1 કોરિંથી 2 - परमेश्वरन सत्य वचन नवलो नियम

कुरसित मसीह क विषय संदेश

¹ हे भाईस, आरू बहनीस जव हाव यहोवा–भगवान क सच्चाई भेद सोमवता हुया तुमरे साथे आश, तो ओवाज या ज्ञान की वारू मा वारू क साथे नी आश।

² काहकि हाव ने यो ठान लेदा हुता कि तुमरे वीच ईशु मसीह वरना कुरूस पर चढ़ाया हुया मसीह क मरलो छुड़ आरू काही वात क नी जानीस।

³ हाव निर्बलता आरू बीक क साथे, आरू घोणा थरथराता हुया तुमरे साथे आयो;

⁴ आरू मारो वचन, आरू मारो खबर मा ज्ञान की लुभानेवावी वात नी, यहोवा–भगवान क आत्मा क शक्ति क प्रमाण हुता,

⁵ एरकरीन कि तुमरा विश्वास मानुस क ज्ञान पर नी, पुन यहोवा–भगवान की शक्ति पर निर्भर होय।

यहोवा–भगवान क ज्ञान

⁶ पछु भी सिध्द मानसे मा हामु ज्ञान सोमवता छे; पुन इनीये संसार क आरू इनीये संसार क नाश हुयने वालो सरदार क ज्ञान नी;

⁷ पुन हामु यहोवा–भगवान क वो सातायलो ज्ञान, भेद की रीति पर देखाड़ता छे, जिनाक यहोवा–भगवान ने जगमा छे पेहल छे हामरी महिमा क करता त्योन्यो।

⁸ जिनाक इनीये संसार क सरदार मा छे काही ने नी जाने, काहकि यदि वो जानता तो तेजोमय पोरबु क कुरूस पर नी चढ़ावता।

⁹ पुन जोसो लिख्यो छे, “जो वात डुवा ने नी देखी आरू कान्टा ने नी सोमवी, आरू जो वात मानुस क मन मा नी चढ़ी वो ही छे जो यहोवा–भगवान ने आपने मोंग राखनेवावा क करता तीयार करी छे।”

¹⁰ पुन यहोवा–भगवान ने उनको आपने आत्मा क द्वारा हामु पर प्रगट कर्‍या, काहकि आत्मा सब वात वरना यहोवा–भगवान की सातायली वात हेरता छे।

¹¹ मानुस मा छे कुन काही मानुस की वात जानता छे, केवल मानुस की आत्मा जो उको छे? वोसो ही यहोवा–भगवान की वात भी काही नी जानता केवल यहोवा–भगवान क आत्मा।

¹² पुन हामु ने संसार की आत्मा नी, पुन वो आत्मा देख्या छे जो यहोवा–भगवान की आरू छे कि हामु उन वात क जाने जो यहोवा–भगवान ने हामु देदी छे।

¹³ जिनको हामु मानुस क ज्ञान सिखाड़ी होयी वात मा नी, पुन आत्मा की सिखाड़ी होयी वात मा आत्मिक वात आत्मिक वात छे मिवी मिवीन सोमवता छे।

¹⁴ पुन जो मनुस यहोवा–भगवान क आत्मा न आत्मिक वात नी माने, काहकि वो ओकी नजर मा मुर्खता की छे, आरू नी वो तीनुक जान सकता छे काहकि उनकी हेरता आत्मिक रीति छे होयती छे।

¹⁵ आत्मिक जन सब काय हेरता छे, पुन वो आप काही छे समझ नी जाता।

¹⁶ “काहकि पोरबु क मन कोय जाने छे कि ओको सिखाड्या?” पुन हामु मा मसीह क मन छे।