အ့ 2 - Pwo Kayin Bible

2 ဆၧၥံၫထီၩ့စိၩဆၧမၧၫ့.

¹ ၦလၧအၥံၫယူၭလၧဆၧၥူၭဆၧမၪ, ဒဲဆၧဒဲၩဘၭအ ဖၧၩ့နၥံၪဝ့ၫယီၩ,ဎယွၩမၩမၧၫ့ထၪ့ထဲၩ့ယူၭနၥံၪ

² ယူၭ,ၭ- လၧဆၧနီၪလဖၪ နၥံၪလ့ၩယူၭလၧအဖၧၩ့လၧ အခၪ့ထံၭလၧမီခိၬဘဲၫၦယီၩ လကၠၪဖိၪအၥိၭ, ဘဲၫ ဆၧဖိၭဖၫ့အစီၩ့အမၩ့အခိၪ, ၥၭလၧအမၩဆၧဘိၩ့ နဲၪ့ယီၩလၧၦလခိၭနၪဘၪဆၧအဖၧၩ့လဖၪအၥိၭနီၪ

³ လီၫ.- လၧအခၪ့ထံၭလၧအၥၫ့ ပဝ့ၫဒၪထီးအလူၬယီၩ, ပမၩဆၧဖံၭဆၧလၧအကျၩလၧပဖံၭပယၪအဆၧၥၭ ကွံၩအဖၧၩ့တၭ, ပမၩထီးဒၪဆၧဖံၭဆၧယၪ အၥၭ, ဒဲၥၭကိၪ့ဆၧၥ့ၪတၭ, လၧဆၧအထူၫအရူၫအဖၧၩ့နီၪ,

⁴ ပမွဲဆၧၥၭထၪ့အဖိၪဘဲၫဂူၫဂၩအၥိၭနီၪလီၫ.- အ့ၪမွဲ ယွၩလၧအလၧၫ့ဎွ့ၩ လၧဆၧယၫ့ၥၭနီၪ, မွဲလၧအအဲၪ

⁵ ပၧၩကွံၩပၧၩအၪအၪလ့ၬအကၠီၩ့နီၪ,- ၦလၧအၥံၫလၧ ဆၧမၪအဖၧၩ့ပဝ့ၫဒၪယီၩ, အဝ့ၫဒၪမၩမၧၫ့ထၪ့ထဲၩ့ ဎုၬပၧၩလၧဎရံၬ, (နၥံၪထီၩ့လၧဆၧထိးထဲၩ့တၩ့ထဲၩ့

⁶ နၥံၪလၧဆၧအခိးအတၩအကၠီၩ့,)- ဒဲမၩဂဲထုၪ့ဎုၬ ပၧၩနီၪ,ဒဲဒုၭဆၧၫ့နၩ့ပၧၩ လၧမူၭခိၪအလးၥံၪလၧ

⁷ ယ့ၫၡုၬဎရံၬအဖၧၩ့,- ဘဲၫၥိၭအမိဒုၭနဲၪအခိးအတၩ လၧၫ့လၧၫ့ဎွ့ၩဎွ့ၩလၧယၫလခီၫ လၩ့ဆိၩလၩ့ကၠၪလၧ အမၩဂ့ၩပၧၩလၧယ့ၫၡုၬဎရံၬအဖၧၩ့နီၪလီၫ.

⁸ အဂဲးဘဲၫယီၩနၥံၪထီၩ့ လၧဆၧထိးထဲၩ့တၩ့ထဲၩ့န ၥံၪလၧဆၧအခိးအတၩ, လၧဆၧနဲၩအကၠီၩ့တၭ, ဆၧနီၪလမွဲဘၪ လၧနၥံၪအကၠီၩ့ဒၪနၥံၪဝ့ၫ, မွဲလၧ

⁹ ယွၩအဆၧဖ့ၪလၫ့အကၠီၩ့လီၫ.- ဘဲၫၥိၭပထီးအီၪ က့ၪဖိၫလိၫအၥၭနးဂၩလဂ့ၩနီၪ, မွဲလၧဆၧမၩအကၠီၩ့

¹⁰ အ့ၬ.- အဂဲးဘဲၫယီၩပမွဲယွၩအဆၧမၩလၧအမၩ ကဲၪထၪ့ဝ့ၫလၧယ့ၫၡုၬဎရံၬအဖၧၩ့, လၧဆၧမၩဂ့ၩအ ဂးလၧယွၩတဲၩ့ဝဲၩဝ့ၫ ဘဲၫၥိၭပမိလ့ၩဆၧလၧအဖၧၩ့ လီၫ.

