လံၬစပီလူၫကွ့ၭန့ၦဖလံဖံၫဖိၪၥံၪလီၫ. 1 - Pwo Kayin Bible

1

¹ ယ့ၫရှူၬဎရံၬအဎီးအၡၩၥံၪ, ယၧၩ,စပီလူၫ,ဒဲစထံ မၥံၫပဝ့ၫဒၪယီၩ ပစံၭကယဲ ၦဆံၫ့ဎံၪၥံၪလၧယ့ၫရှူၬ ဎရံၬအဖၧၩ့ အီၪလၧဖလံဖံၫကိၭဂၩဒ့ၭ,ဒဲဆရၫယိ

² ဆၧ,ဒဲၦၥံၩ့တီၬၥံၪနီၪ,- မွဲဆၧအခိးအတၩ,ဒဲဆၧဘၪ လိၬအိၭလိၬလၧပဖါယွၩ,ဒဲကဆါယ့ၫၡှူၬဎရံၬနီၪ, ဘၪနၥံၪဆံၭ.

စပီလူၫအဆၧဘၩဆိၪဖၪ လၧၦဖီအလံၬပရၧၫ့လဖၪအဂး.

³ ထီးဒၪယနၪ့ထၪ့ထဲၩ့နၥံၪကိၭဖၧၫ့ဒ့ၭနီၪ ယစံၭထၪ့

⁴ အၪ့အူၭပကဆါအခိးအတၩ,- လၧကယဲယဘၩဆိၪ ဖၪဆၧအဖၧၩ့လၧနၥံၪအဂးကိၭဂၩဒ့ၭလထံၪဎးဘီၩ့ ဎး,ယအၪ့ကံၩ့အၪ့ယၫဆၧ လၧယၥုၪ့ထိၬၥၭထိၬ,

⁵ ဘဲၫၥိၭနၥံၪမိဖံၭၥိၭလိၬ နၥံၪအၥၭလၧဆၧၥၭထိၬအပ ရၧၫ့အဂး, လၧမုနံၩအခၪ့ထံၭနီၪ ထီးမုဆၫလနံၩယီၩ

⁶ လီၫ.- ယနဲၩဆၧယီၩၦလၧအမၩထၪ့ဆၧဂ့ၩ အခၪ့ ထံၭလမံၩ့ လၧနၥံၪအဖၧၩ့လဂၩနီၪ, မိမၩဝ့ၫလၧၫ့

⁷ လၧၫ့ဎွ့ၩဎွ့ၩထီးယ့ၫရှူၬဎရံၬအမုနံၩဘၪဝ့ၫလီၫ.- ဘဲၫ ယကြၨၭဆီၫ့မီၪ့ဆၧ လၧနၥံၪကိၭဂၩဒ့ၭအဂးအၥိၭ, ဒဲလၧယဘၪဆၧစၧၩ့ထၬ, ဒဲဆၧချဲၩ့ဖီၩ့ဖျ့ၭဆၧ,ဒဲဆၧ ဒုၭအီၪဂုးအီၪခၧၫ့ဆၧၥၭထိၬအပရၧၫ့နီၪ နၥံၪကိၭဂၩ ဒ့ၭဘၪဎုၬဆၧအခိးအတၩ လၧယၥိၭတၭ, နၥံၪအီၪ

⁸ လၧယၥၭခံဖၧၩ့လီၫ.- အဂဲးဘဲၫယီၩယၥၭယူဘၪနၥံၪ ကိၭဂၩဒ့ၭ လၧယ့ၫရှူၬဎရံၬ အဆၧအဲၪအဖၧၩ့ဆံၭ အၪဆံၭအၪနီၪ, ယွၩမွဲဆၧထိးအၥၭလၧယဂးလီၫ.

⁹ ယဘၩဆိၪဖၪဆၧဘဲၫယီၩ, ဘဲၫၥိၭနၥံၪအအဲၪဆၧ ကွံၩဆၧမိအၪထၪ့ဒိၪထၪ့လၧဆၧၥ့ၪယၫအဖၧၩ့, ဒဲက

¹⁰ ယဲဆၧနၪၥ့ၪထီးအလူၬအဖၧၩ့,- ဘဲၫၥိၭနၥံၪမိအၪ့နၩ့ ဖၭဆၧလၩ့မဲၩလဖၪအဆၧၫ့အဂး,ဘဲၫၥိၭနၥံၪအၥၭ မိဆံၫ့ဝ့ၫတၭ, နၥံၪအဆၧမၪထီးအီၪလဂ့ၩ,ထီးဎရံၬ

¹¹ အမုနံၩဘၪခိၬတၭ,- မွဲလၧယ့ၫရှူၬဎရံၬ အကၠီၩ့နီၪ, နၥံၪလၧၫ့ထၪ့ဎွ့ၩထၪ့လၧ ဆၧတီၩဆၧလီၩ့အဆၧၥၪ လၧယွၩအလၩအဖၩ့, ဒဲဆၧစံၭထၪ့အၪ့အူၭဝ့ၫအ ဂးလီၫ.

