ಫಿಲಿಪ್ಪಿ 2 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹ ಕ್ರಿಸ್ತಕ್ಹು ಪ್ರೊತ್ಸಾಹ, ಮಯಾ,ಸಮಾಧಾನ,ಪವಿತ್ರತ್ಮಾನಿ ಅನ್ಯುನತೆ, ಮರಗಾ ಹುಟಸ.

² ತಮ್ಮೆ ಕ್ಹಾರಾ ಯಕ್ಕ ಮನಸಕ್ಹು, ಯಕ್ಕ ಮಯಾಕ್ಹು, ಅನ್ಯೊನ್ಯತೆ ಥಯಲ ವಾಲಾ ವರಿ ಯಕ್ಕ ಗುರಿಕ್ಹು ಮಾರಾ ಕ್ಹುಶಿನೆ ಪುರಾ ಕರೊ.

³ ಕ್ಹುದನಾ ಹುತಿ ರ‍್ಹೈನೆಕಾ, ಮಿ ವ್ಹೈ ಕೈನ ಕವೈಲಿವಾನು ಕೈಯುಜ ಕರೆವಾಚಿ ಹರ ಯಕ್ಲೊ ಚೊ಼ಕಾ ಮನಸಕ್ಹು ಬಿಜೆಕ್ಲಾನೆ ತಿತಿಬಿ ಚೊ಼ಕೊ ವ್ಹೈ ಕೈನ ಕವಾದೆ.

⁴ ತಮಾರಾಮ್ಮಾ ಹರಯಕ್ಲೊ ಕ್ಹುದಾಹುತಿ ದೆಕಿಲಿದೆ ವಾಚಿ ಬಿಜಾ಼ನಾಹುತಿ ಬಿ ದೆಕಾದೆ.

⁵ ಕ್ರಿಸ್ತ ಯೆಸಲಿಂಗತ ತಮಾರುಬಿ ಮನಸ ರ‍್ಹವಾದೆ.

⁶ ತೆ ಕ್ಹುದಾನಾನಿಂಗ ರ‍್ಹಯೊ ತಬಿ ವರಿಬಿ ಕ್ಹುದಾನೆ ಹೊಲಸಾನೆ ತೆ ವಿಚಾರ ಕರ‍್ಯೊನೈ.

⁷ ತಿನಾಕ್ಹು ತೆ ತಗಸಿಲಿನ ಆಳನಿಂಗ ರ‍್ಹೈನ ಮನಕ್ಹನೆ ಸಮಾನ ಥಯೊ. ಮನಕ್ಹನಾ ರುಪನಿಂತ ದಿಕ್ಹೊ.

⁸ ತೆ ತಿನಾಕ್ಹು ತಗಿಸಿಲಿನ ಮೌತನೆ ಕದ್ಯಾಮ ಶಿಲೆಬಿನಿ ಮೌತ ರ‍್ಹೈನೆಕಾ ಒಪ್ಪಿಲಿವಾನಾಕ್ಲೊ ವಿದೆ ಥಯೊ.

⁹ ಇನಾಹುತಿ ಕ್ಹುದಾ ತಿನೆ ಘನಿ ಮ್ಹೊಟಿ ಸ್ಥಾನ ದಿನ ಕ್ಹಾರಾ ನಾಮ್ಮತಿ ಶ್ರೆಷ್ಠನಾಮ್ಮ ತಿನೆ ದಿದ್ಯೊ.

¹⁰ ತಿನಾಹುತಿ ಸ್ವರ್ಗಮ್ಮಾ ಜಿಮಿನ ಪರ ಪಾತಾಳಮಾ ರ‍್ಹಹೆಲವಾಲಾ ಯೆಸುನಾ ನಾಮ್ಮಪರ ಉಂದಾಘುಡಗಾ ಘಾಲಿನ ಅಡ್ಡ ಪಡಿನ

¹¹ ಬಾ ಥಯಲ ಕ್ಹುದಾನಿ ಮಹಿಮಾನಾ ಹುತಿ ಹರಯಕ್ಕ ಜಿಬಬಿ ಯೆಸು ಕ್ರಿಸ್ತನೆ ಕರ್ತಾ ವ್ಹೈ ಕೈನ ತಿಳದಿಲಿವಾನು.

