હિબ્રૂ 3 - परमेश्वरन सत्य वचन नवलो नियम

ईशु मूसा छे श्रेष्ठ

¹ अतरान करीन हे चुखलो भाईस्यो, तुमू जो सोरगदूतीय बुलाहट मा भागी होय, ओको प्रेरित आरू डाहला पुजारा ईशु पर जिनाक पछतावो करता छे, ध्यान करू।

² वो आपने नियुक्त करनेवाळान करता विश्वासयोग्य हुता, जोसो मूसा भी यहोवा–भगवानन सब घर मा हुता।

³ काहकि ईशु मूसा छे ओतरो बढ़ीन महिमान योग्य समझ गया छे, जोतरा घर क बनावनेवावा घर छे बढ़ीन विजुत राखता छे।

⁴ काहकि हर एक घर क काही नी काही बनावनेवावा हुयसे छे, पर जो सब काही बनाड़े वो यहोवा–भगवान छे।

⁵ मूसा तो यहोवा–भगवानन सब घर मा सेवकन समान विश्वासयोग्य रया कि जिन वातन वर्णन हुयने वालो हुता, तीन्दरी गवा देय।

⁶ पुन मसीह पोर्‍या समान यहोवा–भगवान क घर क हक छे; आरू उना क घर हामु छे, यदि हामु साहस पर आरू आपसी आश डाहळाय पर आखरी तक दृढ़ता छे स्थिर रोवे।

विन भुरसीया क चेतावनी

⁷ शेवली कावा जोसो चुखलो आत्मा कयता छे, “यदि आज तुमू तेरो ओवाज सोमवु।”

⁸ तो आपसा मन मा वातड़ो नी करो, जोसो कि रीस देवाड़ेन टेहाव आरू परीक्षा क दाहडु जंगल मा कर्‍या हुता।

⁹ वा तुमरे बाबदादा ने मखे हेरीन पारखने आरू चावीस साल तक मारा काम देखने।

¹⁰ इनीये कारण हाव ओको टेहाव क मानसे छे रीसवाला रया, आरू कयो, “इन्दरा मन सदा भटकता रयता छे, आरू त्या लोगहन मारो मार्ग क नी उवखता।”

¹¹ तव हाव ने रीस मा आवीन शपथ खादु, “वो मारो विश्राम मा भरायने करने नी देखछे।”

¹² हे भाईस्यो, चोकचौळीया रवु कि तुमू मा ओसो बुरो आरू विनभुरसा मन होय, जो तुमूक जीवता यहोवा–भगवान छे दूर हटाय ली जाय।

¹³ वरना जिना दाहड़े तक आज क दाहडु कयो जाता छे, हर दाहड़े एक दिसरा क समझता रया, ओसो नी होय कि तुमू मा छे काही जन पाप क छव मा आवीन वातड़ो होय जाय।

¹⁴ काहकि हामु मसीहन भागीदार होया छे, यदि हामु आपनो पेहलो विश्वास पर आखरी तक दृढ़ता छे स्थिर रोवे।

¹⁵ जोसो कयो जाता छे, “यदि आज तुमू ऐरो ओवाज सोमवु, तो आपने मनन वातड़ो नी करू, जोसो कि रीस देवाड़ने क टेहाव कर्‍या हुता।”

¹⁶ भला कुनीछे मानसे ने सोमवीन भी रीस देवाड्या? काय उन सब ने नी, जो मूसा क द्वारा मिस्र छे निकवता हुता?

¹⁷ आरू वो चावीस साल तक काहना मानसे छे रीसवाला रया? काय इनु छे नी जे पाप कर्‍या, आरू इन्दरो शव जंगल मा पड़ी रोवे?

¹⁸ आरू त्यो कुनीछे शपथ खादी कि तुमू मारे विश्राम मा भरायने करने नी देखछे? काय केवल इनु सी नी जी हुकुम नी मानी?

¹⁹ शेवली कावा हामु देखता छे कि वो विनभुरसा कारण भरायने नी कर सके।