လံၬစပီလူၫကွ့ၭန့ၦဖလံဖံၫဖိၪၥံၪလီၫ. 4 - Pwo Kayin Bible

4 ဆၧၥီၪ့လိၪနဲၪလိၪဆၧလဖၪ.

¹ မၩအၥၭဘဲၫနီၪတၭ, ယထၧၫ့ဖုဝဲၥၭဘီၩ့ၥံၪ, ဒဲၦလၧ ယၥၭယူဘၪဝ့ၫ, ယဆၧၥၭထိၬ, ဒဲယၥရဖူၩၥံၪဧ့,ဆၧၫ့ ထုၪ့ဂုးခၧၫ့ လၧကဆါအဖၧၩ့ ဘဲၫနီၪအၥိၭဆံၭ. ၥၭ ဘီၩ့ၥံၪဧ့.

² ယအၪ့ကံၩ့အၪ့ယၫ နးယုၫအိဒအၭ, ဒဲယအၪ့ကံၩ့ အၪ့ယၫနးစံၪ့တခံၫ ဘဲၫၥိၭအၥၭမိအီၪလဖျိၪ့ဎး လၧ

³ ကဆါအဖၧၩ့လီၫ.- ၦလၧအယိၭဎုၬဆၧတီၩတီၩလၧ ယၥိၭလဂၩဧ့, ယအၪ့ကံၩ့အၪ့ယၫနၧၩဆ့, မၩဆၧၩ့ ၦမုၪၥံၪလၧအမၩဆၧၥၭထိၬ အပရၧၫ့ အဆၧလၧယ ၥိၭ,ဒဲစကျ့မံၫ့ဆ့, ဒဲၦမၩဎုၬဆၧလၧယၥိၭ, အဂူၫဂၩလ ဖၪအမံၩ့ၥံၪအီၪလၧ လံၬမၧၫ့အဖၧၩ့နီၪဆံၭ.

⁴ ၥၭထိၬဆၧလၧကဆါအဖၧၩ့ လထံၪဎးလဘီၩ့ဎး

⁵ ဆံၭ,ယလီၩဘၪဒီၭ, ၥၭထိၬနၥံၪဝ့ၫဆံၭ.- နၥံၪအၥုၪ့ ဆၧၩ့ၥၭဆၧၩ့ယီၩ, မွဲအအီၪဖျီၪလၧၦကိၭဂၩဒ့ၭအ

⁶ မ့ၬယၫဆံၭ. တၭကဆါလၩ့ဘူၭဝ့ၫလီၫ.- ထီးအၪ့ ယိၪဆၧလၧဆၧနးမံၩ့အကၠီၩ့လဂ့ၩ, အ့ၪမွဲလၧဆၧ ထီးအလူၬအဖၧၩ့ လၧဆၧဘၩဆိၪဖၪ, ဒဲလၧဆၧအၪ့ ကံၩ့အၪ့ယၫအီၪ လၧဆၧစံၭထၪ့အၪ့အူၭ ဆၧအခိးအ တၩနီၪ,ဒုၭၥ့ၪယၫယွၩ လၧနၥံၪအၪ့ကံၩ့ဆၧထီးအလူၬ

⁷ အဂဲးအကၠီၪ့နီၪဆံၭ.- တၭယွၩအဆၧမုၬဆၧလၩလၧ အဒိၪနဲၪ့ယိၬနဲၪ့ ကယဲၥၭကိၪ့ဆၧၥ့ၪနီၪ, မိခိၭနၥံၪအ ၥုၪ့နၥံၪအၥၭ လၧယ့ၫရှူၬဎရံၬအဖၧၩ့လီၫ.

⁸ လၧခဲၫ့ထုၬယီၩဖုၥံၪဝဲၥံၪဧ့, ထီးဒၪဆၧမွဲဆၧတီၩ, ထီးဒၪဆၧလၩဆၧဖၩ့, ထီးဒၪဆၧတီၩဆၧလီၩ့, ထီး ဒၪဆၧဆံၫ့ဆၧဎံၪ, ထီးဒၪဆၧလၧဆၧအဲၪဝ့ၫလဖၪ, ထီးဒၪဆၧဂၧၫ့ထၪ့ၥၩလၩ့ အဂ့ၩလဖၪတၭ, ပၩရမံၫ အ့ၪအီၪ,ဒဲဆၧစံၭထၪ့အၪ့အူၭအလးအ့ၪအီၪ တၭ,ဆီၫ့မီၪ့ဆၧလဖၪယီၩ အဂဲးအကၠီၪ့ဘီၪ.

⁹ ဆၧလၧနၥံၪမၩလိၪ, ဒဲနၥံၪဒိၭန့ဘၪ, ဒဲနၥံၪနါဂၧၫ့ ဘၪ,ဒဲနၥံၪဒၪဘၪလၧယဖၧၩ့လဖၪနီၪ မၩနၥံၪဝ့ၫဘီၪ. ဆၧဘၪလိၬအိၭလိၬအယွၩနီၪမိအီၪလၧနၥံၪအၥိၭ လီၫ.

စံၭခိးစံၭတၩလၧဆၧဖ့ၪလၫ့အကၠီၩ့.

