2 કોરિંથી 13 - परमेश्वरन सत्य वचन नवलो नियम

आखरी चेतावनी

¹ हिमी तीसरी बार मा तुमरे साथे आवता छे; दुय या तीन गवा क मुय छे हर एक वात ठराय जाछे।

² जोसो हावने जव दीसरी बार तुमरे साथे होतो, ओसो हिय हिमी दूर रयता होया छे उन मानुस छे जिन्होने पेहल पाप कर्‍या, आरू अन्याय सब मानसे छे हिमी पेहल छे कये देता छे कि यदि हाव पछु आवीस तो नी छुड़ीस।

³ काहकि तुमू तो इनाक प्रमाण जूवता होय कि मसीह मखे मा बुलता छे, जो तुमरे करता निर्बल नी पुन तुमू मा शक्ति छे।

⁴ वो कमजोरी क कारण कुरूस पर चढ़ावी गयो तो गया, तो भी यहोवा–भगवान कि शक्ति छे जीवतो छे। हामु भी उनमा निर्बल छे, यहोवा–भगवान कि शक्ति छे हामु सेवा करता छे।

⁵ आपने आप क पारखी कि विश्वास मा होय कि नी। आपने आप क हेरता। काय तुमू आपने विषय मा यो नी जानता कि ईशु मसीह तुमू मा छे? नी तो तुमू हेरता मा निकम्हाव निकव्य होय।

⁶ पर मारी आश छे कि तुमू जान लेछे कि हामु निकम्हाव नी।

⁷ हामु आपने यहोवा–भगवान छे यो प्रार्थना करता छे कि तुमू काही बुराई नी करू, एरकरीन नी कि हामु सच देखाय पड्यो, पर एरकरीन कि तुमू भलाई करू, जुवे हामु निकम्हाव ही ठराय।

⁸ काहकि हामु सच्चाई क विरोधी मा काही नी कर सकता, पर सच्चाई क करता ही कर सकता छे।

⁹ जव हामु निर्बल छे आरू तुमू बलवन्त होय, तो हामु खुश हुयसे छे, आरू यो प्रार्थना भी करता छे कि तुमू सिध्द बन जावु।

¹⁰ इनीये कारण हाव तुमरे वासा पछव यो वात लिखता छे, कि हजुर हईन मखे उना हक क लारे जिनाक पोरबु ने बिगाड़ ने क करता नी पर बनावने क करता मखे दिदा छे, कड़ाई छे काही करने नी पड्यो।

पोछल नमस्कार

¹¹ शेवली कावा हे भाईस, खुश रयो; सिध्द बनता जाय; ढाढ़स राख्यो; एक ही मन राख्यो; मेल छे रयो। आरू मोंग आरू शांती क दाता यहोवा–भगवान तुमरे साथे होयछे।

¹² एक दिसरा क यहोवा–भगवान छे चुखलो मन छे नमस्कार करू।

¹³ सब चुखलो मानसे तुमू नमस्कार आरू यहोवा–भगवानन मोंग कयता छे।

¹⁴ पोरबु ईशु मसीह क फोकटन दया आरू यहोवा–भगवान क मोंग आरू चुखलो आत्मा करी सहभागिता तुमू सब क साथे होयती रये।