Hechos 2 - Quechua Ancash New Testament

Espiritupa shamiynin Pentekosteschow

¹ Pentekostes junaq cháramuptinnam, llapankuna keykáyarqan juknowlla purwakashqa.

² I illaqpita shamorqan syelupita juk janrarey byentunow feyupa púkar, juntarerqan teykayanqan wayiman;

³ i yuripuyarqan rakikashqa ninapa lláman, rawreykaqnow llapankunapa janankunaman patsakar.

⁴ I llapankuna juntashqa kayarqan Espiritu Santupa, i parlar qalleykuyarqan jukláya parleykunata, Espiritu parleyta qoshqanmannow.

⁵ Jerusalenchownam yachayarqan judyukuna, ankupákoq ollqukuna, key patsachow jinantin markakunapita.

⁶ Key janrarey kariptinna, atskaq eyllukáyarqan; i pantakashqa keykáyarqan, i wiyayarqan kikinkunapa parleyninkunachow parlayaqta.

⁷ I keykáyarqan mantsakashqa i almirashqa, nishpa: —Rikáyey, ¿manaku key llapan parlaqkuna galilewkuna kayan?

⁸ ¿Imanowtaq wiyantsik keykunata yurikiy parleynintsikkunachow parlaqta?

⁹ Partukuna, médukuna, elamitakuna i Mesopotamyachow yachanqantsikkuna, Judeyachow, Kapadosyachow, Pontuchow i Asyachow,

¹⁰ Frigyachow i Panfilyachow, Egiptuchow i Afrika markakunachow, Sirénipa washaninchow, i keychow yachaq románukuna, judyukuna i judyuman tikrashqakuna.

¹¹ Kretensikuna i árabikuna, wiyarqontsik parlayaqta parleynintsikkunachow, Dyospa marabillankunata.

¹² I llapankuna keykáyarqan almirashqa i anawashqa, kikinkunapura ninakur: —¿Ima ninantaq key?

¹³ Wakinkunanam, burlakur, niyarqan: —Machashqam keykáyan.

Pentekosteschow Pedrupa predikeynin

¹⁴ Tseynam Pedru chunka jukkunawan sharkur, sinchipa parlarqan nishpa: —Ollqu judyukuna i llapan Jerusalenchow yachaqkuna, keyta musyayey, wiyayey parlamonqáta.

¹⁵ Keykunaqa manam machashqatsu kayan, qamkuna niyanqeykinow, junaqpa kima óranllaran keykan.

¹⁶ Keyqa profeta Joelpa nishqanmi:

¹⁷ Dyosmi nin shamoq junaqkunachow, Espiritútam ramamushaq llapan nunakunaman, i tsurikikuna i waweykikunam profetisáyanqa; jobinnikikunam rikáyanqa bisyonkunata, awkinnikikunam sweñukuyanqa sweñukiykunata;

¹⁸ tseqeypam taqey junaqkunachow sirweqníkunaman, Espiritúpitam ramamushaq, i profetisáyanqam.

¹⁹ I almirakiykunatam rikátsishaq rara syeluchow, i señalkunata patsachow, yawar i nina i pukuteynow qoyeyta;

²⁰ intinam tikrarenqa anpiman, i killanam yawarman, Señorpa junaqnin manaraq shamuptin, jatun i rikakiy junaq;

²¹ Señorpa jutin llapan qayakoqkunam, salbashqa kanqa.

²² »Israyel ollqukuna, wiyayey key palabrakunata: Jesús Nasareynu, Dyospa alli nishqan óllqu qamkunachow marabillakunawan, almirakiykunawan señalkuna Dyos qamkunachow rurashqa Peypa, kikikikuna musyayanqeykinow;

²³ keytam, entregashqa Dyos munanqanmannow i nowpa reqishqannow, tsariyarqeyki i wanutsiyarqeyki jutsasapakunapa makinkunawan, krusifikarnin;

²⁴ peytam Dyos sharkatserqan, waniy nanatsikiykunapita kacharishqa, waniy tsareyta mana pwediptin.