¹⁰ ယၥုၪ့ထိၬၥၭထိၬလၧကဆါအဖၧၩ့ဒိၪမၬ, အဂဲး ဘဲၫယီၩ ဘိၩ့နဲၪ့ယီၩနၥံၪအဆၧယိထဲၩ့ခွါထဲၩ့ယၧၩ ယီၩအီၪထၪ့ဒီၭလီၫ. နၥံၪအၥၭအီၪဝ့ၫဘဲၫနီၪလါနၫ့

¹¹ ဘိၩ,ယိထဲၩ့ခွါထဲၩ့အလးနီၪ, နၥံၪဒၪဘၪအ့ၬ.- မွဲ ယလစံၭဘၪလၧယဘၪဆၧၡၪ့ဆၧယၬအကၠီၩ့း အဂဲး ဘဲၫယီၩကယဲဆၧလမံၩ့လါလါ မၩအၥၭလၧယၧၩယီၩ ဘဲၫၥိၭယၥုၪ့မိမံၫ့ယၥၭမိမံၫ့လၧအနီၪတၭ, ယမၩလိၪ ယူၭဆၧယူၭ.

¹² ယဘၪဆၧဆၪ့လၩ့ယၧၩမွဲဂ့ၩ, ယန့ဘၪဆၧအၪမွဲ ဂ့ၩ, ယၥ့ၪယၫဝ့ၫနံၫမံၩ့လူၬလီၫ. ယန့ဘၪဆၧအၪ့ဘျဲၩ အၪ့,ယဘၪဆၧၥၭဝံယၥၭ, ယန့ဘၪဆၧအၪ, ဒဲယအီၪ လၧဆၧၡၩၥံၪတၭ, ယမၩလိၪဆၧလမံၩ့လါလါအီၪ

¹³ လၧအလးကိၭစီၪ့ဒ့ၭလီၫ.- လၧၦလၧအဒုၭဆီၪ့ထၪ့ ယဂဲးယဘၭလဂၩအဖၧၩ့နီၪ, ယမၩဆၧထီးအလူၬ ၥ့ၪလီၫ.

¹⁴ မွဲလါနၫ့ဘိၩ, နၥံၪမၩဆၧဘၪဆဲၫ့လၧ ယဆၧၡၪ့

¹⁵ ဆၧနၭနီၪနၥံၪမၩယူၭဂ့ၩဂ့ၩယူၭ,- ၦဖလံဖံၫဖိၪၥံၪဧ့, နၥံၪၥ့ၪယၫဆ့လၧယစဲၪ့ထၪ့ လၧမၫစဒိနအၫ, လၧ ဆၧၥၭထိၬအပရၧၫ့အခၪ့ထံၭနီၪ, လၧနၥံၪဝ့ၫဒၪအမ့ၬ ယၫ,ဆၧအီၪကီၪ့ဖိၪမၩဆၧဘၪဆဲၫ့လၧယၧၩ, ဒဲထိး ဆၧၫ့ဆၧဖ့ၪလၫ့အဂဲးအကၠီၪ့လအီၪဘၪနးစီၪ့, အီၪဝ့ၫ

¹⁶ န့ၫနၥံၪလီၫ.- အဂဲးဘဲၫယီၩလၧယအီၪ လၧၥ့ၭစလ နဲကၫဒၪလ့ၬ,လၧယန့ဘၪဆၧအလးအီၪနီၪ, နၥံၪဖ့ၪ

¹⁷ ယူဆၧလဖၧၫ့နံၫဖၧၫ့လီၫ.- လမွဲဘၪယအၪ့ဎၬ ဆၧ ဖ့ၪလၫ့အ့ၪမွဲယအၪ့ဎၬ ဆၧၥၪလၧအဒုၭအၪထၪ့ ဆၧ လၧနၥံၪအဂးလီၫ.

¹⁸ ယန့ဘၪယူၭဆၧထီးအလူၬယူၭ, ယဆၧအီၪအၪ လၨၪယီၩး ယလၧၫ့ထၪ့ဎွ့ၩထၪ့ယူၭ, ဆၧလၧနၥံၪဖ့ၪ ယူယၧၩလၧစအံၫပၭဖဒဲတၧၭအစူၪဖၧၩ့, ဆၧနၧၫ့မၧၫ့ မုၬ,ဆၧလုၥံၪလၧယွၩအၥၭနီၪ, ယန့ဘၪယူၭ.

¹⁹ တၭဘဲၫအလၩအဖၩ့ လၧၫ့ဎွ့ၩအၥိၭနီၪ, ကယဲ ဆၧလမံၩ့လါလါလၧနၥံၪန့ဘၪအလးအီၪဝ့ၫနီၪ, ယယွၩမိဖ့ၪလၫ့နၥံၪထီးအလူၬ လၧယ့ၫရှူၬဎရံၬအ ဖၧၩ့လီၫ.

²⁰ မွဲဆၧလၩဆၧဖၩ့အီၪလၧပဖါယွၩအဆိၩဆိၩအ ကၠၪကၠၪဆံၭ. အၩမံၩ့.

ဆၧဆိၫ့ဂ့ၩဆိၫ့ဘွၩလၧခဲၫ့ထုၬ.

²¹ ချဲၩ့ဒုၪ့ကယဲၦဆံၫ့ဎံၪ လၧယ့ၫၡုၬဎရံၬအဖၧၩ့ ကိၭ ဂၩဒ့ၭဆံၭ. ၦထၧၫ့ဖုဝဲၥံၪ အီၪလၧယၥိၭချဲၩ့ဒုၪ့နၥံၪ

²² လီၫ.- ၦဆံၫ့ဎံၪၥံၪကိၭဂၩဒ့ၭ ချဲၩ့ဒုၪ့နၥံၪ ဒဲၦအီၪလၧ စံစၧၫအနီးဖၧၩ့လဖၪ အၪဒၪအဆၧဒံၭလီၫ.

²³ မွဲပကဆါယ့ၫရှူၬဎရံၬအခိးအတၩနီၪ အီၪလၧနၥံၪ ကိၭဂၩဒ့ၭအၥိၭဆံၭ. အၩမံၩ့.