လၧယဂးဆၧမၧၫ့မွဲဎရံၬ.

¹² ဖုၥံၪဝဲၥံၪဧ့, ယၥၭအီၪလၧနၥံၪမိၥ့ၪယၫဆၧမၩအ ၥၭလၧယၧၩယီၩ, ကဲၪထၪ့ဝ့ၫလၧဆၧမၩဆၧၩ့ဆၧၥၭ

¹³ ထိၬအပရၧၫ့အၪနဲၪ့အနီၪဒံၭလီၫ.- ဆၧမၩအၥၭထီး ယဘၪဆၧစၧၩ့ထၬ လၧဎရံၬအကၠီၩ့နီၪ, အီၪဖျီၪထၪ့ လၧနီးဖၧၩ့ထၧၫ့ဖျိၪ့ယၫ, ဒဲကယဲဆၧအလးဂူၫဂၩလ

¹⁴ ဖၪဎံၩ့ဎံၩ့လ့ၬလီၫ.- တၭၦထၧၫ့ဖုဝဲ လၧကဆါအဖၧၩ့ အၪဂၩနီၪ, အဆၧနဲၩဒိၪထၪ့ လၧယဆၧစၧၩ့ထၬအ ကၠီၩ့ယီၩ,လၥၭမဲၪဘၪဆၧနီၪ, လီၩလၩ့ဆၧအလူအ ထၫလၧအၥၭဒူၩအၪထၪ့ဝ့ၫလခီၫလီၫ.

¹⁵ လနၩ့နၩ့မွဲအၥၭခ့ၬ, အဲၪ့လိၬဆိၬချဲၩ့လိၬအၥၭအ ကၠီၩ့နီၪ, လီၩလၩ့ဎရံၬအဂဲးအကၠီၪ့တၭ, လနၩ့နၩ့မွဲ

¹⁶ လၧအၥၭဂ့ၩအကၠီၩ့လီၫ.- ၦလနၩ့နၩ့ၥ့ၪယၫဝ့ၫလၧ ဆၧအီၪက့ၪလၩ့ယၧၩ လၧယမိမၩဘိၭမၩဆၧၩ့ဆၧ ၥၭထိၬအပရၧၫ့တၭ, လီၩလၩ့လၬလၩ့ဆၧလၧဆၧအဲၪ

¹⁷ ဆၧကွံၩအဖၧၩ့လီၫ.- ၦလနၩ့နၩ့ဆီၫ့မီၪ့လၧအမိအီၪ က့ၪဎုၬဆၧၡၪ့ဆၧနၭ လၧယဆၧစၧၩ့ထၬယီၩ မွဲအၥၭ လဆံၫ့ဘၪ, လီၩလၩ့ဎရံၬအဂဲး လၧဆၧအဲၪ့လိၬဆိၭ

¹⁸ ချဲၩ့လိၬလီၫ.- အ့ၪမွဲဘဲၫနီၪတၭ, မွဲအဘၪဆၧနီၪလဲၪ, ကယဲလီၩလၩ့ဆၧ ဘဲၫအံၩဘဲၫအိၩ, လၧဆၧအၪ့လီၫ အဖၧၩ့မွဲဂ့ၩ, လၧဆၧတီၩဆၧလီၩ့အဖၧၩ့မွဲဂ့ၩ, မွဲၦ လီၩလၩ့လၬလၩ့ဎရံၬ အလူအထၫတၭ, ယၥၭထိၬ လၧဆၧနီၪလမံၩ့အကၠီၩ့နီၪ, မွဲယူၭတၭ, ယမိၥၭထိၬ

¹⁹ ယဝ့ၫဆ့လီၫ.- အဂဲးဘဲၫယီၩယၥ့ၪယၫလၧနၥံၪဘၩ ဆိၪဖၪဆၧ, ဒဲယ့ၫရှူၬဎရံၬအၥၭမၩဆၧၩ့ဆၧ အကၠီၩ့ နီၪ,ဆၧမၩအၥၭယီၩမိကဲၪထၪ့ထဲၩ့လၧယဆၧဖီၩ့

²⁰ ဆၧဖျ့ၭအဂး,- ဘဲၫယဆိၫ့မုလါဆၧ, ဒဲယိလါဆၧအ ၥိၭနီၪ, ယမ့ၬလမဲဘၪ လၧဆၧနးမံၩ့အကၠီၩ့တၭ, ယမိအီၪလၧယၥၭဒူၩထီးအလူၬ,ဘဲၫဆၧမၩအၥၭ လထံၪဎးဘီၩ့ဎးအၥိၭနီၪ, ဘိၩ့နဲၪ့ယီၩဆ့ယမၧၫ့မွဲဂ့ၩ, ယၥံၫမွဲဂ့ၩ, ဎရံၬမိဒိၪထၪ့,လၧယမိၡါအဖၧၩ့လီၫ.

