1 કોરિંથી 4 - परमेश्वरन सत्य वचन नवलो नियम

मसीह क प्रेरित

¹ मानुस हामु मसीह क सेवक आरू यहोवा–भगवान क भेदो क भण्डारी समझे।

² पछु याहा भण्डारी मा यो वात देख जाती छे कि वो विश्वास योग्य होय।

³ पुन मारी दृष्टि मा यो घोणा नानी वात छे कि तुमू या मानुस क काही न्यायी मखे न्याय, वरना हाव स्वयं आपने आप क नी न्याय नी करता।

⁴ काहकि मारो मन मखे काही वात क न्याय नी ठेरायता, पुन इनासे हाव निर्दोष नी ठेरायता, काहकि मारा न्याय करनेवावा पोरबु छे।

⁵ एरकरीन जव तक पोरबु नी आश, टेहाव छे पेहले काही वात क न्याय नी करे: चो आंधारा आरू मनो क मरजी क प्रगट करसे, तव यहोवा–भगवान करी आरू छे हर एक करी वाहवाय होयछे।

⁶ हे भाईस, हाव ने इन वात मा तुमरे करता आपसी आरू अपुल्लोस की चर्चा दृष्टान्त की रीति पर की छे, एरकरीन कि तुमू हामरे द्वारा यो सीखु कि लिख्या होया छे ओगव नी वदने, आरू एक क पक्ष मा आरू दिसरा क विरोध मा डाहवाय नी करने।

⁷ तुखे मा आरू दिसरा मा कुन संका करता छे? आरू तारे साथे काय छे जो तु ने यहोवा–भगवान छे नी देख्या? आरू जव कि तु ने यहोवा–भगवान छे देख्या छे, तो ओसो डाहळाय काय करता छे कि मानो नी देख्या?

⁸ तुमू तो तुप्त त्योक्य, तुमू धनी होय, त्योक्य, तुमू ने हामरे विना राज्य कर्‍या; पुन भला हुयसे कि तुमू राज्य करता कि हामु भी तुमरे साथे राज्य करता।

⁹ मारी समझ मा यहोवा–भगवान ने हामु प्रेरितन क सब क बाद उन मानसे क समान ठेराया छे, जिनकी मरला की हुकुम होय त्योकी होय; काहकि हामु धरतीम आरू सोरगदूत आरू मानसे क करता एक तमाशा ठेराया छे।

¹⁰ हामु मसीह क करता मुर्ख छे; पुन तुमू मसीह मा बुध्दिमान होय; हामु निर्बल छे, पुन तुमू ताकद वावो होय; तुमू विजुत देखता होय, पुन हामु निरदार हुयसे छे।

¹¹ हामु इनीये घड़ी तक भुखला पिसला हामु फाटला लुगड़ा पेहरतला, आरू धुमा खाता रया आरू मारे मारे पुगता छे;

¹² आरू आपने ही हात छे काम करीन मेहनत करता छे। मानसे हामु बुरा कयता छे, हामु बरकत देता छे; वो सताता छे, हामु सहते छे।

¹³ वो बदनाम करता छे, हामु विनती करता छे। हामु आज तक धरतीम क कूड़ा आरू सब समान की मोयव क समान ठेराया छे।

¹⁴ हाव तुम्हे लज्जित करने क करता यो वात नी लिखता, पुन आपने मोंगावु पोर्‍या जानीन तुमूक चिताता छे।

¹⁵ काहकि यदि मसीह मा तुमरा सिखाडनेवावा दस हजार भी हुता, तौभी तुमरा बास घोणा छे नी; एरकरीन कि मसीह ईशु मा खुश खबर क द्वारा हाव तुमरा बास होया।

¹⁶ एरकरीन हाव तुमू छे रावन्या करता छे कि मारो गती करो।

¹⁷ एरकरीन हाव ने तीमुथियुस क जो पोरबु मा मारो मोंगावु आरू विश्वास योग्य पोर्‍य छे तुमरे साथे मुकल्या छे। तुमू मसीह मा मारो चारित्र स्मरण करावसे, जोसो कि हाव हर धरती हर एक मंडळी मा शिक्षा करता छे।

¹⁸ काय तो ओसो फूल गया छे, मानो हाव तुमरे साथे आवने ही क नी।

¹⁹ पुन पोरबु ने जुया तो हाव तुमरे साथे शीघ्र ही आवसे, आरू उन फूले हुया की वात क नी, पुन उनकी शक्ति क जान लेछे।

²⁰ काहकि यहोवा–भगवान क राज्य वात मा नी पुन शक्ति मा छे।

²¹ तुमू काय जुवता होय? काय हाव लाकड़ी लीन तुमरे साथे आवीस, या मोंग आरू नम्रता न आत्मा क साथे?