1 Amanyanapụ Sịkị Mịẹaye Ma 2 - Kịrịkẹnị Baịbụl

Juda Furo Ḅie Apụ Ma

¹ Jekọb ḅe oyimaịn owuapụ awọ fịnjị ọ̀ nwọ yimẹ: Rubẹnị, Simiọnị, Livaị, Juda, Ịsaka, Zẹbụlọnị,

² Danị, Josẹf, Bẹnjamin, Naftalaị, Gadị pịkị Asha ḅe na.

³ Juda ḅe sọnọ-a owuapụ awọ ọ̀ nwọ yimẹ. Tarọ Batshụa Kenan ḅọ ma ḅụlọ tẹrẹ-a owuapụ awọ ọ̀ nwọ yimẹ: Ẹr ḅe na, Onan ḅe na, pịkị Shẹla ḅe na. Oria tatarị owutọkụ Aẹ ḅe ọ̀ mịẹ sima gose Nyanaḅọ Ḅe ọ̀ ḅaamẹ.

⁴ Juda yaḅe, tarọ Tema ma ḅụlọ, Juda ḅe mama owuapụ awọ ọ̀ pịkị nwọ yimẹ, Pẹrẹz ḅe na Zira ḅe na.

⁵ Pẹrẹz ḅe mama owuapụ awọ ọ̀ nwọ yimẹ, Hẹzrọn ḅe na pịkị Hamul ḅe na.

⁶ Numbireowu Zira ḅe sọnọ-a owuapụ awọ ọ̀ nwọ yimẹ: Zimraị ḅe na, Itan ḅe na, Heman ḅe na, Kalkọl ḅe na, Dada ḅe na.

⁷ Ekan, Kamaị yaḅe, Zira furo ḅie apụma ḅie gbọrịḅọ-ẹ, ori opu ḅụfụka ọkịḅo Izrẹlapụma ọgọnọ gbanamẹ anị ọmụ ḅie ori ọfọịnḅo ayema ḅie ḅụ sime Tamụnọ Ḅe pịrịḅịaye ma ọ̀ nwọ ḅọịmẹ.

⁸ Itan ḅe gbọrị owutọkụ ọ̀ nwọ yimẹ anị Azaraịya ḅe-ẹ.

Amanyanaḅọ Devid Furo Mị

⁹ Hẹzrọn ḅe tẹrẹ-a owuapụ awọ ọ̀ nwọ yimẹ: Jiramịẹl ḅe na, Ram ḅe na, pịkị Kelẹb ḅe na.

¹⁰ Mịn Ram ḅe ḅụ ọkịmun Jẹsi ḅe la furo ọrụ mị-ẹ: Ram, Aminadab, Nashọn (Juda sẹ mị ḅie yelaḅọ ḅe),

¹¹ Salmọn, Boaz,

¹² Obẹd, pịkị Jẹsi ḅe na.

¹³ Jẹsi ḅe sọnọma owuapụ awọ ọ̀ nwọ yimẹ. Ini wẹrị jụmḅọ jụmḅọ nẹngị ḅaraḅụ: Ẹlaịab ḅe na, Abinadab ḅe na, Shama ḅe na,

¹⁴ Netanẹl ḅe na, Radaị ḅe na,

¹⁵ Ozẹm ḅe na, pịkị Devid ḅe na.

¹⁶ Ọ̀ pịkị mama eremeni awọ yimẹ, Zẹruaya ma na pịkị Abigẹl ma na. Jẹsi ḅa Zẹruaya ma tẹrẹ-a owuapụ awọ á nwọ yimẹ: Abishaị ḅe na, Joab ḅe na, pịkị Asahẹl ḅe na.

¹⁷ Ḅarọ Abigẹl ísí ḅọ ma, Jẹta ḅe árị na simemẹ, Ishmẹl furo ḅieḅọ ḅe, se gbọrị owutọkụ ini nwọ yimẹ oria ẹrẹ Amasa.

Hẹzrọn Furo Ḅie Apụ Ma

¹⁸ Hẹzrọn ya Kelẹb ḅe Azụba ma na simemẹ se gbọrị eremeni tọkụ nwọ yimẹ árịa ẹrẹ Jeriọt. Tẹrẹ-a owuapụ awọ á nwọ yimẹ: Jẹsha ḅe na, Shobab ḅe na, pịkị Adọn ḅe na.

¹⁹ Azụba ma fị ḅọrọ sịkị, Kelẹb ḅe Ẹfrat ma na simemẹ, se ini gbọrị owutọkụ nwọ yimẹ oria ẹrẹ Họ.

²⁰ Họ ya anị Uraị ḅe-ẹ, se yayo ḅe yi tọkụ ḅe anị Bẹzalẹl ḅe-ẹ.

