqan wanutsiyänanpaq.

¹⁴ Tsë ordinwanmi reyta cuidaq soldädukunapa capitannin ëwarqan Babiloniachö këkaq yachaq nunakunata wanutsinanpaq. Tsë nunapa shutinmi karqan Arioc. Daniel kaqman chäriptinmi Danielqa shumaq yarpakachärir

¹⁵ nirqan: <<¿Imataq kashqa rey tsënö raslla ordenakunanpaq?>> Tsëmi Danielta Arioc willarqan imanir wanutsita munashqanta.

¹⁶ Tsënö willaptinmi Danielqa rey Nabucodonosorman ëwëkur mañakurqan: <>.

¹⁷ Tsëpitanam wayinman Daniel kutikur Ananíasta, Misaelta y Azaríasta willarqan rey imanir yachaq nunakunata wanutsita munashqanta.

¹⁸ Tsëpitanam pëkunata kënö nirqan: <>.

¹⁹ Tsë paqasmi Danielta Teyta Dios revelarqan Nabucodonosor imata suëñushqanta y imapaq tsë suëñu kashqantapis. Tsëmi Danielqa ciëluchö këkaq Teyta Diosta alabarnin

²⁰ nirqan: <

²¹ Qam munaptikim imëkapis pasakun. Qammi tiempukunatapis patsakätsinki. Reykunatapis churanki y trocanki. Yachaqkunatapis yachëta qonki. Käyikuqkunatapis käyitsinki.

²² Pipis mana käyishqantam qam musyatsinki. Qampaqqa llapanpis aktsichönömi këkan.

²³ Unë castäkuna adorayashqan Teyta Dios, qamtam payllä nikur alabëkuq. Mañakullashqaqta wiyamarmi yachëta qomar shumaq musyatsimarqunki rey Nabucodonosor imata suëñushqantapis>>.

²⁴ Tsëpitanam Daniel ëwarqan Ariocwan parlananpaq. Arioctam rey ordenashqa karqan yachaq nunakunata wanutsinanpaq. Tsëmi pëta Daniel kënö nirqan: <>.

²⁵ Tsënö niptinnam Arioc tsë höra Danielta pusharqan rey kaqman. Chëkatsirnam nirqan: <>.

²⁶ Tsënö nïkuptinmi Beltsasar shutiyuq Danielta Nabucodonosor kënö tapurqan: <<¿Rasunpaku qam willamanki imata suëñushqätapis y imapaq tsë suëñunqä kashqantapis?>>

²⁷ Tsënö tapuptinmi Daniel kënö nirqan: <

²⁸ Tsënö këkaptinpis ciëluchö këkaq Teyta Diosmi nuna mana käyishqan kaqta revelan. Pëmi suëñïnikichö musyatsishurqunki shamuq watakuna imanö kananpaq kashqanta. Kanan willashqëki suëñïnikichö imata rikashqëkitapis.

²⁹ <

³⁰ Manam wakin nunakunapita mas yachaq kaptïtsu tsë suëñushqëkita musyatsimashqa, sinöqa imapaq kashqantapis musyanëkipaqmi.

³¹ <

³² Peqanmi kashqa qori pürupita. Pëchun y rikrankunam kashqa qellëpita. Pachan y titaq chankankunanam kashqa broncipita.

³³ Qonqunpita utsuputunyaqmi fiërrupita kashqa. Chakinkunanam kuwashqa mituwan y fiërruwan takushqa kashqa.

³⁴ <

³⁵ Tsëmi mitupita, fiërrupita, broncipita, qellëpita y qoripita nuna niraqta allpayäratsishqa. Imëka usya tiempu ërachö trïguta jalutsiyaptin polvu tikrashqannömi tsë nuna niraq polvu tikrarishqa. Tsë polvuta vientu apakuptinmi imapis quedashqanatsu. Nuna niraqta shallushqa rumiqa jatun jirka tikrarirmi jinantin patsaman juntarishqa.

³⁶ <

³⁷ Ciëluchö këkaq Teyta Diosmi churashurqunki llapan reykunapitapis mas puëdiq y pïmëpitapis alli reqishqa kanëkipaq.

³⁸ Tsënöllam qampa podernikiman churamushqa mëtsëchö täraq nunakunata, llapan animalkunata y llapan päriqkunatapis. Teyta Diosmi churashurqunki pëkunapa mandakuqnin kanëkipaq. Tsëmi suëñïnikichö rikanqëki nuna niraqpa qori peqan qam këkanki.

³⁹ <

⁴⁰ Tsëpitanam juk nacionna llapan nacionkunata vencir mandanqa. Tsë nacionmi fiërrunö fuerti kanqa. Fiërru imatapis pakir ushakätsinqannöllam tsë nacionpis wakin nacionkunata polvuman tikraratsinqa.

⁴¹ <

⁴² Chaki dëdunkuna fiërrupita y mitupita kashqannömi tsë nacionpis fiërrunö fuerti kanqa y mitunö débil kanqa.

⁴³ Fiërruwan y mituwan chakinkuna takushqa kayashqanta rikashqëkinömi tsë nacionpa reyninkunapis poderninchö këkaq reykunawan pactuta rurayanqa yanapanakuyänanpaq. Tsënö rurarpis imëka fiërrutawan mituta takukätsita mana puëdishqantsiknömi tsë nación nunakunapis munëninchö këkaq nación nunakunawan takukëta puëdiyanqatsu.

⁴⁴ <

⁴⁵ Tsënö kananpaqmi suëñïnikichö rikëkurqunki jirkapita qochpakämuq rumita. Tsë rumiqa pipis mana kumëkämuptin qochpakämurmi fiërrupita, broncipita, qellëpita, mitupita y qoripita nuna niraqman char shallushqa. Tëta rey, tsënö kananpaqmi Teyta Dios revelashurqunki. Tsënö pasanqa tiempun chämuptinmi. Tsë suëñushqëkiqa rasunpam pasakunqa. Imapaq kashqanta willashqaqpis rasunpam këkan>>.

⁴⁶ Tsënö nïkuptinmi rey Nabucodonosorqa urkunpis patsaman chashqanyaq Danielpa nöpanman qonqurikïkurqan. Tsëpitanam ordenarqan tsaki mikï ofrendakunata pëta qoykuyänanpaq y inciensuwan sawmayänanpaq.

⁴⁷ Nabucodonosornam Danielta kënö nirqan: <>.

⁴⁸ Tsëpitanam jinantin Babilonia provinciachö gobernador kananpaq Danielta rey churarqan y imëkatapis qararqan. Tsënöllam yachaq nunakunapa mandakuqnin kananpaq churarqan.

⁴⁹ Tsënam reyta Daniel mañakurqan Sadracta, Mesacta, Abed-neguta Babilonia provinciakunachö alli puestukunaman churëkunanpaq. Kikin Danielnam quedarirqan reypa palaciunchö.