စမၪလခဲၫအလံၬ. 2 - Pwo Kayin Bible

2

¹ ဘိၩ့နဲၪ့ယီၩ ၦလုဆၧၥံၪဧ့, ဆၧမၪလူၬယီၩမွဲလၧ

² နၥံၪအဂးလီၫ.- နၥံၪအ့ၪလခိၭနၪဘၪ,နၥံၪအ့ၪလယိ ဆီၫ့မီၪ့ဘၪ, ဘဲၫၥိၭနၥံၪမိမၩလၩဖၩ့ယမံၩ့တၭ, ဆၧ ၥုၭမုခမျၧးအယဟိဝၩစံၭဝ့ၫဒၪ. ယမိအၪ့မၧၫ့လၩ့ ဆၧဆိၪအၧၩ့ဂဲၫဘၪနၥံၪတၭ, ယမိဆိၪအၧၩ့နၥံၪအ ဆၧဆိၪဂ့ၩလီၫ. မွဲမၬ, ယမိဆိၪအၧၩ့အဝ့ၫၥံၪလၧနၥံၪ

³ လယိဆီၫ့မီၪ့ဘၪအကၠီၩ့လီၫ.- ယိခွါ,ယမိမၩဂၭဂီၩ့ ဆၧအချံၫလၧနၥံၪအဂး, ဒဲခွံၬဆၧအ့ၪလၧနၥံၪအမ့ၬ လီၩ့,နၥံၪမၩဘိၪ့ဆၧအနံၩလၧဆၧအအ့ၪလီၫ. နၥံၪ

⁴ မိဘၪဆၧဆိၬထၪ့ခွံၬနၥံၪလၧအၥိၭလီၫ.- နၥံၪမိၥ့ၪယၫ လၧယအၪ့မၧၫ့လၩ့ဆၧမၪလူၬယီၩ လၧနၥံၪအအီၪလၧ ယဆၧအုၩ့လၩ့အီၪဝ့ၫ လၧစလံဝဲၫအကၠီၩ့နီၪ,ဆၧၥုၭမု

⁵ ခမျၧးအယဟိဝၩစံၭဝ့ၫဒၪ.- ယဆၧအုၩ့လၩ့ဘၪဆဲၫ့ လၧဆၧမၧၫ့ဒဲဆၧဘၪလိၬအိၭလိၬ အီၪဝ့ၫလၧအဝ့ၫၥံၪ လီၫ.ယမိဖ့ၪလၫ့အဝ့ၫၥံၪ လၧအၥၭမဲၪယၧၩအကၠီၩ့, ဒဲလၧအအီၪက့ၪယမံၩ့ လၧဆၧၥၭမဲၪအလးအကၠီၩ့

⁶ လီၫ.- ဆၧမွဲဆၧတီၩ အဆၧၥီၪ့ဆၧၥၫ့နီၪအီၪဝ့ၫလၧ အနိၭဖၧၩ့, ဒဲဆၧအၧၩ့လအီၪဘၪလၧအနိၭဖျံၩဖၧၩ့, လ့ၩဝ့ၫဒဲယၧၩလၧဆၧဘၪလိၬအိၭလိၬအဖၧၩ့, ဒဲလၧ ဆၧတီၩဆၧလီၩ့အဖၧၩ့, ဒဲဒုၭကၠၪခွံၬ ၦအၪဂၩအၥၭ

⁷ လၧဆၧဒဲၩဘၭလီၫ.- အဂဲးဘဲၫယီၩ ၦလုဆၧအနိၭဖျံၩ မိဘၪခိၭထၬဆၧၥ့ၪယၫ, ဒဲၦမိဘၪအၪ့ဎၬ ဆၧၥီၪ့ဆၧ ၥၫ့နီၪလၧအနိၭလီၫ. အဂဲးဘဲၫယီၩအဝ့ၫဒၪမွဲဆၧၥုၭ

⁸ မုခမျၧးအယဟိဝၩအၥီၫ့လီၫ.- အ့ၪမွဲနၥံၪဝ့ၫယီၩနၥံၪ စဲၪ့ဖၭယူၭလၧဖၧၩ့ၥၭ, ဒဲနၥံၪဒုၭဘၪထၧၩ့ယူၭၦအၪ ဂၩအခၪ့လၧဆၧၥီၪ့ဆၧၥၫ့ယူၭ, နၥံၪမၩဂၭဂီၩ့ယူၭ စလံဝဲၫအဆၧအုၩ့လၩ့ယူၭ, ဆၧၥုၭမုခမျၧးအယဟိ

⁹ ဝၩစံၭဝ့ၫဒၪ.- မၩအၥၭဘဲၫနီၪတၭ, ယအီၪက့ၪလၩ့ ဆ့နၥံၪလၧဆၧၥၭလိၪ ဒဲၦကိၪ့ဆၧအၧၩ့ လၧၦထီးအ လူၬအမ့ၬယၫလီၫ. အဂဲးဘဲၫယီၩ နၥံၪထီးန့ ယဖၧၩ့ ၥၭအ့ၬ.အ့ၪမွဲမၩအၪဒၪဆၧ လၧဆၧဘၪဆဲၫ့လၧဆၧ မၪလူၬလီၫ.

ၦခမျၧးလဖၪအၥၭလတီၩဘၪလၧယွၩ.

