ᐱᓬᐃᐱᔭᓇᒃ INTRO1 - Ojibwe Kihcimasina'ikanMii 'owe keoncinihsitohtaman o'o oshipii'ikan Pwaal (Paul) hsa kiihkipa'waa o'oweni kiioshipii'ank. Kotak itahsh otanami'aa' okiihkakwenakaashkamini kaakii'ishihciketc. Okiihkihkentaan tahsh kaye aaninta awiya' sesik ekii'ishikihkino'amaakehsinik i'imaa Pilipaai (Philippi) ootenaank. Shaakooc itahsh ciihkihtaakwanini otooshipii'ikan, aaniihsh otepweyenimaan Christan. Mii hsa 'i kaakii'oncioshipii'amawaatc o'o otepwehtamoo' ekii'inaatc miikwehc ekii'wiici'ikotc ahpii kiimanesitc. Weweni tahsh kaye okanoonaa' cikakweinentaminitc kaakii'ishitapahsenimonitc ini Ciisahs Christan, kaawiin wiin cikihci‑inenintisonitc, cinaanaakatawenintisohsinik kaye ehta. Owiintamawaa' itahsh kaye i'i kaaishiwiiciiwaanitc Christan e'onciinik Kishemanitoon okishewaatisiwininiink, mii aaniihsh o'omaa wenciinik tepwe opimaatisiwiniwaa. Kaawiin wiin onciihsinini kaainahtenik Coowi‑anami'ehcikewinink. Miitahsh eshiantawenimaatc ciciihkentaminitc, cimashkawitepwehtaminitc, pisaan kaye ciwiiciintinitc, cipakiciihsinik kaye. Miitahsh o'omaa eshipehtenaakwaninik ehsaaki'aatc otepwehtamoo'. O'o hsa Pilipaai ootena kii'ishiayaa weti Maahsitooniya (Macedonia) ahkiink, kaakii'ishiayaak Iyoorap (Europe) kihciahkiink. Miiwak hsa nihtam kaakiihtepwehtamowaakopanen minwaacimowin weti Iyoorap ahkiink (Acts 16.9-15). Entahsopepahkaanipii'ikaatek o'o oshipii'ikan Pwaal wiin iko kaakii'ishihsetc 1.12-26 Pimaatisiwin e'wiiciiwintc Christ 1.27—2.18 Timahti (Timothy), Ipaahparataitahs (Epaphroditus) kaye ehtashimintwaa 2.19-30 E'ayaankwaamimintwaa otepwehtamook 3.1—4.9 Miikwehc ekii'ihkitotc kaakii'ishiwiici'intc 4.10-20 Ishkwaac otihkitowin 4.21-23 |
Ojibwe Shorter Bible (Roman Script) © 2008 Canadian Bible Society
Canadian Bible Society