²¹ Hẹzrọn ḅe ḅo kụra tesi nwọ lasịkị, Mekaḅa ma ọ̀ nwọ simemẹ, Giledị ḅe nụmbụrarọ ma. Ini gbọrị owutọkụ yimẹ oria ẹrẹ Sigọb,

²² se Sigọb ḅe pịkị gbọrị owutọkụ yimẹ oria ẹrẹ Jea. Jea ḅe Giledị pẹkẹrẹ mị ḅụ ọ̀ ḅẹrẹtọn sitẹrẹ-a opuama fịnjị nwọ pịrịmẹ.

²³ Ọkụma Gẹshọ na Eram na amanyanakiri ma anịju ama tesi ọmụ ḅie nwọ ọkịmẹ, pịkị Jea na Kinat na nyana ịwọamama na pịkị àrị na kpeki amama na se chụa. Anịju ḅụ anga apụ mamgba Meka furo ḅie apụ-ẹ, Giledị ḍaḅe.

²⁴ Hẹzrọn ḅe fị ḅọrọ sịkị, yayo Kelẹb ḅe Ẹfrat ma ọkị simemẹ, ḍawu fịsaḅọ ḅe tarọ ma. Ini gbọrị owutọkụ yimẹ oria ẹrẹ Ashọ, Tẹkoa ama mị pakụmaḅọ ḅe-ẹ.

Jiramịẹl Furo Ḅie Apụ Ma

²⁵ Jiramịẹl, Hẹzrọn tatarị tọkụ ḅe, sọnọ-a owuapụ awọ ọ̀ nwọ yimẹ: Ram ḅe anị tatarị tọkụ ḅe-ẹ, Buna ḅe na, Orẹn ḅe na, Ozẹm ḅe na, pịkị Ahaịja ḅe na.

^26-27 Ram ḅe tẹrẹ-a owuapụ awọ ọ̀ nwọ yimẹ: Meaz ḅe na, Jamin ḅe na, pịkị Ika ḅe na. Jiramịẹl ḅe ọ̀ pịkị jịn eremeniḅọ simemẹ, Atara nwọ chịnḅọ, se ini gbọrị owutọkụ yimẹ oria ẹrẹ Onam.

²⁸ Onam ḅe mama owuapụ awọ ọ̀ nwọ yimẹ, Shamaị ḅe na Jeda ḅe na, Shamaị ḅe pịkị mama owuapụ awọ nwọ yimẹ, Nedab ḅe na Abishọ ḅe na.

²⁹ Abishọ ḅe gbọrị eremeniḅọ ọ̀ nwọ simemẹ, árịa ẹrẹ Abihel, se ini mama owuapụ awọ nwọ yimẹ, Aban ḅe na Molid ḅe na.

³⁰ Abishọ numbireowu Nedab ḅe mama owuapụ awọ ọ̀ nwọ yimẹ, Silẹd ḅe na Apaịm ḅe na, ọkụma Silẹd ḅe awọ yika ḅụ ọ̀ fịmẹ.

³¹ Apaịm ḅe anị Ishaị ḍa ḅe-ẹ, Ishaị ḅe anị Shishan ḍa ḅe-ẹ, se Shishan ḅe anị Alaị ḍa ḅe-ẹ.

³² Jeda, Shamaị numbireowu ḅe, mama owuapụ awọ ọ̀ nwọ yimẹ, Jẹta ḅe na Jonatan ḅe na, ọkụma Jẹta ḅe awọ yika ḅụ ọ̀ fịmẹ.

³³ Jonatan ḅe mama owuapụ awọ ọ̀ nwọ yimẹ, Pilẹt ḅe na Zeza ḅe na. Mịna apụ mamgba Jiramịẹl furo ḅie apụ-ẹ.

³⁴ Shishan ḅe ori owuapụ awọ yikẹ, eremeni awọ kẹngẹ-ẹ. Gbọrị fịrịnwẹngị Ijiptḅọ ọ̀ nwọ nyanamẹ oria ẹrẹ Jaha,

³⁵ oria eremeni awọma ḅụ gbọrịḅọ ọ̀ nwọse Jaha ḅe pịrị se ori árị na simemẹ. Ini gbọrị owutọkụ yimẹ, oria ẹrẹ Ataị.

³⁶ Mịn Ataị ḅe ḅụ ọkịmun Ẹlishama ḅe la furo ọrụ mị-ẹ: Ataị, Netan, Zebad,

³⁷ Ẹflal, Obẹd,

³⁸ Jẹhu, Azaraịya,

³⁹ Hilẹz, Ẹliesa,

⁴⁰ Sismaị, Shalọm,

⁴¹ Jẹkamaya, pịkị Ẹlishama ḅe na.

