ፊል INTRO1 - ኦራ ጫ̈ቃ ማጻ̈ፋጌላ ጳውሎ̈ሲ ዓና̇ ኪ̈ቲን ሜቂዶ̈ና ኣውራጂን ጋርቶ ፊልጲሱ̈ሳ ካታሚን ጋርታ ዎ ዎ̈ሳ ኬ̈ንቦ ጻ̈ፊኔ። ዪና̇ ዎ̈ሳ ኬ̈ንዳ ጳውሎ̈ሲ ኣውሮፓ ሳ̈ዚን ጋርታ̇ ዎይ̈ፖ ቲ̈ን ኤሲ̇ኖ ዎ̈ሳ ኬ̈ንዶ። ኪ̈ቲን ዓና̇ ጳውሎ̈ሲ ቃሺ ኣ̈ል ዎጵዶር ጻ̈ፊኔ። ዎ̈ሳ ኬ̈ብ ኦ̈ዝ ፔቲ̇ ፔቲ̇ ኣሳን ኢያ ታቆ̈ሚኖኮታ̇ብኬ ማ ኢና ዎ̈ሳ ኬ̈ን ጋርታ ዎርዳ ቲሚርታ̇ ታማ̈ርሲዝ ኣሳን ዲንዲኖ ጊሻ̇ቦ ኢ ዎይሊን ሞርኢሙታ̇ ዎ ኬሊ̇ንጋርታ̇ ዓና̇ ኪ̈ቲን ጻ̈ፊኔ። ማ̈ቂ̇ናካሬ ጳውሎ̈ሲ ዬሱ̈ስ ክርስቶ̈ሳ ጋልዳ ኢ̈ብ ዎ ኣማ̇ኒንዳ ሚ̈ን ማ̈ቂ̇ኖኮታ̇ቦ ዓና̇ ኪ̈ቲን ጋርታ ሺ ቤንታ̇ዚንዳ ኡፋይስ̇ኬ ሚ̈ን ኣማ̇ና ጎይ። ጳውሎ̈ሲ ዓና̇ ኪ̈ቲን ጻ̈ፊኖንዳ ኢያ ዬሊ̇ኖ ሜቲን ጋርታ̇ ኢያ ማ̈ዳ̇ንዳብ ፊልጲሱ̈ሳ ዎ̈ሳ ኬ̈ን ሚ̈ሺ̇ ኢ̈ብ ሚሺኖኮታ̇ቦ ጾ̈ሲ ኢሞ ጋ̈ንዳ̇ቦ። ኢ ጋልዳር ማ̈ቆ̇ ማ ኢንታ ጋልዳሬ ዱማ ዱማ ሜቶ ዬሊ̇ኖ ማ̈ቂ̇ናካሬ ኢንቲ̇ ኢ̈ጫካ̇ይ ሚ̈ን ኣማ̇ናባር ዶኣምፔ̈ን ኢንታ̇ ሚ̈ን̈ሬ። ኢንቲ ዉጫኬ ኬራፍ ኣሻ̇ሪ ዬሱስ ክርስቶ̈ሲ ፌ̈ና ዪርክ ዎቲኖንዲፌ̈ኒ ኢንታ̇ር ፌ̈ና ዪርክ ዎታምፔን ኮሺንቺ̇ ኢንታ̇ ቆፊሲኔ፤ ኢንቲ̇ ዬሱ̈ስ ክርስቶ̈ሳባራ ፔታ̇ን ማ̈ቃ̇ሪ ዲጚኖ ሼምፒ̇ንዳ ጾ̈ሳ̇ ኮሺቲምባር ኣማ̇ናባር ቤንቲ̇ኖ ባዝዶኬ ሂጋ̇ ና̈ጊን ቤንቲ̇ኖ ባዝ ጊዳካ̇ዬ ጋ̈ሪ ኢንታ̇ ቆፊሲ̈ሬ። ዬሱ̈ስ ክርስቶ̈ሳባራ ፔታ̇ን ማ̈ቃ̇ር ዶኢዝ ኣስ ዎይቦ ጾ̈ሲ ኢሚ̇ዝ ሳራቲኬ ኡፋይስ̇ ኢማ̇ዚንዶ ጻ̈ፊኔ። ዓና̇ ኪ̈ቲንዳ ዎይ̈ፖ ሺ ኡፋይስባዝ፣ ጎዳ̈ባር ኣማ̇ኒንታ̇ዚንዶ፣ ፔቲቲባዝኬ ኣማ̇ናባር ሚጛር ዶኢዝ ጎይ ሶ̈ላ̈ሬ። ዪኒ̇ ጋልዳ ጉጃ̇ሪ ጳውሎ̈ሲ ፊልጲሱ̈ሳ ዎ ኣማ̇ኒዝ ኣሳን ኢ ዎዛርፌ̈ን ካ̈ርኮ ሶ̈ሊ̈ሬ። ማጻ̈ፊን ጋርታ̇ ዎ ቆፋን ጌላ 1፡1-11 ጳውሎ̈ሳ ጋልዳ ዬሊ̇ኖ ባዝ 1፡12-26 ኣማ̇ኒኖ ኣሲ ዶኢዝ ዶኢ ሚሳ̇̈ሊ 1፡27-2፡18 ጢማ̈ቶሳኬ ኤጳ̈ፍሮዲ̈ጣባዝ ጳውሎ̈ሲ ቆፒ̇ኖ ቆፊ 2፡19-30 ኣማ̇ና ጎይን ኢጺ̇ዝ ኣሳን ጋልዳፖ ና̈ጊንቲ̇ዝ ጎይ 3፡1-4፡9 ጳውሎ̈ሲ ፊልጲሱ̈ሳ ዎ ኣማ̇ኒኖ ኣሳን ኣንጂ̇ኖ ኣንጃ̇ኬ ዞራክ 4፡10-20 ዉርሲ 4፡21-23 |