इफिसियो 1 - परमेश्वरन सत्य वचन नवलो नियम

¹ पौलुस न तरफ सी जो ईशु मसीह क कागळीयो छे तिनु चुखलो आरू मसीह ईशु मा विश्वास मानसे क नाव जो इफिसुस मा छे

² हामरा पिता यहोवा–भगवान आरू पोरबु ईशु मसीह कि तरप छे तुमके दया आरू शांती जोड़ती रये।

मसीह मा आत्मिक बरकत

³ हामरा पोरबु ईशु क आरू यहोवा–भगवान आरू पिता क धन्यवाद हुयो कि वाँ हामुक मसीह मा सोरग न धरती मा आखी भातिन बरकत दीयों छे।

⁴ जोसो त्यो हामुक जगत न उबजने छे पेहल मोंग सी हामुक तिनाम निवाड़ लेदो कि हामु ओकी नजर मा त्योखो आरू निर्दोष हो।

⁵ आरू मोंग मा वो आपसी मरजी क भले मेहनत क लारे हामुक आपसा जुगे पेहल सी ठहरावलो कि ईशु मसीह क द्वारा हामु ओको लेपालक बेटा होयजे,

⁶ जो आपसा एक खुळिया पोर्‍यान क लारे कि ओको तिनी दयान महिमा कि बढ़ाई होय, जिनाक वो हामुक आपसा पोर्‍या मोंग क द्बारा फुकट मा दिदो।

⁷ हामुक तिनामा ओको लुहूय यो क द्वारा छुटकारू, मतलब गुणान कि माफी ओको तिनी दया क धन क अनसारे मिल्यो छे,

⁸ जिनाक वो पुरे गियान आरू समझ क सात हामु पर घोणा करियों।

⁹ काहकि वो आपसी मरजी क भेद तिना भला मेहनत क अनसारे बताड़्यों, जिनाक वो आपसा मा ठान लेदो हूतो।

¹⁰ कि टेम क पुरो हुयने क ओसो तयारी हुयो कि जो काय सोरगदूत मा छव आरू जो काय धरती पर छे, आखो काय तौ मसीह मा एखटो करे।

¹¹ तिना मा जोकाम हामु भी ओकी मनसा छे जो आपसी मरजी क मत क अनसारे सब काय करतो छे, पेहल सी ठहरायो जाईन मीरास बने।

¹² की हामु, जिनने पेहल सी मसीह पर आश राखला हुता, ओकी महिमा कि बढ़ाई क कारण हुयो।

¹³ आरू तिना मा तुमरे पर भी जव तुमू सच वचन सुन्या जो तुमरे छुटकारा क खुश खबर छे आरू जिना पर तुमू विश्वास करिया, वायदो करला चुखली आत्मा क छापो लाग्या।

¹⁴ वो उका मुववी लेदला क छुटकारू क सिएन हामरी मीरास क बनायों छे, कि ओकी महिमा की बढ़ाई हुयो।

पौलुस की प्रार्थना

¹⁵ इना कारण, हाव भी तिना मा मोंग आरू विश्वास क खबर समवीन जो तुम लोगहन मा पोरबु ईशु पर छे आरू आखा चुखलो लोगहन पर देखाये,

¹⁶ तुमरे जुगे धन्यवाद करनो नीहि छुड़ो आरू मारी प्रार्थना मा तुमूके फोम करिया करो

¹⁷ कि हामरा पोरबु ईशु मसीह क यहोवा–भगवान जो महिमा क बास छे, तुममक आपसी उळखन मा गियान आरू प्रकाश कि आत्मा आपे,

¹⁸ आरू तुमरा मन न डुवा विजावो हुयो कि तुमू जान लेदो कि ओकी बुलावने की आश काय छे, आरू चुखलो लोगहन मा ओकी मीरास की महिमा क धन कसो छे,

¹⁹ आरू ओकी शक्ति हामरे मा जो विश्वास करता छे, कतरी मोटी छे, ओकी शक्ति क शक्ति क तिना काम क अनसारे

²⁰ जो वो मसीह मा कर्‍यो कि उको मरला मा सी जीवाड़िन सोरग धरती मा आपसे जेवड़े तरफ

²¹ आखी भातिन प्रधानता हक आरू शक्ति, आरू पोरबुता क आरू आखा नाव क उपर जो नी ते इना धरती मा पर आवने वाळा धरती मा भी लेदो जाछे, बठाड़्यों;

²² आरू आखो काय ओको पाय तळे कर दियों; आरू ओको आखी चीजों पर होकदार ठेहरावीन मंडळी क दे दियों,

²³ यी उको डिल छे, आरू ओकी भरपुरी छे जो आखाम आखो पुरो करतो छे।