Kelẹb Furo Ḅie Pakaḅo Jịn Apụ

⁴² Kelẹb tatarị owutọkụ Jiramịẹl numbireowu ḅe, oria ẹrẹ Mẹsha. Mẹsha ḅe Zif ḍa-ẹ, Zif ḅe Marẹsha ḍa-ẹ, Marẹsha ḅe anị Hibrọn ḍa ḅe-ẹ.

⁴³ Hibrọn ḅe inein-a owuapụ awọ ọ̀ nwọ yimẹ: Kora ḅe na, Tapua ḅe na, Rekẹm ḅe na, pịkị Shima ḅe na.

⁴⁴ Shima ḅe anị Reham ḍa-ẹ, ori anị pịkị Jọkeam opu ḍaḅọ ḅe-ẹ. Rekẹm, Shima numbireowu ḅe, anị Shamaị ḍa ḅe-ẹ,

⁴⁵ anị Meọn ḍa ḅe-ẹ, Meọn ḅe anị Bẹt Zọ ḍa ḅe-ẹ.

⁴⁶ Kelẹb ḅe gbọrị ịgwa eremeniḅọ simemẹ, árịa ẹrẹ Ifa, se ori á ḅụlọ ḅụ tẹrẹ-a owuapụ awọ yimẹ: Heran ḅe na, Moza ḅe na, pịkị Gezẹz ḅe na. Heran ḅe sọnị gbọrị owutọkụ ọ̀ nwọ yimẹ, oria ẹrẹ Gezẹz.

⁴⁷ (Jadaị nwọ chịn gbọrị owuḅọ sonio owuapụ awọ ọ̀ nwọ yimẹ: Rigẹm ḅe na, Jotam ḅe na, Gishan ḅe na, Pilẹt ḅe na, Ifa ḅe na, pịkị Sheaf ḅe na.)

⁴⁸ Kelẹb ḅe ọ̀ pịkị jịn ịgwa eremeniḅọ simemẹ, árịa ẹrẹ Meaka, mama owuapụ awọ á nwọ yi ọ̀ pịrịmẹ, Shiba ḅe na Tahana ḅe na.

⁴⁹ Ọḅụkọ á pịkị jịn mama owuapụ awọ yimẹ: Sheaf, anị Madmana ama mị pakụmaḅọ ḅe na; pịkị Shiva, anị Makbina na Gibia na amama pakụmaḅọ ḅe na. Anịḅe jịnye, Kelẹb ḅe gbọrị eremeni tọkụ ọ̀ pịkị nwọ yimẹ, árịa ẹrẹ Aksa.

⁵⁰ Mịna apụma sọnị Kelẹb furo ḅie apụ-ẹ. Họ ḅe anị Kelẹb ḅe na, tarọ Ẹfrat ma na inia tatarị owutọkụ-ẹ. Họ tọkụ Shobal ḅe anị Kiriat Jearim mị pakụmaye-ẹ,

⁵¹ oria maịn karama tọkụ Salma ḅe anị Bẹtlihẹm mị pakụmaye-ẹ, oria tẹrẹ karama tọkụ Herẹf ḅe pịkị Bẹt-Geda mị pakụmamẹ.

⁵² Shobal, Kiriat Jearim mị pakụmaḅọ ḅe, anị Haroẹ apụma inia olomu ḍaḅọ ḅe-ẹ, Mẹnuhọt mị ḅie anga apụma ḅụ gbọrị pẹkẹrẹ na,

⁵³ pịkị mà sẹma ḅie anga apụma na: Kiriat Jearim mị na, Itraị apụma na, Putaị apụma na, Shụmat apụma na, pịkị Mishraị apụma na. (Zora na Ẹshtaol na opuamama ḅie anga apụma na, mịna sẹma ḅie apụ-ẹ.)

⁵⁴ Salma, Bẹtlihẹm mị pakụmaḅọ ḅe, Nẹtofa apụma inia olomu ḍaḅọ-ẹ, Atrọt Bẹt Joab apụma na, pịkị Zoraị apụma na, ini ma Manahat mị ḅie sime mama sẹma ḅie gbọrị apụ-ẹ.

⁵⁵ (Mịna sẹma ḅie apụma anị ḍiri gịẹịn na, pịkị gịẹịn koroma ḍiri ḍiki gịẹịntẹịn apụ ma-ẹ Jabẹz ama mị ḅie ini angamẹ: anị Tirataị apụma na, Shimiataị apụma na pịkị Sukataị apụma na. Ini Kenaị apụ-ẹ, ini Rikab apụma na eresime gbolomamẹ.)