လဂၩဎးလၧဎရံၬအဖၧၩ့

¹¹ မၩအၥၭဘဲၫနီၪတၭ, လၧအၥၫ့လၧအခၪ့ထံၭနီၪ နၥံၪမွဲၦဆၨၩလဖၪ လၧဆၧဖံၭဆၧယၪအဖၧၩ့, ၦဒိၭ ဆၧကူၭတရံၭလၧဆၧယၪအဖၧၩ့ လၧၦမၩလၧအစူၪ

¹² နီၪကိၭဝ့ၫၦလဒိၭဘၪဆၧကူၭတရံၭ,- ထီးအထီနီၪ နၥံၪလအီၪဘၪလၧဎရံၬနီၪ, လမွဲဘၪၦမွံၩဘၪဆဲၫ့လၧ ဆၧစံၭဝဲၩဆၧအုၩ့လၩ့, ဆၧယိလါလအီၪဘၪ, လအီၪ ဘၪလၧယွၩလၧဂၪ့ခိၪချိၫ့ယီၩ, နၪ့ထၪ့ထဲၩ့ နၥံၪဝ့ၫ

¹³ ဆံၭ.- အ့ၪမွဲဘိၩ့နဲၪ့ယီၩ, လၧယ့ၫၡုၬဎရံၬအဖၧၩ့နီၪ, နၥံၪ,ၦလၧအအီၪယဲၩ့လၧ အၥၫ့နီၪအီၪဘူၭထၪ့ထဲၩ့ လၧဎရံၬအၥွံၪအကၠီၩ့လီၫ.

¹⁴ အဂဲးဘဲၫယီၩၦနံၫဒီၪ့နီၪ မွဲအဒုၭကဲၪထၪ့ဝ့ၫၦလဒီၪ့ ဎးတၭ, မွဲပဆၧဘၪလိၬ အိၭလိၬ, ဒဲမၩလၩ့ဎီးခွံၬ

¹⁵ ဆၧဒီၪ့အီၪလၧအဘိၩ့ဆၧၩ့,- ဒဲမၩဂၭဂီၩ့ခွံၬလၧအဖံၭ အယၪအဖၧၩ့, ဆၧအထူၫအရူၫဘၪဆဲၫ့လၧဆၧမၪ လူၬ,ဘဲၫပစံၭဆၧအၥိၭ ဆၧထၫ့ဒုၪထၫ့ဒၩလိၬအၥၭ နီၪ,မၩဘၪလိၬထဲၩ့ဝ့ၫဘဲၫၥိၭ အမိဒုၭကဲၪထၪ့ၦနံၫဒီၪ့

¹⁶ လၧၦအၥၫ့လဒီၪ့ဎး လၧအနၫ့ဆါဒၪဝ့ၫအဖၧၩ့,- ဒဲမၩ ၥံၫခွံၬဆၧထၫ့ဒုၪထၫ့ဒၩလိၬအၥၭ လၧအထုၪ့စူၪယၫ နီၪဂီၩ့တၭ, မၩဘၪလိၬဆၧနံၫခီၫလူၬလၧယွၩလၧ အနၫ့ဆါလဂၩဎးအဖၧၩ့, လၧထုၪ့စူၪယၫအကၠီၩ့နီၪ

¹⁷ လီၫ.- မွဲအဂဲၫလီၩလၩ့လၬလၩ့ ဆၧဘၪလိၬအိၭလိၬ လၧနၥံၪလၧအအီၪယဲၩ့, ဒဲၦလၧအအီၪဘူၭဆ့လီၫ.

¹⁸ အဂဲးဘဲၫယီၩ, ပဝ့ၫဒၪနံၫဒီၪ့ယီၩ, ပန့ဘၪဆၧၥိၫ့ပၧၩ လၧဖါအအီၪလၧၥၭမုလဂၩဎးလၧအဝ့ၫဒၪအကၠီၩ့ လီၫ.

¹⁹ မၩအၥၭဘဲၫနီၪတၭ, နၥံၪလမွဲလၧၩ့ဘၪၦလခီၫဘၩ့ မုးဖိၪဒဲၦမွံၩနီၪ, အ့ၪမွဲနၥံၪမွဲပဒိၩ့ဖိၪဖံၭၥိၭလိၬအ ၥၭလၧၦဆံၫ့ဎံၪၥံၪ ဒဲလၧယွၩအဂံၪ့ဖိၪဆ့လီၫ.

²⁰ ယ့ၫၡုၬဎရံၬအနၫ့ဆါဒၪဝ့ၫ မွဲဂံၪ့နိၪ့အလိးဒိၪထုၬ တၭ,ဆၧမၩထၪ့နၥံၪလၧဆၧအၪ့မၧၫ့ဖိၪ, ဒဲမီၪၥံၪအခၪ့

²¹ ထံၭအဖၫ့ခိၪလီၫ.- လၧအဝ့ၫဒၪအဖၧၩ့ ဂံၪ့ဘၪလိၬအ ၥၭထၧၫ့ဖျိၪ့ယၫ, ဒိၪထၪ့တၭ, ကဲၪထၪ့ဝ့ၫလၧ ဂံၪ့ဆံၫ့ ဎံၪလၧကဆါအဖၧၩ့လီၫ.

²² ဆၧမၩဎုၬနၥံၪလၧအဝ့ၫ ဒၪအဖၧၩ့ဆ့, ဘဲၫၥိၭနၥံၪမိကဲၪထၪ့ယွၩအီၪဝ့ၫအ လးလၧၥၭမုအဖၧၩ့လီၫ.