परिचय
फिलिप्पियो नी पत्रीक लिखने वाळो प्रेरित पौलुस छे। आरू यी पत्री ईशु मसीह क जनम क बाद 61 साल बाद लिखी गय आरू यी पत्री फिलिप्पियो मा रयने वाळा विश्वासी लिखी गय जव पौलुस रोम जेलखाना मा बंद हुतो 1:13 यी पत्री उना मंडळी क लिखी गय जो फिलिप्पियो शहर मा हुती आरू फिलिप्पियो न बारा मा हामु प्रेरितन नी पत्री मा थुड़ोक देखजे। आरू मकिदूनिया प्रांतन न फिलिप्पियो शहर न राजधानी हुती आरू यी मंडळी मकिदूनिया न प्रांतन न पेहली मंडळी हुती, इनी मंडळी क पौलुस आरू सिलास दूय मेळीन शुरू करीया जव पौलुस फिलिप्पियो मा हुतो आरू तव उन दुय न क रात भर जेलखाना मा रयनो पड़ियो। प्रेरितन 16
पौलुस न यी पत्री घण कामकी हुती, जव पौलुस जेलखाना मा हुतो आरू तव त्या लोगहन उको दान ली मोकलिया ओका जुगु त्यो धन्यवाद करे 4:10-19 जेलखाना मा ओकी हालत कसी छे यो देखाड़ने करीन आरू तीमुथियुस आरू इपफ्रूदीस क बारा मा देखाड़े काहकि त्या ओगा जाईन उन दुय क आव भाव करे आरू त्यान पुढारीपन क मान लेय। 2:19-30
रूप रेखा
1. फिलिप्पियो नी मंडळी क नमस्कार करीन पौलुस इनी क शुरू करे। 1:1-2
2. पौलुस ओकी हालत आरू समस्या न बारा मा देखाड़े। 1:3–2:30
3. पौलुस विश्वासी जीवन कसो जीवनो आरू कसो चालनो ओका बारा मा देखाड़े। 3:1–4:9
4. त्यो धन्यवाद दीन इनी पत्री क खतम करे। 4:10-23
