၃ မိ 2 - Pwo Kayin Bible

2 ဆၧလုမၩဘိၪ့ကိၪမုၬလဖၪ

¹ ထီးၦၡၩလဂၩဂၩမိမၩဘိၪ့ ဆၧမၩဘိၪ့ကိၪမုၬလၧ ယဟိဝၩအဂးတၭ, ဘၪမၩန့ကိၪမုၬ ဒဲဘၪဂါလၩ့ၥိၪ လၧအဖၫ့ခိၪ, ဒဲအီၪက့ၪလီဘၫ့ လၧအဖၫ့ခိၪလီၫ.

² ဘၪဂဲၫဆိၬဝ့ၫလၧၦလုဆၧစအၫရၧၫ့ အဖိၪခွၫလဖၪအ အီၪတၭ, အဝ့ၫဒၪမိဘၪမၩန့ထၪ့ကိၪမုၬနီၪလစူၪ, ဒဲအ ၥိၪ, ဒဲလီဘၫ့ထီးအလူၬတၭ, ၦလုဆၧလဂၩနီၪဘၪ ဆူၭထၪ့ခွံၬဝ့ၫလၧဆၧနၪ့ထၪ့ထဲၩ့အဂး လၧဆၧလုလး အဖၫ့ခိၪ, ဆၧလုမၩလၧမ့ၪ, ဆၧနၧၫ့မၧၫ့မုၬလၧယဟိ

³ ဝၩအဂးလီၫ.- တၭဆၧအီၪလၩ့ထး လၧဆၧမၩဘိၪ့ ကိၪမုၬနီၪမိကဲၪထၪ့ စအၫရၧၫ့ဒဲအဖိၪခွၫလဖၪအဆၧ လီၫ. မွဲဆၧဆံၫ့ဎံၪထုၬ လၧဆၧမၩဘိၪ့ယဟိဝၩလၧမ့ၪ လဖၪအကျၩနီၪလီၫ.

⁴ နအ့ၪဂဲၫဆိၬ ဆၧမၩဘိၪ့ကိၪမုၬအၪ့ဎူဝ့ၫ လၧဖံၫ့ချၪ ဖၧၩ့တၭ, မွဲကိၪမုၬလဲၩဎုၬလၧၥိၪဒဲလအီၪဘၪလၧမံၪ, အ့ၪလမွဲဘၪဘဲၫနီၪတၭ, ကိၪလလဲၩဎုၬဘၪလၧမံၪအ ဘၧၩ့ဖျၪဒၪဘၪဆၧဂုၪဝ့ၫ လၧၥိၪလီၫ.

⁵ နမၩဘိၪ့ဆၧနီၪ အ့ၪမွဲဆၧမၩဘိၪ့ကိၪမုၬ အၪ့ဎူဝ့ၫ လၧထၭပၪပဲၪအလီၩ့တၭ, မိမွဲကိၪမုၬလအီၪဘၪ လၧ

⁶ မံၪ,လဲၩဎုၬလၧၥိၪလီၫ.- နဘၪဘိၭဖၭဝ့ၫလလီၪ့လလီၪ့ တၭ,ဂါလၩ့ၥိၪလၧအဖၫ့ခိၪလီၫ. မွဲဆၧမၩဘိၪ့ကိၪမုၬ လီၫ.

⁷ နမၩဘိၪ့ဆၧနီၪ အ့ၪမွဲဆၧမၩဘိၪ့ကိၪမုၬတၭ, ကိၪ မုၬနီၪမိဘၪလဲၩဎုၬလၧၥိၪ ဒဲအၪ့ဆ့ၭလၧဖၧၩ့ဖၧၩ့လီၫ.

⁸ တၭနဘၪဂဲၫဆိၬဆၧမၩဘိၪ့ကိၪမုၬ လၧအဘၪဆၧမၩ ဝ့ၫလၧဆၧလဖၪနီၪလၧယဟိဝၩ အအီၪလီၫ. ထီးအ ထီၩ့လၧ ၦလုဆၧလဂၩနီၪအအီၪတၭ, အဝ့ၫဒၪဘၪဂဲၫ

