၂ ၥ့ၭ 2 - Pwo Kayin Bible

2 ၦအၧၩ့ၦၥၫ့လဂၩ.

¹ ဖုၥံၪဝဲၥံၪဧ့, ၦအၪ့ကံၩ့အၪ့ယၫနၥံၪဒဲပကဆါ ယ့ၫၡုၬဎရံၬဂဲၫဝ့ၫ, ဒဲလၧဆၧအီၪကိၩ့အီၪကီၪ့လၧအအီၪ

² အဂဲးအကၠီၪ့,- ဘဲၫၥိၭနၥံၪအၥၭကိၪ့ၥ့ၪထီၩ့ဝၭလၧအ ဆိၫအချဲၫ့လဂ့ၩတၭ, နၥံၪထီးၥၭမဲၪၥၭဖျဲၩ့လၧၥၭ,လၧ ဆၧချဲၩ့အကၠီၩ့မွဲဂ့ၩ, လၧလံၬၥံၪလဲၥံၪအကၠီၩ့မွဲဂ့ၩ, ဘဲၫအဂဲၫလၧပအီၪအၥိၭ, လၧအစံၭကဆါအမုနံၩမိ

³ ဘၪဘူၭဝ့ၫအၥိၭနီၪလဂ့ၩ.- ထီးဒုၭအၪ့လီၫနၥံၪအ ၥၭလၧၦဂူၫဂၩနးမံၩ့နးဂၩလဂ့ၩး အဂဲးဘဲၫယီၩဆၧ ကဒံၩကဒၩအ့ၪလဂဲၫထၪ့ဆိၫဘၪနီၪ မွဲပဆၧဒဲၩဘၭ ဖိၪလၧအမွဲဆၧဂၭဂီၩ့ဂၭစၪအဖိၪခွၫ အ့ၪလအီၪထၪ့

⁴ ဘၪနီၪ,- အဝ့ၫနီၪလဂၩဂဲးလိၬတ့ၭလိၬတၭ, အီၪက့ၪ ထၪ့ထီၫအၥၭ လၧကယဲဆၧကိၭဝ့ၫကဆါလၧဆၧဘၩ ထၪ့ဝ့ၫအဖၫ့ခိၪ, ထီးအဆၧၫ့နၩ့ဝ့ၫလၧယွၩအဂံၪ့ဖၧၩ့ ဘဲၫယွၩအၥိၭတၭ,စံၭလၩ့ဒၪအၥၭ လၧအမွဲယွၩလ ဂၩဎးနီၪ, အဝ့ၫဒၪအ့ၪလအီၪဖျီၪဘၪတၭ မုလနံၩနီၪ ထီၩ့ဒံၭအ့ၬ.

⁵ လၧယအီၪဒံၭလၧနၥံၪအၥိၭနီၪ, ယလီၩဘၪနၥံၪ

⁶ လၧဆၧနီၪလဖၪမွဲနၥံၪလနၪ့ထၪ့ထဲၩ့ဘၪဧၪ.- ဆၧလၧ အမၩထံၬထၬဆၧဘိၩ့နဲၪ့ယီၩ, ဘဲၫၥိၭအမိအီၪဖျီၪလၧ

⁷ အဆၧၫ့အထီဒၪဝ့ၫနီၪ,နၥံၪၥ့ၪယၫလီၫ.- အဂဲးဘဲၫယီၩ ဆၧလတီၩလလီၩ့ဘၪ ဘၪဆဲၫ့လၧဆၧအီၪၥူၪမၩ ဝ့ၫဘိၩ့နဲၪ့ယီၩဒၪလ့ၬ, မွဲလါနၫ့တၭ,ၦလၧအမၩထံၬ ထၬဆၧနီၪ မိမၩဝ့ၫထီးအဘၪဆၧထူၭခွံၬဝ့ၫလီၫ.

⁸ ထီးနီၪလဖၧၫ့ ဆၧလတီၩလလီၩ့ဘၪလဂၩနီၪ မိအီၪ ဖျီၪထၪ့တၭ, အဝ့ၫနီၪကဆါယ့ၫၡုၬ မိမၩလၩ့မါဝ့ၫ လၧအၥၪထၪ့လၧအခိၬဖၧၩ့နီၪ, ဒဲမိမၩဂၭဂီၩ့ဝ့ၫလၧ

⁹ အဆၧအီၪဖျီၪဘၪဆဲၫ့လၧအဂဲၫဝ့ၫနီၪလီၫ.- ၦလဂၩ နီၪဖိၬမုၪခီၩလဲးအဆၧဖံၭဆၧမၩအခဲၫ့, ဂဲၫလၧကယဲ ဆၧအစီၩ့အမၩ့ဒဲဆၧလၩ့လိလၩ့လၭ လၧအလမွဲဘၪ