²¹ အဂဲးဘဲၫယီၩဆၧလၧယၧၩယီၩ ယအ့ၪမၧၫ့နီၪမွဲလၧ ဎရံၬအဂးတၭ, ယအ့ၪၥံၫနီၪမွဲန့အၪထၪ့ဆၧလီၫ.

²² ယအ့ၪမၧၫ့လၧဆၧဖံၭဆၧယၪအဖၧၩ့ယီၩ ဆၧနီၪမွဲ ယမၩဆၧအၥၪတၭ, မွဲလါနၫ့ယမိရွံန့လမံၩ့မံၩ့လဲၪနီၪ

²³ ယၥ့ၪယၫဆ့အ့ၬ.- အဂဲးဘဲၫယီၩဆၧပဂၨၪထၪ့ဆီၪ့ ယၧၩနံၫမံၩ့လူၬနီၪ, ဆၧမိထဲၩ့ဘၪယၥၭအီၪလၧဎရံၬ အၥိၭနီၪတၭ, အနီၪမွဲဂ့ၩဒၪဆၧဒိၪဒိၪအၪအၪလ့ၬ

²⁴ ဒံၭ,- မွဲလါနၫ့ဘိၩ, ယအီၪလၧဆၧဖံၭဆၧယၪအ ဖၧၩ့ယီၩ,မွဲအဂ့ၩဒၪဆၧ လၧနၥံၪအဂးဒံၭလီၫ.

²⁵ ယနဲၩဆၧယီၩယၥ့ၪယၫလၧယမိအီၪဒံၭတၭ, ယမိ အီၪလၧနၥံၪကိၭဂၩဒ့ၭအၥိၭ, ဘဲၫၥိၭနၥံၪမိထၪ့မိထီၫ အဂး,ဒဲလၧနၥံၪၥၭထိၬဆၧဘၪဆဲၫ့ လၧဆၧနဲၩမိဒိၪ

²⁶ ထၪ့အဂး,- ဘဲၫၥိၭယအ့ၪလ့ၩဒီၭလၧနၥံၪအအီၪတၭ, နၥံၪအဆၧၥုၪ့ဎွံၫၥၭယီၫ မိအၪထၪ့လၧယ့ၫရှူၬဎရံၬအ ဖၧၩ့လၧယကၠီၩ့လီၫ.

²⁷ မွဲနၥံၪမၩဆၧလၧအကြၨၭလၧဎရံၬအဆၧၥၭထိၬ အပရၧၫ့ဘဲၫၥိၭ ယအ့ၪလ့ၩအီၪၡီၩ့နၥံၪမွဲဂ့ၩ, ယအ့ၪ အီၪလၩ့ဖၭမွဲဂ့ၩ, ယမိနါဂၧၫ့ဆၧဘၪဆဲၫ့လၧနၥံၪ, လၧ နၥံၪအီၪဂုးအီၪခၧၫ့လၧနၥံၪအၥၭလဖျိၪ့ဎးတၭ, နၥံၪအၪ့ဂူၬမၩဎုၬ ဆၧလၧဆၧနဲၩဘၪဆဲၫ့ လၧဆၧၥၭ

²⁸ ထိၬအပရၧၫ့အဂး,- လၥၭမဲၪၥၭဖျဲၩ့ဘၪနၥံၪအဒုၪ အဒၩလဖၪနးဆံၭတၭး ဆၧနီၪမွဲအဝ့ၫၥံၪအဆၧဂၭ ဂီၩ့အဆၧမၩနဲၪ့, အ့ၪမွဲနၥံၪဝ့ၫယီၩနၥံၪအဆၧထိး ထဲၩ့တၩ့ထဲၩ့လၧယွၩအဆၧမၩနဲၪ့လီၫ.

²⁹ အဂဲးဘဲၫယီၩဆၧဖ့ၪလၫ့နၥံၪလၧဎရံၬအကၠီၩ့, လၧ နၥံၪနဲၩဆၧအဖၫ့ခိၪ, နၥံၪမိဘၪဆၧၡၪ့ဆၧနၭလၧ

³⁰ အကၠီၩ့,- ဘဲၫနၥံၪဒၪဘၪဆၧဒုၭဆီၪ့ အီၪဝ့ၫလၧယ ဖၧၩ့ယီၩအၥိၭ,ဘိၩ့နဲၪ့ယီၩ နၥံၪနါဂၧၫ့လၧအအီၪဝ့ၫ လၧယဖၧၩ့ဆ့လီၫ.