इफिसियो 3 - परमेश्वरन सत्य वचन नवलो नियम

नियम या विश्वास

¹ इना कारण हांव पौलुस जो तुमरे मा गैरयहुदी क करता ईशु क बन्दी छे

² जत्यार कदाम तुमू यहोवा–भगवान न तिना फोकटन दया क तयारी क खुश खबर सुन्या होय, जो तुमरे सियन मोखे दियों गयो।

³ पर यो कि चो भेद म्हार पर प्रकाश न लारे देखाय पड़्यो, जोसो हाव पेहल संक्षेप्त मा त्योकयों छे।

⁴ जेकामा तुमू भणिन जान जावो कि हाव मसीह क वो भेद काँ तक समझाड़ों।

⁵ जो दिसरा टेहाव मा मानुस न अवलियाद क ओसो देखाड़ियाँ, जोसो कि आत्मा न लारे हीमि तेरा चुखलो नेवताळा आरू अगवायती वात दिसरा लोगहन पर देखाड़ी गयों छे

⁶ पर यो कि मसीह ईशु मा खुश खबर न लारे गैरयहुदी न लोगहन विरासत मा साजलीया, आरू एकुज डीलन प्रतिज्ञा क भागी छे।

⁷ आरू हाव यहोवा–भगवान क फोकटन दया क तिना दान न लारे, जो शक्ति क शक्ति न लारे मोखे दियो गयों छे। तीन खुश खबर सेवक बना।

⁸ म्हार पर जो आखा चुखलो लोगहन मा सी नाना मा भी मानो छे, यो फोकटन दया हुयो कि हाव गैरयहुदी क मसीह क विनदेखियो धन क खुश खबर सुनावों,

⁹ आरू आखा पर यी वात प्रकाशित करो कि तिना भेद क तयारी काय छे, जो आखा क बनावने वाळा यहोवा–भगवान मा शुरू छे सातायलो हूतो।

¹⁰ कि हीमि मंडळी न लारे, यहोवा–भगवान क अलग अलग भातिन गियान, तिनु मुखिया पर आरू आधिकारिया पर, जो सोरग धरती पर छे प्रगट करे।

¹¹ तिनी सनातन कि मनसा न लारे जो वो हामरा पोरबु मसीह ईशु मा करलो हूतों।

¹² जिना मा हामुक तिना पर विश्वास राखने छे हेमोत् आरू भुरसा छे साते आवने क होंक छे।

¹³ एका करता हाव रावन्या करतो छे जो दुःख तुमरे जुगे मोखे होय रयो, ओको कारण हेमोत् नीहि छुड़जू, काहकि तिनाम तुमरी महिमा छे।

¹⁴ हाव इना कारण छे तिना बास न ओगळ घुटना टेको,

¹⁵ जिना छे सोरगदूत आरू धरती पर, आखी भातिन घराना पर नाव हावलतो छे,

¹⁶ कि चो आपसी महिमा न धन क अनसारे तमुक यो दान देय कि तुमू ओकी आत्मा छे तुमरा माहयता मानुस मा शक्ति क लिन ताकत वाळा हुयसे जावो,

¹⁷ आरू विश्वास न लारे मसीह तुमरा दिल मा बछे कि तुमू मोंग मा मूळ धरीन आरू निंव नाखीन,

¹⁸ आखा चुखलो लोगहन क सात वारू रीतेन समझने कि शक्ति लेय; कि ओकी चवड़ाय, आरू नांबाय, आरू उचाई, कतरी छे।

¹⁹ आरू मसीह क तिना मोंग क जान सकु जो गियान छे बाहर छे कि तुमू यहोवा–भगवान कि आखी भरपुरी तक पाका होय जावु।

²⁰ हीमि जो ओसो सामर्थी छे, कि हामरी विनता आरू समझ छे भी जादा काम कर सकतों छे, तिना शक्ति क अनसारे जो हामरे मा काम करे,

²¹ मंडळी मा, मसीह ईशु मा, ओकी महिमा पीढ़ी छे पीढी तक सदा होयती रोवे। आमेन।