¹⁰ ဆၧတၭ,- လၧကယဲဆၧအၪ့လံၬအၪ့လီၫ ဘၪဆဲၫ့လၧ ဆၧလတီၩလလီၩ့ဘၪ လၧၦလၧအမိထီၩ့လၧဆၧဂၭ ဂီၩ့အကျၩနီၪး အဂဲးဘဲၫယီၩၦလဖၪနီၪထိးဆၧၫ့ဆၧ အဲၪဆၧကွံၩဘၪဆဲၫ့လၧဆၧမွဲဆၧတီၩ ဘဲၫၥိၭအမိ ထီၩ့လၧဆၧထိးထဲၩ့တၩ့ထဲၩ့ဝ့ၫ နီၪမွဲဆ့အ့ၬ.

¹¹ လၧဆၧနီၪလမံၩ့အကၠီၩ့, ယွၩမိအၪ့မၧၫ့လၩ့ဆၧ အၪ့လီၫယိၬဘဲၫၥိၭအဝ့ၫၥံၪ မိနဲၩဆၧအဘျံၭအဘျၪး

¹² ဒဲဘဲၫၥိၭကယဲၦလၧအလနဲၩဘၪ ဆၧမွဲဆၧတီၩ,အ့ၪ မွဲအဲၪဒိၭဆၧလတီၩလလီၩ့ဘၪ ထီးအလူၬအကၠီၩ့ နီၪမိဘၪဆၧစ့ၩရၫ့စၪဝ့ၫလီၫ.

နဘၪဆၧရွံန့လၧဆၧထိးထဲၩ့တဲၩ့ထဲၩ့အဂး.

¹³ မွဲလါနၫ့ဘိၩ, ၦလၧအကဆါအဲၪဝ့ၫ, ဖုၥံၪဝဲၥံၪဧ့, ပကြၨၭစံၭထၪ့အၪ့အူၭယွၩ အခိးအတၩလၧနၥံၪအ ကၠီၩ့လထံၪဎးဘီၩ့ဎး, အဂဲးဘဲၫယီၩယွၩရွံန့ထဲၩ့နၥံၪ လၧအၥၫ့လံၩလံၩနီၪ, ဘဲၫၥိၭနၥံၪမိထီၩ့လၧဆၧထိး ထဲၩ့တၩ့ထဲၩ့နၥံၪ လၧဆၧဆံၫ့ဎံၪဘၪဆဲၫ့လၧၥၭနီၪ

¹⁴ အဖၧၩ့,ဒဲလၧနၥံၪနဲၩဆၧမွဲဆၧတီၩအဖၧၩ့လီၫ.- အ ခိးမွဲဘဲၫနီၪတၭ ယွၩကိၭထဲၩ့နၥံၪလၧပဆၧၥၭထိၬအ ပရၧၫ့ဘဲၫၥိၭနၥံၪမိန့ဘၪဆၧအလၩအဖၩ့ ဘၪဆဲၫ့ လၧပကဆါယ့ၫၡုၬဎရံၬနီၪလီၫ.

¹⁵ မၩအၥၭဘဲၫနီၪတၭ, ဖုၥံၪဝဲၥံၪဧ့, အီၪဂုးအီၪခၧၫ့ လၧပဆၧချဲၩ့မွဲဂ့ၩ, ပလံၬပလဲမွဲဂ့ၩ, ဖီၪ့ထၬဆၧလီၩ လၩ့လၬလၩ့လဖၪ လၧနၥံၪမၩလိၪဘၪဝ့ၫနီၪဆံၭ.

¹⁶ ဘိၩ့နဲၪ့ယီၩမွဲပကဆါယ့ၫၡုၬဎရံၬ အနၫ့ဆါဒၪဝ့ၫ,ဒဲ ယွၩဘဲၫၦစံၭဆၧအၥိၭ, ပဖါလၧအအဲၪပၧၩတၭ, ဖ့ၪလၫ့ပၧၩလၧဆၧ မၩမုၬမၩၡုၪပၧၩ အဆိၩဆိၩအ ကၠၪကၠၪ, ဒဲဆၧယိလါအဂ့ၩ လၧဆၧအခိးအတၩ

¹⁷ နီၪ,- မွဲအမၩမုၬထၪ့ထဲၩ့နၥံၪအၥၭ ဒဲဒုၭအီၪဂုးအီၪ ခၧၫ့နၥံၪလၧကယဲဆၧချဲၩ့အဂ့ၩး ဒဲလၧဆၧမၩအဂ့ၩ အဖၧၩ့နီၪဆံၭ.