¹² ತಿಮ್ಮ ರ‍್ಹಯಲಕ್ಹು ಮಾರಾ ಮಯಾನಾ ತಮ್ಮೆ ಮಾರಾ ವಾತೊ ಹಮೆಶಾಬಿ ಪಾಲನೆ ಕರಲ ಲಿಂಗತ ಹಮ್ನಾಬಿ ಪಾಲನೆ ಕರೊ. ಮಿ ತಮಾರಾ ಕ್ಹಾತೆ ರ‍್ಹತ್ತಾಮ್ಮಾ ಯಕ್ಕ ನೈಸೊ, ಮಿ ನೈಸೊ ಟೆಮ್ಮಾ ಘನಿ ಭಕ್ಹು ಕಾಪಾಲಾ ಥೈನ ತಮಾರಾ ತಮಾರಾ ರಕ್ಷಣೆ ಕರಲಿಯೊ.

¹³ ಕಾಕದ್ಯಾಮ್ಮಾ ಕ್ಹುದಾ ದೆಕಾಡಲ ಜ ಪುರಾ ಕರು ಕೈನ ತುಮೊಮ್ಮಾ ಉದ್ದೆಶ ವರಿ ಕೊಶಿಶ ಹುಟಸಾಲೊ ಥಯೊಸ.

¹⁴ ಗುಣೆಗುಟೆವಾಚಿ ವಿವಾದ ರ‍್ಹಹೆ ವಾಚಿ ಕ್ಹಾರು ಕರೊ.

¹⁵ ಇಮ್ಮ ತುಮೆ ತಪ್ಪ ನೈಸೊವಾಲಾ ವರಿ ಯಕ್ಕಜ಼ ಮನಸ್ಸವಾಲಾ ಥೈನ ವಾಕಿ ಗ್ಯಾನ ಪಿಸಾಳಾವೊನಿ ಜಾತನಿ ವಚಮ್ಮಾ ಕ್ಹುದಾನಾ ತಪ್ಪ ನೈಸೊವಾಲಾ ಬಚ್ಚಾ ಥಾವೊಶಿ.

¹⁶ ತ್ಯುನೊಮ್ಮಾ ತಮ್ಮೆಬಿಜಾ಼ವೊನೆ ಜ಼ಲಮ್ಮ ದಿವಾನಿ ವಾಕ್ಯ ದೆಕಾಡಿನ ದಿವಾನಾಹುತಿ ದುನಿಯಾಮ್ಮಾ ಚಮ್ಮಕಾವಾಲಾ ಚುಕಿಯೊ ಥಾವೊಶಿ. ತಮ್ಮೆ ಅಮ್ಮ ಚಾಲ್ಯಾಮ್ಮ ಮಿ ಸುವಾರ್ತೆನಾ ಹುತಿ ನ್ಹಾಟಲ ಲುಕ್ಸಾನ ಥಾತುನೈ ಮಿ ಪ್ರಯಾಸ ಕರಲ ಹಾಳ ನೈ ಥಾತು ಕವಾನು ಕಲಿವಾನು ಕ್ರಿಸ್ತನಾ ದಿನೊಮ್ಮಾ ಮನೆ ಮಳಸ.

¹⁷ ತಮಾರೊ ಭರೊಕ್ಹೊ ಕವಾನು ಯಜ್ಞ ಕ್ಹುದಾನೆ ಚ಼ಡಾವಾನು ಸೆವಾಮ್ಮಾ ಮಿಜ಼ ಬಲಿಥೈನ ಅರ್ಪಿತ ಥೈವು ಕೈನ ಮನೆ ಖುಶಿ ವ್ಹೈ,ತಮಾರಾ ಕ್ಹಾತೆಬಿ ಷಿ ಕರುಸ,

¹⁸ ತಿಮ್ಮಜ಼ ತಮೆಬಿ ಖುಶಿ ಕರೊ, ಮಾರಾ ಕ್ಹಾತೆ ಖುಶಿ ಕರೊ.

¹⁹ ತಿನಾಹುತಿ ಮಿ ತಿಮೊಥಿನೆ ಜಲದಿಜ ತಮನೊಕನ ವಳೌ ಕೈನ ಕರ್ತಾ ಥಯಲ ಯೆಸುಮ್ಮಾ ಮಾಂಗಿಲ್ಯುಸ. ತಿನಾ ಮುಖಾಂತರ ತಮಾರ ಸಂಗತಿಯೊ ತಿಳ್ದಿನ ಮಿ ಆದರಣೆ ವ್ಹಂದ್ಯೊ.

²⁰ ತಿನಾಲಿಂಗತ ತುಮಾರಾ ಕಾಮೊನಾ ಹುತಿ ಕ್ಹರಿಕ್ಹು ಚಿಂತಾಕರಾಲಾ ಮಾರಾ ಕ್ಹಾತೆ ಕುನಜ ನತ್ತಿ.

