Números 2 - Ñawpaq Testamento Apurímac Llaqtanchispaq Este nisqa Lawpaq

Israelpa miraynin ayllukunapa campamentonmanta hinallataq jefenkunamantawan

¹ Señor Diosmi Moisesta hinallataq Aarontawan khaynata niran:

² —Israelpa miraynin runakunaqa noqa Señor Dioswan tupana *tabernáculo templopa muyuriqninpin samanqaku. Hinaspapas paykunaqa mayqen aylluman hinallataq mayqen familiaman pertenecesqankuman hinan banderankupa kasqanpi samanqaku.

³ —Intipa lloqsimunan este nisqa lawpin Judá ayllumanta runakuna banderankuta sayachinqaku. Hinaspan campamentonkuta armaspanku ejército tropankuman hina samanqaku. Judá ayllumanta runakunapa jefenqa Aminadab sutiyoq runapa wawan Naasonmi karan.

⁴ Paykunapa ejercitonqa yupasqaykichisman hinan llapallankupiqa 74,600 qarikuna kanku.

⁵ Paykunapa ladonpitaqmi Isacar *ayllumanta runakuna samanqaku. Paykunapa jefenqa Zuar sutiyoq runapa wawan Natanaelmi.

⁶ Paykunapa ejercitonqa yupasqaykichisman hinan llapallankupiqa 54,400 qarikuna kanku.

⁷ Saynallataqmi Zabulón ayllumanta runakunapas paykunapa cercanpi samanqaku. Paykunapa jefenqa Helón sutiyoq runapa wawan Eliabmi.

⁸ Paykunapa ejercitonqa yupasqaykichisman hinan llapallankupiqa 57,400 qarikuna kanku.

⁹ Judá ayllupa ladonpiqa ishkay ayllukunan huñunasqa kanqa sapankama campamentonkupi. Saynapin paykunapa ejercitonqa llapallankupi kanqaku 186,400 qarikuna. Paykunan llapallan ayllunkunapa ñawpaqninta primer puntata rinqaku.

¹⁰ Uray kaq sur nisqa lawpitaqmi Rubén ayllu runakuna banderankuta sayachispa hinallataq campamentonkuta armaspa samanqaku. Paykunapa jefenqa Sedeur sutiyoq runapa wawan Elisurmi.

¹¹ Paykunapa ejercitonqa yupasqaykichisman hinan llapallankupiqa 46,500 qarikuna kanku.

¹² Paykunapa cercanpitaqmi Simeón ayllumanta runakuna campamentonkuta armaspa samanqaku. Paykunapa jefenqa Zurisadai sutiyoq runapa wawan Selumielmi.

¹³ Paykunapa ejercitonqa yupasqaykichisman hinan llapallankupiqa 59,300 qarikuna kanku.

¹⁴ Paykunapa cercanpitaqmi Gad ayllumanta runakuna carpankuta armaspanku samanqaku. Paykunapa jefenqa Reuel runapa wawan Eliasafmi.

¹⁵ Paykunapa ejercitonqa yupasqaykichisman hinan llapallankupiqa 45,650 qarikuna kanku.

¹⁶ Rubén ayllupa ladonpiqa ishkay ayllukunan huñunasqa kanqa sapankama campamentonkupi. Saynapin paykunapa ejercitonqa llapallankupi kanqaku 151,450 runakuna. Paykunan Judá ayllupa qepanta rinqaku.

¹⁷ Paykunapa qepantañataqmi Leví ayllumanta runakuna rinqaku, chay tawantin grupo runakunapa chawpinta, (desarmasqa) tabernáculo templota apayukuspanku. Hinaspapas chay tawa grupopi dividisqa runakunaqa imaynatan campamentonkuta armaranku chay hinatan sapankamanku qati-qati rinqaku banderantinkama.

¹⁸ Oeste nisqa intipa haykunan lawpitaqmi Efraín ayllupa ejercitonqa banderankuta sayachispa hinallataq campamentonkuta armaspa samanqaku. Paykunapa jefenqa Amiud sutiyoq runapa wawan Elisaman.

¹⁹ Paykunapa ejercitonqa yupasqaykichisman hinan llapallankupiqa 40,500 qarikuna kanku.

²⁰ Paykunapa cercanpitaqmi Manasés ayllumanta runakuna campamentonkuta armaspa samanqaku. Paykunapa jefenqa Pedasur sutiyoq runapa wawan Gamalielmi.

²¹ Paykunapa ejercitonqa yupasqaykichisman hinan llapallankupiqa 32,200 qarikuna kanku.

²² Paykunapa cercanpiñataqmi Benjamín ayllunmanta runakuna campamentonkuta armaspa samanqaku. Paykunapa jefenqa Gedeoni sutiyoq runapa wawan Abidanmi.

²³ Paykunapa ejercitonqa yupasqaykichisman hinan llapallankupiqa 35,400 qarikuna kanku.

²⁴ Efraín ayllupa ladonpiqa ishkay ayllukunan huñunasqa kanqa sapankama campamentonkupi. Saynapin paykunapa ejercitonqa llapallankupiqa kanqaku 108,100 runakuna. Paykunan Leví ayllupa qepanta rinqaku.

²⁵ Norte lawpitaqmi Dan ayllupa ejercitonqa banderankuta sayachispa hinallataq campamentonkuta armaspa samanqaku. Paykunapa jefenqa Amisadai sutiyoq runapa wawan Ahiezermi.

²⁶ Paykunapa ejercitonqa yupasqaykichisman hinan llapallankupiqa 62,700 qarikuna kanku.

²⁷ Paykunapa ladonpin Aser ayllumanta runakuna campamentonkuta armaspa samanqaku. Paykunapa jefenqa Ocrán sutiyoq runapa wawan Pagielmi.

²⁸ Paykunapa ejercitonqa yupasqaykichisman hinan llapallankupiqa 41,500 qarikuna kanku.

²⁹ Paykunapa huk lawninpitaqmi Neftalí ayllumanta runakuna campamentonkuta armaspa samanqaku. Paykunapa jefenqa Enán sutiyoq runapa wawan Ahiranmi.

³⁰ Paykunapa ejercitonqa yupasqaykichisman hinan llapallankupiqa 53,400 qarikuna kanku.

³¹ Dan ayllupa ladonpiqa ishkay ayllukunan huñunasqa kanqa sapankama campamentonkupi. Saynapin paykunapa ejercitonqa llapallankupiqa kanqaku 157,600 runakuna. Paykunan ultimollataña rinqaku banderantinkama.

³² Israelpa mirayninmanta ejercitonqa llapallankun yupasqa karanku ayllunkuman hina hinallataq familiankuman hina. Chaymi llapallankupiqa 603,550 runakuna karanku. Paykunaqa mayqen ejército tropankuman hinan yupasqa karanku.

³³ Ichaqa Leví ayllumanta runakunaqa manan yupasqachu karanku, Moisesman Señor Diospa kamachisqanman hina.

³⁴ Israelpa miraynin runakunaqa Moisesman Señor Diospa kamachisqanman hinan tukuy imata ruwaranku. Hinaspapas paykunaqa sapankamankun samaranku maypi banderankupa sayasqanman hina. Saynallataqmi astakuspankupas ayllunkuman hina hinallataq familiankuman hina, grupo-grupopi ordenninpi puriranku.