¹⁰ ပဝ့ၫဒၪထီးအလူၬယီၩပအီၪ လၧဖါလဂၩဎး,မွဲ အ့ၬဧၪ.ယွၩလဂၩဎးတဲၩ့လၩ့ပၧၩ,မွဲအ့ၬဧၪ.အ့ၪမွဲဘဲၫ နီၪတၭ,ပမၩဂၭဂီၩ့ပဖါအဆၧအုၩ့လၩ့တၭ, ပအၪ့လီၫ

¹¹ လိၬပၥၭ လဂၩဘၪလဂၩမွဲဘၪလဲၪ.- ယုဒၫအၪ့လီၫ ဆၧတၭ, ဆၧဘၪၥၭလိၪမၩအၥၭ လၧအံၫစရ့လၭဒဲ ယရုစလံၫ့ အဖၧၩ့လီၫ. အဂဲးဘဲၫယီၩ ယုဒၫ မၩဘၪ ၥၭလိၪယဟိဝၩအဆၧဆံၫ့ဎံၪ လၧအအဲၪဝ့ၫ, ဒဲန့မၫ

¹² လၧၦလခီၫဘၩ့မုးဖိၪအယွၩအဖိၪမုၪလီၫ.- ယဟိဝၩ မိဒၪ့ထ့ၬခွံၬ ၦလၧအမၩဘဲၫနီၪ, ၦလၧအခိၭဆၧ, ဒဲၦ လၧအစံၭဆၧၫ့ဆၧ လၧစယၫကူၭအတဲၩဖၧၩ့, ဒဲၦလၧ အလုထၪ့ဆၧၥုၭမုခမျၧးအယဟိဝၩ လၧဆၧလုလီၫ.

¹³ နၥံၪမၩဆၧယီၩ နံၫဘျၩ့လဘျၩ့, ဒဲချႃၬဘံၭယဟိဝၩ အဆၧလုလးလၧမ့ၬထံၫ, ဒဲဂၪ့ဆၧ, ဒဲဆၧဂၪ့အုၩဂၪ့ ထိၬဆၧလဒူၩလယၪ့လၧၩ့ဘၪ ဆၧမၩဘိၪ့လဖၪတၭ, ထိးဆၧၫ့ဝ့ၫလၧနၥံၪအစူၪဖၧၩ့ဆ့အ့ၬ.

¹⁴ မွဲလါနၫ့တၭ, နၥံၪစံၭ, မွဲအဂဲးဘဲၫၥ့ၪလဲၪ.အဂဲးဘဲၫ ယီၩယဟိဝၩမွဲဆၧထိးအၥၭလၧနၧၩ, ဒဲနမၫလၧနၥၭ ဘၪ့အထီအဘိၩ့ဆၧၩ့ အဝ့ၫဒၪမွဲနထံၩနၥိၭဒဲနမၫလၧ နအုၩ့လၩ့ဝ့ၫ လါနၫ့တၭ, နမၩဆၧတီၩလၧအဂးဆ့

¹⁵ အ့ၬ.- မွဲအအီၪလၧၥၭလၧအအီၪလၩ့ထးလါနၫ့နီၪ, မၩဝ့ၫန့ၫလဂၩနီၪမွဲအ့ၬဧၪ. တၭတဲၩ့န့ၦလဂၩနီၪမွဲ ဘၪလဲၪ.ယဟိဝၩအၪ့ဎၬန့ ဆၧအချံၫဘၪဆဲၫ့လၧယွၩ လီၫ.မၩအၥၭဘဲၫနီၪတၭ, ထီးလၩ့နၥံၪအၥၭဘဲၫၥိၭ ၦထီးမၩဆၧဘျံၭဆၧဘျၪလၧအမၫ လၧအအီၪဎုၬလၧ

¹⁶ အၥၭဘၪ့အထီနီၪနးဂၩလဂ့ၩ.- အဂဲးဘဲၫယီၩယဟိ ဝၩ,အံၫစရ့လၭအယွၩ စံၭဝ့ၫဒၪ, ၦခွံၬၡိၭအမၫနီၪ, ချႃၬဘံၭအကီၩ့အၥိၭလဘံၪ့ လၧဆၧမၩန့ဆီၪ့နီၪ, ယၥၭဂဲၫ့လီၫ. ဆၧၥုၭမုခမျၧးအယဟိဝၩစံၭဝ့ၫဒၪ. မၩအၥၭဘဲၫနီၪတၭ, ထီးလၩ့နၥံၪအၥၭ ဘဲၫၥိၭနၥံၪ ထီးအၪ့လီၫဆၧလဂ့ၩ.

ဆၧစ့ၩရၫ့အမုနံၩဘူၭထၪ့ယူၭ.

¹⁷ နၥံၪမၩပွံၭယဟိဝၩအၥၭ လၧနၥံၪအဆၧချဲၩ့လီၫ. လါနၫ့တၭ, နၥံၪစံၭ,ပမၩပွံၭအၥၭ လၧဆၧနီၪလမံၩ့ လဲၪ.ထီးနၥံၪစံၭ, ကယဲၦလၧအမၩဆၧအၧၩ့နီၪဂ့ၩဝ့ၫ လၧယဟိဝၩအမ့ၬယၫ, ဒဲဘၪအၥၭလၧအဝ့ၫနီၪးအ့ၪ လမွဲဘၪဆၧစ့ၩရၫ့တီၩအယွၩ, မွဲအအီၪခီၫခီၫလဲၪ, နီၪ လီၫ.