²¹ ಕ್ಹಾರಾಜ಼ನಾ ತ್ಯುನಾಕಾಮ್ಮಾ ಮನಸ ಮ್ಹೆಲಸ ಹೊರತ್ತಾಗಿ ಯೆಸು ಕ್ರಿಸ್ತನಾ ಕಾಮ್ಮಪರ ಮನಸ ನೈಮ್ಹೆಲತ್ತಾ.

²² ತಿನಾಹುತಿ ತಿಮೊಥಿನಾ ಯೊಗ್ಯತೆನೆ ತಮೆ ತಿಳದಿಲಿದ್ಯಾಸು. ದಿಕ್ರೊ ಬಾಪನೆ ಕಿಮಜ ತಮ್ಮಜ ತೆ ಮಾರಾ ಕ್ಹಾತೆ ಸುವಾರ್ತಾ ಪೈಲಾವಾನೆ ಸೆವೆ ಕರಾಡ್ಯೊಸ ಕೈನ ತಮನೊನೆ ಗೊತ್ತ ಛೆ.

²³ ತಿನಾಹುತಿ ಮಾರು ವಿಚಾರ ಕಿಮಥಾವಸ ಕೈನ ತೆ ಗೊತ್ತ ಥಯಲ ಪರ ತಿನೆ ವಳಾವಾನೆ ವಿಚಾರ ಕರುಸ.

²⁴ ತೆನೈಸೊ ಮಿಬಿ ಜಲದಿಜ ಔಸ ಕೈನ ಕರ್ತಾ ಪರ ಘನೊ ಭರೊಕ್ಹೊ ಮ್ಹೆಲೊಸ.

²⁵ ಮಾರು ಕಮಿ ನಿಗಾನೆ ತಮ್ಮೆ ವಳಾಯೆಲ ಮಾರಾ ಭಾಯೊ ಮಾರಾ ಕ್ಹಾತೆ ರ‍್ಹಯಲ ಸೆವಕೊ ಸಹಸೆನಾನಿ ಥಯಲ ಎಪಫ್ರೊದಿತನೆ ತಮನೊ ಕನ ವಳಾವಾನು ಅವಶಕ್ಯ ವ್ಹೈ ಕೈನ ಮಿ ವಿಚಾರ ಕರ‍್ಯೊಸ.

²⁶ ತೆ ತಮಾರಾ ಹುತಿ ಮಾಯಾ ಕರಾಡೊತೊ ವರಿ ತೆಬಿ ಅರಾಮ ನೈರ್‍ಹಯಲ ಸುದ್ದಿ ತಮೆ ಐಕೆಲಕ್ಹು ತೆ ದುಖ ಕರಲಿದ್ಯೊ.

²⁷ ತೆ ರೊಗಮ್ಮಾ ಪಡಿನ ಮಾರಾನೊ ವ್ಹತ್ತೊಸು ಕೈನ ಕ್ಹರಿಜ ವೈಸು, ತಿನಾಹುತಿ ಕ್ಹುದಾ ತಿನೆ ಮರಿಗ್ಯೊ. ತಿನೆ ಯಕ್ಕಜ಼ ನೈ ಮನೆಬಿ ದುಖ ರೌನೈಸೊ ಮರಗ್ಯೊ.

²⁸ ತಿನಾಹುತಿ ತಮೆ ತಿನೆ ದೆಕಿನ ಫರಿನ ಖುಶಿ ಕರು ಕೈನ ಮಾರು ದುಖ ಕಮ್ಮ ಥೌ ಕೈನ ಮಿ ತಿನೆ ಘನೊ ಗಡಬಡಕ್ಹು ವಳಾಯೊ.

²⁹ ತಿಮ್ಮ ರ‍್ಹತ್ತಾಮ್ಮಾ ತಮೆ ಮನೆ ಕರಾನು ಕಾಳಜಿಮ್ಮಾ ಕಮಿ ಭರಾನೆ ತೆ ಜ಼ಲಮ್ಮನು ಆಸ ಛೊಡಿನ ಕ್ರಿಸ್ತನಾ ಸೆವೆನಾ ಹುತಿ ಮಾರಾನಾ ಸ್ಥಿತಿಮ್ಮಾ ರ‍್ಹತ್ತಾಮ್ಮಾ ತಮ್ಮೆ ತಿನೆ ಪುರಾ ಖುಶಿಕ್ಹು ಕರ್ತಾನಾ ಪರ ಮಳೆಲಿಯೊ ತೆವಾವೊನೆ ಮರಿಯಾದಿ ವೈವಾಲಾ ಕೈನ ಮೊಜೊ.

³⁰ ತೆ ಕ್ರಿಸ್ತನಾ ಕಾಮನಾ ಹುತಿ