ESTER 10 - BUKI SUSI Wahasa ngu Taghul᷊andang l᷊ou-l᷊ou

Kawawantughi Ahasyweros l᷊au i Mordekhai

¹ Ratu Ahasyweros nukoa hal᷊i ko nisihasa, wal᷊inge kitang su kawanua su manga bahageang u apeng su kararatuange, kateho l᷊ai su manga bahageang u ngudae.

² Apang kakanoae ko l᷊abo l᷊au ko hebati dang l᷊ai wuke ko natimu hal᷊i u kirapa i sie nuhengke si Mordekhai nakoa mapapangkati ko marange, kawawohe su l᷊al᷊ung u buki wuke ngu manga ratu ngu Persia l᷊au Media.

³ I Mordekhai, tau Yahudi e'e tatapi kakangiang su jabatang ko karangetange su wawa u Ratu Ahasyweros sisane. I Mordekhai niadateng dang nikao u manga taumata ko bangsa simbau dingange. I sie nutawakal᷊i guna ngu kasasal᷊amati l᷊au kapapia ngu bangsange l᷊au kaul᷊i u hintou ngi sire.