မဲအၫ 3 - Pwo Kayin Bible

3 ခးအံၫစရ့လၭလၧအၥၭလတီၩဘၪ.

¹ အဝ့ၫၥံၪစံၭၦၡၩအ့ၪခွံၬၡိၭအမၫတၭ, အဝ့ၫဒၪစဲၪ့ ထၪ့ခွံၬဝ့ၫကဲၪထၪ့ၦခွၫအဂူၫဂၩအမၫနီၪ, အဝၩမိထဲၩ့ ကဒၩထဲၩ့ လၧအအီၪဆ့ဧၪ. ဆၧလၧခးလဘံၪ့နီၪ မိ ဘၪဆၧမၩစံၪစၪဖၭဒိၪမွဲအ့ၬဧၪ. မွဲလါနၫ့တၭ, နမၩ မၪဆၧလၧၦလၧနအဲၪဝ့ၫအၪဂၩတၭ, နမိဂဲၫထဲၩ့ထဲၩ့

² လၧယအီၪဆ့ဧၪ, ယဟိဝၩစံၭဝ့ၫဒၪ.- စၪ့ထၪ့နမ့ၬၥၪ လၧဆၧအလးထၪ့ထီၫတၭ, ယိဆၧအလးထီးၦၡၩလ မံၫဘၪဒဲနၧၩနီၪဆံၭ. နဆၧၫ့နၩ့အီၪခိၭၦၡၩလၧအဖၧၩ့ ၥၭအနဲၩ့ထံၭဘဲၫၦအရ့ဘၠၫဖိၪ လၧၡါမုနၧၫ့ဖၫနီၪတၭ, နမၩဘၪၥၭလိၪထံၫၥံၪခးၥံၪ လၧနမၩဆၧလဲးဆၧဘျၪ,

³ ဒဲနဆၧအၧၩ့လီၫ.- မၩအၥၭဘဲၫနီၪတၭ, ဆၧပဒၩ့ဆၧ ဆၧၩ့,ဒဲဆၧဂဲၫဆၧၩ့လၧခဲၫ့အထီနီၪအီၪဆ့အ့ၬး တၭ နအီၪလၧၦမဲၩဎွဲၩမုၪအမ့ၬထုးခိၪ, နအီၪက့ၪမ့ၬမဲနၥၭ

⁴ အ့ၬ.- ထီးယီၩစူၩယၫနမိကိၭထၪ့ယၧၩ, ယဖါဧ့,နမွဲ

⁵ ၦလၧအၥိၫ့ယၧၩလၧယၥၭဘၪ့နီၪ,မွဲအ့ၬဧၪ.- ယိခွါ, နမိချဲၩ့ဆၧလါနၫ့တၭ, နမၩဆၧအၧၩ့ထီးနမၩၥ့ၪလီၫ.

ခးအံၫစရ့လၭဒဲခးယုဒၫမိဘၪနီၫ့ယါလၩ့အၥၭ.

⁶ လၧစဎွၩယိၫစံအၫအမုနံၩလဖၪနီၪ, ယဟိဝၩစံၭ ယၧၩအံၫစရ့လၭလၧအၥၭဂၭဂီၩ့နီၪ, မွဲအမၩဝ့ၫဘဲၫ ၥ့ၪလဲၪ,ဘဲၫၥ့ၪလဲၪနီၪ,နဒၪဘၪယူၭဧၪ. မွဲအလ့ၩထၪ့ လၧကယဲခိၪလီၩ့ထီၫအလီၩ့, ဒဲလၧကယဲၥံၪ့ၥံၫ့ဆ့ၬအ

⁷ ဖၫ့လၬတၭ,မၩဆၧလဲးဆၧဘျၪထီးနီၪလီၫ.- တၭမွဲအ မၩဝ့ၫဘဲၫနီၪအလးခဲၫ့တၭ, ယစံၭ, ဂဲၫထဲၩ့ထဲၩ့လၧယ အီၪဆံၭ. မွဲလါနၫ့တၭ,ဂဲၫထဲၩ့ဝ့ၫအ့ၬ.တၭအထၧၫ့ဖု

⁸ ဝဲမုၪယုဒၫလၧအလူလတီၩဘၪနီၪဒၪဘၪဝ့ၫလီၫ.- တၭ ထီးယခွံၬၡိၭအံၫစရ့လၭ လၧအၥၭဂၭဂီၩ့အကၠီၩ့ တၭ,ဖ့ၫလၫ့အဝ့ၫလၧလံၬလၩ့ၡၪလဘံၪ့, လၧအအဲၪ ဘိၩ့အဝၩအဂဲးထီးအလူၬအကၠီၩ့တၭ, ယဒၪဘၪလၧ အထၧၫ့ဖုဝဲမုၪယုဒၫလၧအလူလတီၩဘၪနီၪ ၥၭမဲၪဆၧ အ့ၬ. အ့ၪမွဲအလ့ၩမၩဆၧလဲးဆၧဘျၪလခီၫဆ့လီၫ.