²⁵ Dabidmi nin peypaq: Wiñeymi rikarqá Señorta nowpáchow; derécháchow keykaptin, manam kuyutsishqatsu kashaq.

²⁶ Tseymi shonqú kushirqan, i qallú kushikorqan, i eytsápis jamanqam shuyakiychow;

²⁷ almáta manam jaqinkitsu Ádischow, i manam permitinkitsu santíkiy ismunanta.

²⁸ Reqitsimarqonki kawey nánikunata; kushikiywanmi juntatsimanki keykamonqeykiwan.

²⁹ »Wawqikuna, pweydiymanmi niyeynikita patryarka Dabidpita, wanurqan i pampashqam karqan, i sepultúran noqantsikwan keykan kanan junaqyaq.

³⁰ Profeta keykar, juramentuwan Dyos jurashqanta musyeykar kastanpita, nuna keyninchow, Kristuta pallarirkunmanmi tronunchow tákunampaq,

³¹ uney rikaqnownam, parlarqan Kristupa kawarimiyninpita: Alman manam jaqishqatsu karqan Adischow, ni eytsan ismurqantsu.

³² Key Jesustam Dyos kawaritsimorqan, keypitam llapantsikkuna testigu kantsik.

³³ »Tseymi, pallarishqa Dyospa deréchanwan, Teytapita ánikiy Espiritu Santuta chaskishqa keykar, ramamushqa qamkuna key rikáyanqeykita i wiyayanqeykita.

³⁴ Dabid manam witsarqantsu syeluman; peru kikinmi nin: Señormi nerqan Señorníta: “Tákarami derecháman,

³⁵ chikishoqnikikunata chakikikuna jarunanman churamonqáyaq.”

³⁶ Musyayey, tseqeypa Israyelpa llapan wayi, key Jesusta qamkuna krusifikayanqeykitam, Dyos rurashqa Señor i Kristu.

³⁷ Keyta wiyarnam shonqunkunachow nanatsikurkuyarqan, i niyarqan Pedruta i wakin apostulkunata: —Wawqikuna, ¿imatataq rurayáshaq?

³⁸ Pedrunam nerqan peykunata: —Wanakuyey jutseykikunapita, i bawtisakuyey kada únu qamkunapita Jesukristupa jutinchow jutseykikuna perdonashqa kanampaq; i chaskiyankim Espiritu Santupa qareyninta.

³⁹ Qamkunapaqmi ánikiy, i tsurikikunapaq i llapan karuchow kaqkunapaq; Señornintsik Dyos llapan qayashqanpaqwanmi.

⁴⁰ I wakin atskaq parleykunawan willakurqan i piñapákurqan, nishpa: —¡Salbashqa kayey key mana alli kastakunapita!

⁴¹ Tseymi, palabranta chaskeqkuna bawtisashqa kayarqan; i tsey junaq yapakáyarqan kima waranqanow nunakuna.

⁴² Tsarakuyarqan apostulkunapa yachatsikiyninchow, juknowlla keychow, jukninkuna jukninkunawan, tanta rakinakiychow i Dyosman mañakiychow.

Kreyentikunachow kada junaq kawey

⁴³ I mantsakiy shamorqan llapan nunaman; i atska marabillakuna i señalkuna rurashqa karqan apostulkunapa.

⁴⁴ Llapan kreyishqakunam keykáyarqan juntulla, i llapan kosasninkunam kayáporqan llapampaq;

⁴⁵ i rantikuyaq chakrankunata i kapoqninkunata, i rakiyaq llapankunata waneyninkunamannow.

⁴⁶ I tsarakur juknowlla kada junaq templuchow, i tantata rakikur wayikunachow, mikuyaq jukllachow kushikiwan i qollmi shonquwan,

⁴⁷ Dyosta alabarnin, llapan pweblupa faborninta chaskir. I Señornam kada junaq miratseq iglesyaman salbashqa kayánanpaq kaqkunata.