Ester 10 - Ñawpaq Testamento Apurímac Llaqtanchispaq Este nisqa Lawpaq

Mardoqueo hatunchasqa kasqanmanta

¹ *Rey Asueroqa enteron gobiernasqan *nacionpi hinallataq lamar qochapa patankunapi kaq llaqtakunapi tiyaq runakunapas impuestota paganankupaqmi kamachiran.

² Rey Asuero gobiernashaspa tukuy atiyninwan imapas ruwasqankunaqa hinallataq Mardoqueota autoridad kananpaq churaspa, imaynata hatunchasqanpas Media nisqa nacionta hinallataq Persia nacionta gobiernaq reykunapa vidankumanta willakuq libropin escribisqa kashan.

³ Mardoqueoqa rey Asueropa gobiernasqan tiempopin reyman qatiq autoridad karan. Saynapin payqa Judá nacionniyoq runakunamanta ancha importante runaman tukuran. Mardoqueoqa llaqtamasin runakunapa hawkalla kawsanankutan mashkaran. Chayraykun paytaqa llaqtamasin runakuna anchata khuyakuranku.