फिलिप्पियन INTRO1 - भगवान कर सच्चा बचनपरचा पोलुस फिलिप्पी सहर हे बिस्वासिन के यीसु मसीह के जनम के करीबन 61 साल बाद चिट्ठी लिखिस, उन इके जेल हे 1:13करीबन रोम सहर हे लिखे रथै, हइ चिट्ठी फिलिप्पी सहर हे स्थित मंडली के लिखे गय रथै, हम फिलिप्पी के बारे हे प्रेरित के काम के किताब लग चुटु हस सीख सकथन, फिलिप्पी मकिदुनिया परदेस के राजधानी रथै, हइ पहिला मंडली रथै जेही मकिदुनिया हे स्थापित करे गय रथै, पोलुस अउ सिलास अक संग मंडली सुरू करिस अउ उनही अक्ठी रात के निता जेल हे रखे गइस जब ऊ उहां रथै। हइ चिट्ठी के लिखै हे पोलुस कइठे उदेस्य हुइ सकथै, पोलुस मंडली के धन्यबाद देय के निता मउका के निस्तार करिस जउन दान उन पठोय सुनिस कि ऊ जेल हे रथै 4:10-19 ऊ जेल हे अपन स्थिति के बारे हे गुठेथै, अउ मंडली के तीमुथियुस अउ इपफ्रदीतुस के बडाई करिस 2:19-30 ताकि ऊ उनखर सोगत करै अउ उनखर काम के सम्मान करै। रूप रेखा 1. पोलुस फिलिप्पी हे मंडली के नमस्ते करके चिट्ठी सुरू करिस। 1:1-12 2. आगू ऊ अपन स्थिति के बारे हे कुछ पता सामिल करथै अउ कुछ चिन्ता जउन ओखर लिघ्घो हबै। 1:3—2:30 3. फेर ऊ मसीही जीवन जीये के निता कइठे ब्यावहारिक निरदेस देथै। 3:1—4:9 4. पोलुस फिलिप्पियन के मंडली के उनके उपहार के निता धन्यबाद दइके अउ अपन सोगत पठोय के समापत करिस। 4:10-23 |
The New Testament in Bhumiya Language The Word for the World International and © 2023 Bhilali Bhasha Samiti, Madhya Pradesh