Efesios 3 - Quechua Ancash New Testament

Pablupa ministeryun gentilkunapaq

¹ Keyreykurmi noqa Pablu, Kristu Jesuspa presun qamkuna gentilkunapaq.

² Dyospa grasyanta administranápaq qamkunachow qomashqanta wiyashqa karninqa;

³ key pakaraq willamashqa karqan rikátsikiypa, nowpata ichiklla qellqanqánow,

⁴ keyta leyirmi káyiyanki yacheyní Kristuchow pakaraq kanqanta,

⁵ imeykakunapis pakaraqta pasaq kastakunachow mana reqitsishqatsu karqan nunakunapa tsurinkunata, kanan rikátsishqannow santu apostulninkunata i profetakunata Espiritupa:

⁶ Gentilkunam eredéru mayin kayan i kikin kwerpupa myemrukunam, i Kristu Jesuschow ánikiypa partisipaq mayin ebangelyupa,

⁷ tseypaqmi noqa ministru rurakarqó Dyospa qareynin grasyapa qomashqannow podernimpa.

⁸ Noqata, llapan santukunapa mas ichikllan keykaptiy, qomashqa karqan key grasyata, willakunapaq gentilkunachow ebangelyuta mana musyeypa Kristupa kapoqninkunata,

⁹ llapankunata rikátsir meyqan kaq tyempuchow mana rikakoq pakaraqta uney tyempukunapita Dyoschow, llapankunata ruraq;

¹⁰ Dyospa tukiyláya yacheynin reqitsishqa katsun iglesyapa apukunata, pwedeqkunata selestyal markakunachow,

¹¹ wiñey munanqanmannow rurashqa Señornintsik Kristu Jesuschow,

¹² peychowmi kapamantsik seguru keynintsik i yeykiynintsik markákiywan peyman kreyikiypa;

¹³ keypam mañá ama desmayayeytsu qamkunapa jipakiynikunareykur, keykunam qamkunapa sumeynikikuna.

Kristupa kuyakiyninta reqinapaq

¹⁴ Keyreykurmi qonqurikú Señornintsik Jesukristupa Teytanman,

¹⁵ Peypitam jutikun llapan kasta syelukunachow i patsachow,

¹⁶ qoyáshuneykipaq, gloryanchow kapoqninmannow, kallpatsashqa keyta poderwan rurin kaq nunachow Espiritumpa;

¹⁷ Kristu yachanampaq qamkunapa shonqiykikunachow kreyikiypa, tseynowpa, jawatsashqa i patsakashqa kuyakiychow,

¹⁸ kayey alli káyikíyoq káyiyáneykipaq llapan santukunawan imanow anchum, largum, rurim i raram,

¹⁹ Kristupa kuyakiyninta reqirnin, keymi pasarin llapan yacheyta, Dyospa llapanninwan juntashqa kayaneykipaq.

²⁰ Dyos llapan pwedeq llapankunata ruranampaq i mas shuynitaraq mañashqantsikpita o kayishqantsikpita, noqantsikchow podernin ruranqanmannow,

²¹ Peyta glorya katsun iglesyachow Kristu Jesuschow llapan tyempukunachow, wiñeypa wiñeynimpaq. Amen.