⁹ ဆၧမၩအၥၭ လၧအမၩဆၧလဲးဆၧဘျၪနီၪဂၧၫ့ထၪ့ၥၩ လၩ့တၭ,မၩဘၪၥၭလိၪခးထၧၫ့ဘံၪ့ယၫ, ဒဲအဲၪဘိၩ့

¹⁰ ဝၩလၧလိးၥံၪလဲၫ့ၥံၪ, ဒဲၥံၪ့ၥံၪဝၪၥံၪနီၪလီၫ.- တၧလၧ ဆၧထီးအလူၬအကၠီၩ့နီၪ အထၧၫ့ဖုဝဲမုၪယုဒၫလၧအ လူလတီၩဘၪနီၪ ဂဲၫထဲၩ့ထဲၩ့လၧယအီၪလၧအၥၭ ထၧၫ့ဖျိၪ့ယၫအ့ၬ, အ့ၪမွဲကျဲၩ့မၩဝ့ၫနီၪ ယဟိဝၩ စံၭ ဝ့ၫဒၪ.

¹¹ တၭယဟိဝၩစံၭယၧၩ, အံၫစရ့လၭလၧအၥၭဂၭဂီၩ့ နီၪအီၪက့ၪအၥၭဒၪဝ့ၫတီၩနဲၪ့လီၩ့နဲၪ့ ယုဒၫလၧအလူ

¹² လတီၩဘၪဒံၭလီၫ.- လ့ၩကိၭထၪ့ဆၧချဲၩ့ယီၩ လၧမု ဖၩတၭ,စံၭ, အံၫစရ့လၭလၧအၥၭဂၭဂီၩ့ဧ့း ဂဲၫထဲၩ့ ထဲၩ့ဘီၪးယၥၭထၪ့နီၪ, မွဲယဒုၭလၩ့ဘၪလၧနၥံၪအ လီၩ့အ့ၬ. ယဟိဝၩစံၭဝ့ၫဒၪ. အဂဲးဘဲၫယီၩယအီၪ လၧဆၧအခိးအတၩတၭ, ယၥၭထၪ့ အဆိၩအကၠၪ

¹³ အ့ၬးယဟိဝၩစံၭဝ့ၫဒၪ.- မွဲလါနၫ့ဘိၩလီၩလၩ့နဆၧ ဒဲၩဘၭအၪ့ကံၩ့လၩ့နၥၭ လၧနမၩမၪဘၪယူၭယဟိဝၩ နယွၩဒဲလၧနစဲၪ့ဝံၩ့ဝၩ့ဆၧလၧဂူၫဂၩအအီၪလၧကယဲ ၥံၪ့ၥံၫ့ဆ့ၬအဖၫ့လၬ, ဒဲလၧနၥံၪလခိၭနၪဘၪယလူနီၪ

¹⁴ ဆံၭ.ယဟိဝၩစံၭဝ့ၫဒၪ.- ဖိၪၥံၪလံၩၥံၪလၧအၥၭဂၭ ဂီၩ့ၥံၪဧ့,ဂဲၫထဲၩ့ထဲၩ့ဘီၪ. ယခွံၬၡိၭခွံၬ လါနၫ့နၥံၪ တၭယမိထိးဆၧၫ့ထဲၩ့ဒီၭ, ယဟိဝၩစံၭဝ့ၫဒၪ. လဂၩ လၧလဒိၩ့လဂၩလၧလဒိၩ့အဖၧၩ့, ဒဲနံၫဂၩလၧလဂံၪ့ ဒီၪ့နံၫဂၩလၧလဂံၪ့ဒီၪ့အကျၩ, ဒဲယမိဒုၭဂဲၫနၥံၪလၧ

¹⁵ ဇံအိၫ့လီၫ.- တၭယမိဖ့ၪလၫ့နၥံၪလၧၦၡၩယိဆၧလ ဖၪလၧအဘၪယၥၭ လၧအမိဒုၭအၪ့နၥံၪလၧဆၧၥ့ၪ

¹⁶ ယၫ,ဒဲဆၧဒုၭထီးလၩ့နၥံၪအၥၭလီၫ.- တၭထီးနၥံၪ အ့ၪအၪထၪ့, ဒဲဒိၪထၪ့လဲထၪ့လၧခးဖၧၩ့တၭ, ဆၧမိ မၩအၥၭလၧမုနံၩလဖၪနီၪ ယဟိဝၩစံၭဝ့ၫဒၪ, အဝ့ၫ ၥံၪစံၭလၧၩ့ယဟိဝၩ အဆၧအုၩ့လၩ့အတလၫနီၪအ့ၬ. ဒဲဆီၫ့မီၪ့လၧၩ့ဝ့ၫလၧအဂဲးအ့ၬ, ဒဲနၪ့ထၪ့ထဲၩ့လၧၩ့ဝ့ၫ

