ಪಿಲಿಪ್ಪಿ INTRO1 - ದೆವಾಚಿ ಖರಿ ಕಬರ್ ನವಾ ಕರಾರ್ವಳಕ್ ಪಿಲಿಪ್ಪಿತ್‌ಲ್ಯಾನಾ ಲಿವ್‌ಲ್ಯಾಲ್ಯಾ ಪತರ‍್ಯಾಚಿ ವಳಕ್ ಪೌಲಾನಿ ಕ್ರಿಸ್ತ ಜ಼ಲಾಮಲ್ಯಾ ನಂತರ್ ಲ ಕರುನ್ 61 ವರ್ಸಾತ್ ಹ್ಯ ಪತ್ರ ಪಿಲಿಪ್ಪಿ ನಗರಾತ್‌ಲ್ಯಾ ಇಸ್ವಾಸಿನಾ ಲಿವ್‌ಲ್ಯಾ, ಹ್ಯಾ ಯಳಾತ್ ತ್ಯೊ ಲ ಕರುನ್ ರೊಮಾಚಾ ತುರುಂಗಾತ್ ಹುತ್ತಾ 1:13 ಹ್ಯ ಪತ್ರ ಪಿಲಿಪ್ಪಿ ಪೆಠತ್ ಆಸ್‌ಲ್ಯಾಲೆ ಸಭೆಲಾ ಲಿವ್‌ಲ್ಯಾ. ಅಪೊಸ್ತಲಾಚಾ ಪುಸ್ತಕಾತ್ ಪಿಲಿಪ್ಪಿಚೆ ಗುಶ್ಟಿತ್ ಆಮಿ ಥೊಡ್ಯಾ ಗುಶ್ಟಿ ಸಿಕ್ವಾವ ಪಿಲಿಪ್ಪಿ ಪ್ಯಾಟ್ ಮೆಕೆದೊನ್ಯಾ ಪ್ರಾಂತ್ಯಾಚಿ ರಾಜ್ಧಾನಿ ಜಾ಼ಲ್ಥಿ. ಹಿ ಸಭಾ ಮೆಕೆದೊನ್ಯಾತ್ ಬ್ಯಾಂದ್‌ಲ್ಯಾಲಿ ಪೈಲಿ ಸಭೆ ಜಾ಼ಲ್ಥಿ. ಪೌಲಾನಿ ಆನಿ ಸಿಲಾನಿ ಹಿ ಸಬಾ ಸರ್ವಾತ್ ಕಿಲಿ ಆನಿ ತಿಥ ಆಸ್ಥಾನಾ ಯಕ್ ರ‍್ಯಾತ್ ತುರುಂಗಾತ್ ಥೆವ್ಲ ಹುತ್ತ.ಅಪೊಸ್ತಲ್ 16 ಹ್ಯ ಪತ್ರ ಲಿವಾಯಾ ಪೌಲಾಚ಼ ಖುಬ್ ಉದ್ದೆಸ್ ಆಸ್ಥಿಲ. ತ್ಯನಿ ಹ್ಯೊ ಅವ್ಕಾಸ್ ಆಮಿ ತುರುಂಗಾತ್ ಹಾವ್ ಮನ್ಹುನ್ ಐಕುನ್ ತ್ಯಂಚಾನಿ ಲಾವುನ್ ದಿಲ್ಯಾಲ್ಯಾ ಬಹುಮಾನಾಸಾಟಿ ಸಬೆಲಾ ದನ್ಯವಾದ್ ಸಾಂಗಾಯಾ ವಾಫರ್ತೊ 4:10-19 ತ್ಯೊ ತುರುಂಗಾತ್ ಆಸ್‌ಲ್ಯಾಲೆ ಆಪ್ಲೆ ಪರಸ್ಥಿತಿ ಲಿವ್ತೊ ಆನಿ ತಿಮೊಥೆ ಆನಿ ಎಪಪ್ರೊದಿತಾಚಿ ಸಬೆಲಾ ವಳಕ್ ಕರ್ತೊ 2:19-30ಆನಿ ತೀ ತ್ಯನಾ ವವ್ಯಾಳಾಯಾ ಆನಿ ತ್ಯಂಚಾ ಫುಡಾರಿ ಫನಾಲಾ ಮರ‍್ಯಾದ್ ದಿಯಾ ಶಾರ್ಕ ಕೆಲ. ಪಿಠಿಕೆ 1. ಪೌಲ್ ಪಿಲಿಪ್ಪಿ ಸಬೆಲಾ ನಮಸ್ಕಾರ್ ಕರಿತ್ ಪತ್ರ ಸುರು ಕರ್ತೊ 1:1-2 2. ಮಂಗ್ ತ್ಯೊ ಆಪ್ಲೆ ಪರಸ್ಥಿತಿಚೆ ಗುಶ್ಟಿತ್ ಥುಡಿ ಬಾತ್ನಿ ಸಾಂಗ್ತೊ ಆನಿ ತ್ಯಲಾ ಆಸ್‌ಲ್ಯಾಲೆ ಥೊಡೆ ಕ್ಯಾಳ್ಜಿಚೆ ಗುಶ್ಟಿತ್ ಸಾಂಗ್ತೊ1:3—2:30 3. ಮಂಗ್ ತ್ಯೊ ಕ್ರಿಸ್ತಾಚಾ಼ ಜೀವ್ನಾ ಕರಾಯಾ ಖುಬ್ ಕಾಮಾಚಾ ವಾಟಂಚಿ ಸುಸ್ನಾ ದೆತೊ3:1—4:9 4. ಪೌಲ್ ಪಿಲಿಪ್ಪಿ ಸಬೆಲಾ ತ್ಯನಿ ಲಾವುನ್ ದಿಲ್ಯಾಲ್ಯಾ ಬೊಮಾನಾಸಾಟಿ ದನ್ಯವಾದ್ ಸಾಂಗುನ್ ಆಪ್ಲ ನಮಸ್ಕಾರ್ ಸಾಂಗಿತ್ ಪತ್ರ ಸುಪಿವ್ತೊ4:10-23 |
The New Testament in Gowli Marathi Language © The Word for the World International and Gowli Marathi Translation Samiti, Karnataka, 2023.