2 થેસલોનિકી 3 - परमेश्वरन सत्य वचन नवलो नियम

प्रार्थना करने क अगवाय

¹ अळते मा हे भाईस, आरू बहनीस हामरे करता प्रार्थना कर्‍या कर की पोरबु क वचन ओसो शीघ्र पुगीयो आरू महिमा देख्या, जोसो तुमू मा हुयो।

² आरू हामु वाकलो आरू दुष्ट मानुस छे वाच रया काहकि हर एक काम मा विश्वास नी।

³ पुन पोरबु सच्चा छे; वो तुमू दृढ़ता छे स्थिर करसे आरू उना शैतान छे सोरक्षित राखछे,

⁴ हामु पोरबु मा तुमरे ऊपर विश्वास छे कि जो जो हुकुम मा हामु तुमू देता छे, तीनुक तुमू मानता होय, आरू मानता भी रवछे।

⁵ यहोवा–भगवान क मोंग आरू मसीह क धीरज कि आरू छे पोरबु तुमरे मन की अगवाय करे।

काम करने क जिमेवारी

⁶ हे भाईस, आरू बहनीस हामु तुमू मा आपने पोरबु ईशु मसीह क नाव छे हुकुम देता छे, कि तुमू हर एक ओसो विश्वास भाईस छे अलग रया जो गलत चाल चालता आरू जो शिक्षा त्यो हामु छे देख्या ओका लारे नी करता।

⁷ काहकि तुमू आप जानता होय कि काही रीति छे हामरी जोसी चाल चालने जुवे, काहकि हामु तुमरे विच मा गलत चाल नी चाल्यो।

⁸ आरू काही कि रोटा मुक्त मा नी खाय; पर मेहनत आरू कष्ट छे रात दहाडू काम धंदा करता हुता कि तुमू मा छे काही पर भार नी होय।

⁹ यो नी कि हामु हक नी, पर एरकरीन कि तुमरा आप क तुमरे करता विजुत राखनीया बन्या कि तुमू हामरी जोसी चाल चाल्या।

¹⁰ काहकि जव हामु तुमरे याहा हुता, तव भी याहा हुकुम तुमू देता हुता की यदि काही काम करने नी जूवे तो खाने भी नी देख्या।

¹¹ हामु सोमवता छे कि काही मानसे तुमरे विच मा गलत चाल चालता छे, आरू काही काम नी करता छे, पर दिसरा क काम मा हात नाख्या करता छे।

¹² ओसी क हामु पोरबु ईशु मसीह मा हुकुम देता आरू समझता छे कि चुपचाप काम करीन आपसी ही रोटा खाया करू।

¹³ तुमू, हे भाईस, आरू बहनीस भलाई करने मा साहस नी छुड़िया।

¹⁴ यदि काही हामरे इनीये पत्री क वात क नी मान तो उना पर दृष्टी राख, आरू ओकी संगति नी कर्‍या, जिनासे वो लज्जित होय।

¹⁵ तौभी त्यो दुस्मन मत समझ, पर भाईस्यो साथी जानीन ओको समझावु।

आखरी नमस्कार

¹⁶ हिमी पोरबु जो शांती क सुवता छे आप ही तुमू सदा आरू हर प्रकार छे शांती देय। पोरबु तुमू सब क साथे रये।

¹⁷ हाव, पौलुस, आपने हात छे नमस्कार लिखता छे। हर पत्री मा मारो याहा योही सहलानी छे; हाव इनीये प्रकार छे लिखता छे।

¹⁸ हामरे पोरबु ईशु मसीह क फोकटन दया तुमू सब पर हुयसे रया।