¹⁷ အ့ၬး ဒဲအီၪၡီၩ့လၧၩ့ဝ့ၫအ့ၬး ဒဲမၩလၧၩ့ဝ့ၫအ့ၬ.- အထီ ထီးနီၪအဝ့ၫၥံၪမိကိၭယရုစလံၫ့ လၧယဟိဝၩအလး ဆီၩ့ဆီတၭ, ၦအဆၨၩထီးအလူၬ မိအီၪကိၩ့အီၪကီၪ့ ထီးနီၪလၧယဟိဝၩအမံၩ့, လၧယရုစလံၫ့အဖၧၩ့လီၫ. တၭအဝ့ၫၥံၪလ့ၩဖိၬလၧၩ့အၥၭအၧၩ့ အနါကဲၪ့အဖၧၩ့

¹⁸ ၥၭနီၪဆ့အ့ၬ.- ဆၧလၧမုနံၩလဖၪနီၪ, ယုဒၫအၡၩဂံၪ့ ဖိၪမိလ့ၩဎုၬ လၧအံၫစရ့လၭအဂံၪ့ဖိၪတၭ, မိဂဲၫလစီၪ့ ဎးလၧခးမုဖၩ လၧခးလၧယဖ့ၪၥၫနၥံၪအဖါ လဖၪ လီၫ.

ယွၩအၡၩခမျၧးအဆၧဘၩဆၧဂၩ့ဆၧဖၪ့.

¹⁹ အ့ၪမွဲယစံၭ, ယမိအီၪက့ၪနၧၩလၧဖိၪၥၪအကျၩ, ဒဲဖ့ၪလၫ့နၧၩလၧအခးမုၬ, ဆၧန့ၥၫအလၩအဖၩ့လၧ ၦဆၨၩလဖၪအၥုၭမုခမျၧး အကျၩဘဲၫၥ့ၪလဲၪး တၭ ယစံၭနကိၭယၧၩ, ယဖါဧ့, တၭနမိကၠၪခွံၬနၥၭလၧ

²⁰ ယအီၪအ့ၬ.- မွဲမၬဘဲၫၦအမၫလၧအလူလတီၩဘၪ လၧအဝၩအၥိၭနီၪ, နၥံၪအလူလတီၩဘၪလၧယၧၩ ဘဲၫနီၪၥိၭ, အံၫစရ့လၭအၡၩဂံၪ့ဖိၪၥံၪဧ့, ယဟိဝၩစံၭ ဝ့ၫဒၪ.

²¹ ဆၧအၥီၫဂၧၫ့ထၪ့လၧဆၧစီၩ့ခိၪအလီၩ့လဖၪတၭ, မွဲၦအံၫစရ့လၭဖိၪဂၪ့ဆၧ, ဒဲအၪ့ကံၩ့အၪ့ယၫဆၧလီၫ. အဂဲးဘဲၫယီၩအဝ့ၫၥံၪမၩကဲၪ့အဖၧၩ့ၥၭ, ဒဲၥၭနၪ့ယ ဟိဝၩအဝ့ၫၥံၪအယွၩလီၫ.

²² ဖိၪၥံၪလံၩၥံၪလၧအၥၭဂၭဂီၩ့ၥံၪဧ့, ဂဲၫထဲၩ့ထဲၩ့ဘီၪ. တၭယမိမၩဘျၪထဲၩ့နၥံၪအၥၭဂၭဂီၩ့နီၪလီၫ. ယိခွါ, ပဂဲၫလၧနအီၪလီၫ. အဂဲးဘဲၫယီၩနမွဲယဟိဝၩပယွၩ

²³ လီၫ.- မွဲမၬ, ပအၪ့ဎၬဆၧအၪလၧဆၧစီၩ့ခိၪလဖၪ,ဒဲ လၧခိၪလီၩ့ထိၩ့ချိၬနီၪပျီၩပျီၩလီၫ. မွဲမၬ, အံၫစရ့လၭ အဆၧထိးထဲၩ့တၩ့ထဲၩ့နီၪ, အီၪဝ့ၫလၧယဟိဝၩပယွၩ

²⁴ အဖၧၩ့လီၫ.- အဂဲးဘဲၫယီၩဆၧမ့ၬမဲအလးအၪ့ခွံၬပဖါ အစူၪလးအခၪ့ခိၪ ခီၫလၧပဖိၪၥၪခွၫထၪ့လံၩလံၩ, အ

²⁵ ၥိၪအဘ့ၪ,ဒဲအချီ,အဖိၪခွၫၥံၪ,ဒဲအဖိၪမုၪၥံၪလီၫ.- ပမံၫ နၩ့လၧပဆၧမ့ၬမဲအဖၧၩ့တၭ, ပဆၧအၧၩ့လုၬဘံၭပၧၩ လီၫ.အဂဲးဘဲၫယီၩပမၩမၪဘၪယဟိဝၩပယွၩ, ပဝ့ၫ ဒၪဒဲပဖါခီၫလၧပဖိၪၥၪခွၫထၪ့ ထီးမုဆၫလနံၩယီၩ တၭ,ပခိၭနၪယဟိဝၩပယွၩအလူအ့ၬ.