2 કોરિંથી 3 - परमेश्वरन सत्य वचन नवलो नियम

नवलो वो

¹ काय हामु पछु आपसी बढ़ाई करने लाग्या? या हामु दिसरा मानसे क समान सिफारिश की पत्री या तुमरे साथे लानी या तुमू छे लेनु छे?

² हामरी पत्री तुमू ही होय, जो हामरे हृदय पर लिख्यो होय छे आरू ओको सब मानुस उवखता आरू भनता छे।

³ यो प्रगट छे कि तुमू मसीह कि चिठ्ठी होय। जिनाक हामु ने सेवक क समान लिख्या, आरू जो शाही छे नी पुन जीवता यहोवा–भगवान क आत्मा छे, दगड़ा कि पट्टी पर नी पुन हृद्य कि मास रूपी पट्टीया पर लिख्यो छे।

⁴ हामु मसीह क द्वारा यहोवा–भगवान पर ओसो ही विश्वास राखता छे।

⁵ यो नी कि हामु आपने आप छे इनीये योग्य छे कि आपने आरू छे काही वाद क विचार कर सख्या, पर हामरी योग्यता यहोवा–भगवान कि आरू छे,

⁶ जो हामु नवलो वाचा क सेवक हुयने क योग्य भी कर्‍या, ओवाज क सेवक नी वरना आत्मा क; काहकि ओवाज मारतो छे, पर आत्मा जीवाडे छे।

⁷ यदि मरला कि वो वाचा ओका अक्सर दगड़ा पर खुदीन गया हुता, याहा तक तेजोमय होय कि मूसा क मुय पर क तेज क कारण जो घटता भी जाता हुता, इस्राएल ओका मुय पर दृष्टि नी कर सकता हुता,

⁸ तो आत्मा कि वाचा आरू भी तेजोमय काय नी होयछे?

⁹ यदि सजव दोषी ठेरायनेवावा सेवकाई तेजोमय होती, तो न्यायी ठेरावने वावी सेवकाई आरू भी तेजोमय काय नी होयछे?

¹⁰ आरू जो तेजोमय हुता वो भी ओको तेज क कारण जो ओका सी बढ़िन बढ़ाई न योग्य तेजोमय हुता काही तेजोमय नी ठहराव्यो।

¹¹ काहकि जव वो जो घटता जाता हुता तेजोमय हुता तो वो जो स्थिर रवछे आरू भी तेजोमय काय नी होयछे?

¹² एरकरीन ओसी आश राखीन हामु हियाव क साथे बुलता छे,

¹³ आरू मूसा क समान नी, जो आपने मुय पर परदा नाख्यो होतो ताकि इस्राएल उना घटने वावा तेज क आखरी क नी देख्यो।

¹⁴ पुन वो मतिमन्द होय गया, काहकि आज तक जुनलो नियम मा भनता टेहाव ओको हृदय पर चो परदा देखता रयता छे, पर वो मसीह मा उठ जाता छे।

¹⁵ आज तक जव कदी मूसा कि किताब भणी जाती छे, तो ओको हृदय पर परदा पड़ रयता छे।

¹⁶ पुन जव कदी ओको हृदय पोरबु कि आरू पछु, तव वो परदा उठ जाछे।

¹⁷ पोरबु तो आत्मा छे: आरू वा काही पोरबु क आत्मा वो स्वतंत्रता छे।

¹⁸ पुन जव हामु सब क उघाड़ चेहरा छे पोरबु क प्रताप इनीये प्रकार क प्रगट हुयसे छे, जिना प्रकार दर्पण मा, तो पोरबु क द्वारा जो आत्मा छे, हामु तीनी तेजस्वी रूप मा अंश करीन बदलता जाता छे।