Nyuuth INTRO1 - RUAC KUƆTH IN RƐL RƆRiet in nhiam Ɛn nyuuth Jɔ̱ɔ̱n gɔ̱a̱rkɛ jɛ kɛ gua̱a̱th ëë ciaŋkɛ Krith-cini a jiäk kɛ kui̱ ŋäthädiɛn kɛ Yecu Kritho ala Kuäär. Kä min diir gɔ̱ɔ̱r buɔk ɛlɔ̱ŋ ɛ ɣöö bɛ nɛy tin bi bok kuɛn moc kɛ ŋa̱th kä bɛ kɛ com, kä bikɛ buɔ̱m rɛy ŋäthä kɛ gua̱a̱th cucä kɛnɛ ciaaŋ jiääk. Kä kɛ pek in dɔ̱ŋ ɛn bok ruacɛ kɛ nyuuthni ti gööl tin ca lat kɛ thok mi dëë liŋ ɛ Krith-cini tëë te ni̱ni tɔ̱tɔ̱. Duundɛ ɣöö bɛ ŋot ala mi gääy nɛy diaal tin kɔ̱ŋ. Kä kɛ ɣöö min ruac bok kɛ kui̱dɛ ce̱t ta̱a̱dɛ kɛ thom, ca jɛ luɔc nikä ti nyin ŋuan kɛ dup ti gööl tin ca nyuuth ni jɛ. Cäŋ ni min tëë kɛ cär ti gööl kɛ duɔ̱ɔ̱p in latkɛ ni luɔt buɔk ɛmɛ, ɛn min la luɔt kä min ruac bok kɛ kui̱dɛ jɔcɛ. Kɛ Kritho in la kuäär, bi Kuoth ji̱ tɛ̈rɛ joc kɛ jɛ kɛ jɔak, kä te Cɛy-tan rɛydiɛn. Kä bɛ ji̱ ŋäthädɛ moc kɛ puɔ̱th puɔ̱ɔ̱rä mi pay tuɔɔk kɛnɛ piny mi pay tuɔɔk mi wä juc ɛmɔ wä thuɔ̱k. Tin te rɛy buɔk 1. Riet in nhiam 1:1-8 2. Nyuuth in nhiam kɛnɛ warɛgakni kɛ kui̱ duëli Kuɔth da̱ŋ bärɔw 1:9—3:22 3. Ko̱l gɔ̱rä kɛnɛ di̱i̱li da̱ŋ bärɔw 4:1—8:1 4. Kaaŋni da̱ŋ bärɔw 8:2—11:19 5. Nyaŋ bäpdiit kɛnɛ ley da̱ŋ rɛw 12:1—13:18 6. Nyuuthni tin kɔŋ 14:1—15:8 7. Took gaak Kuɔth da̱ŋ bärɔw 16:1-21 8. Da̱k Bɛ̈-bi-lɔn kɛnɛ juc lɛ̱̈ɛ̱̈ kɛnɛ gök ka̱a̱cni kɛ Gua̱n jiäkni 17:1—20:10 9. Luk in jɔak 20:11-15 10. Nhial in pay tuɔɔk kɛnɛ piny in pay tuɔɔk kɛ Jɛ-ru-tha-lɛm in pay tuɔɔk 21:1—22:5 11. Guk ruac 22:6-21 |
Nuer Bible © Bible Society in South Sudan 1998,2012.
Bible Society in South Sudan