⁹ ဆိၬဝ့ၫလၧဆၧလုလးလီၫ.- ၦလုဆၧလဂၩနီၪဘၪမၩ န့ထၪ့ဝ့ၫလၧဆၧမၩဘိၪ့ကိၪမုၬအဖၧၩ့ လၧဆၧနၪ့ထၪ့ ထဲၩ့အဂးတၭ, ဘၪဆူၭထၪ့ခွံၬဝ့ၫလၧဆၧ လုလးအ ဖၫ့ခိၪလီၫ. မွဲဆၧလုမၩလၧမ့ၪ, ဆၧနၧၫ့မၧၫ့မုၬလၧယ

¹⁰ ဟိဝၩအဂးလီၫ.- တၭဆၧအီၪလၩ့ထး လၧဆၧမၩ ဘိၪ့ကိၪမုၬနီၪမိကဲၪထၪ့စအၫရၧၫ့ ဒဲအဖိၪခွၫလဖၪအ ဆၧတၭး မွဲဆၧဆံၫ့ဎံၪထုၬ လၧဆၧလုလဖၪ အကျၩ မၩလၧမ့ၪ လၧဆၧမၩဘိၪ့ ယဟိဝၩနီၪလီၫ.

¹¹ တၭဆၧမၩဘိၪ့ကိၪမုၬ လၧနၥံၪဂဲၫဆိၬဝ့ၫလၧယ ဟိဝၩအအီၪနီၪ, ဘၪမၩလၧမံၪနးမံၩ့အ့ၬ. အဂဲးဘဲၫ ယီၩမံၪမွဲဂ့ၩ, န့ၫစၩ့မွဲဂ့ၩ, နၥံၪဆူၭထၪ့လၧ ဆၧလုမၩ လၧမ့ၪအဖၧၩ့ လၧယဟိဝၩအဂး နးမံၩ့အ့ၬ.

¹² ဆၧဘၪဆဲၫ့လၧဆၧဘိၪ့ၥၪဆိၫနီၪ နၥံၪဘၪဖ့ၪလၫ့ လၧယဟိဝၩအဂးလီၫ. မွဲလါနၫ့ ဆူၭထၪ့ဘၪဝ့ၫလၧ ဆၧလုလးအဖၫ့ခိၪ လၧဆၧနၧၫ့မၧၫ့မုၬ အဂးအ့ၬ.

¹³ တၭကယဲနမၩဘိၪ့ဆၧလၧနမၩ ဘိၪ့ကိၪမုၬအကျၩ နီၪ, နဘၪဒုၭဂၫ့ဝ့ၫလၧ ထံၫလၪကိၭအမံၩ့ဒ့ၭလီၫ. တၭ ထံၫလၪဘၪဆဲၫ့လၧယွၩ အဆၧအုၩ့လၩ့အ့ၪလအီၪ ဘၪတၭ, ဒုၭအီၪနဆၧမၩဘိၪ့ကိၪမုၬလဂ့ၩ, နဘၪမၩ ထံၫလၪလၧနဆၧမၩဘိၪ့ ထီးအလူၬအဖၧၩ့လီၫ.

¹⁴ နအ့ၪမၩဘိၪ့ယဟိဝၩ လၧဆၧမၩဘိၪ့နဆၧၥၪဆိၫ တၭ, နဘၪမၩဘိၪ့နဆၧၥၪဆိၫ လၧဘုၪဆဲၩၥံၪ အၥံၫ့ ဆ့ၬတၭ မၩဎဲၫ့ဝ့ၫလၧမ့ၪဂီၩ့တၭ, အဆဲၩအလၧၫ့အ

¹⁵ ဎွ့ၩနီၪဖူၬန့အၥၪလီၫ.- နဘၪအီၪက့ၪၥိၪ လၧအလီၩ့ တၭအီၪက့ၪလီဘၫ့ လၧအဖၫ့ခိၪလီၫ. မွဲဆၧမၩဘိၪ့

¹⁶ ကိၪမုၬလီၫ.- တၭၦလုဆၧလဂၩနီၪ ဘၪဆူၬထၪ့ခွံၬဝ့ၫ လၧဆၧနၪ့ထၪ့ထဲၩ့အဂး, ဘုၪလၧအဘၪဆၧဖူၬန့ဝ့ၫ လနၩ့, ဒဲၥိၪလနၩ့, ဒဲလီဘၫ့ထီးအလူၬလီၫ. မွဲဝ့ၫဆၧ လုမၩလၧမ့ၪလၧယဟိဝၩအဂးလီၫ.