फिलिप्पी 3 - नोयरी नोवलू नियम

जीवनों लक्ष

¹ याआ कोअता ऐ माआ पाही प्रभु मेहे खुशिमेहे रोवा तीच गोठी तुमाहा घोड घोड़ीई लेखुहु माहू किज कष्ट निमिले अने याआ मेहे तुमाआ कुशलता होय,

² याआ कुत्राप रोत सावधान रोजे पाप कामोमे होय तियाअ वाईट काम कोअनाराप रोत सावधान रो.

³ काहाके खोरो सुंता कोयु आमाहा होये जे आमाआं उपासना परमेश्वरोओ अर्पण कोईत होये अने ख्रिस्त येशु माय गर्व राख्नारो, तेहलूज जे किबी डीलो होय तियापो भोरुसो मेकीत नाहा.

⁴ ओमे आय डीलोपो पोन भोरुसो कोअयु ओतलू परंतु जर कोडु एहेलू विचार कोअयु ओतलू का त्याजागे डीलोपो विश्वास कोअलाआ विचार होये तो पण मा आहने जाखा होय.

⁵ जाहा आय आठ दिहिओ ओतु तेहलाम माआ सुंता उवी ओती आय इस्राएल होय आय बिन्यामीन च्या वंशज चा होय, आय इब्रानी याह्ही बाही देखोअ जन्म उवलू एक इब्रानी होय जोपोरोत माआ नियमशास्त्राचा होय, आय परुसी होय.

⁶ जोपोरोत माआ निष्ठेचा प्रश्न होय आय मंडली जास्तीज ठगीत्लो ओते जोपोरोत धार्मिकताआ प्रश्न होय जे नियमशास्त्र हिकाडतो होय, आय निर्दोष होय.

⁷ पोन माआ जांहा फायदा ओतु आज तीयामे ख्रिस्ताआ आय नुकसान होमजीत्लू.

⁸ याआ पेक्षा वोडी गोठी ए होय का आय आपाआ प्रभू येशु ख्रिस्ताची ज्ञानाआ श्रेष्ठतेणे ओमेजा आखे किबी नुकसान होमजीत्लू तियाआ कोताज आय आखे किबी आय सोडीत आप्लु होय अने आखे किबी सामानो कोसरू कोईत होय यकोअता का आय ख्रिस्ताहा मेलवूहु

⁹ अने तियाआ मायज जाऊ सेकेहे, माआ धार्मिकताने नाहा परंतु नियमशास्त्रावर उबु होय परंतु तियाअ धार्मिकते काहाके जो ख्रिस्तापो विश्वासा मिलीलो रोतो जे परमेश्वारापो रोत जोळे अने ज्याचा आधार विश्वास होय,

¹⁰ आय ख्रिस्ताहा ओलखुहू इच्छितो अने तिया शक्तीचा अनुभव कोअला होय ज्याआपोरोत तियाआ पुनरुस्थान उवे ओते आय तियाआ क्लेशा मेहे पण सहभागी ओवुहू इच्छितो अने तियाआ रुपोहो मेलवूहु इच्छितो ज्याहा तिये आपाआ मोईत जुळाविते ओते

¹¹ तिया एहला आरी आय पण ऐहकोईत मोईलामरोत उठित पुनरुस्थान जोडयो कोहू.

लक्षो वोल वोड़ते जावा

¹² एहलो नाहा का माहु उपलब्ध उवे होय किंवा आय पुरो सिद्ध ओवयू परंतु आय तियाअ उपलब्धी याकोअता कायम प्रयत्न कोईत रोही याकोअता ख्रिस्त येशु आपाआ शिष्य बनविल्यो होय.

¹³ ऐ पाहीही, आय ओ विचार कोईत नाहा का आय तियाहा जोडयो कोल्यु गोये होय परंतु ए गोठी होय काजे फासाडी घोडये गोये ते विहराइत जे माआ आगाडी होय तियाअ लक्ष्यापर्यंत पोचीत गोलयो आय संघर्ष कोईत रोही.

¹⁴ आय तिया लक्ष्या काजे निरंतर प्रयत्न कोईत रोला होय का आय तियाअ बक्षिसोहो मेलवूहु जे ख्रिस्त येशु माय मिलवीत परमेश्वराने आमाहा उसे हादाडये होय.

¹⁵ याकोअता तिया माहुंहु जे आपाआ माय सिद्ध माहु बोन्यो होय, भाव पोन एहलो रोही परंतु जर तुमु कोडनीबि गोठीपो ढोंगीपणा ओत विचार कोअता परमेश्वर तुमा कोअता तिया स्पष्टीकरण कोईत आपही.

¹⁶ ज्या हाजाप रोते आमू पुग्या होय, आमाहा त्यापोजे चालते रोअलो.

स्वर्ग मेहे आपाआ नागरिकता

¹⁷ ऐ पाही, दिहीराआरी मिलून माआ अनुकरण कोईलो जे उदाहरण आय तुमा आगाडी मेकल्ये होय, तीयावाही जो विजयी होय तियापो लक्ष्य लागाडा,

¹⁸ काहाके एहलो पण वारुज मांहे होय जे ख्रिस्ताच्या क्रूसाला शत्रुता मेकीत विजयी उवे होय (आय तुमामे जास्तीज टायमोआ कोयु अने ओमेभी आय फासी-फासी कोयु होय).

¹⁹ तिया विनाश तियाआ नियमशास्त्रा प्रमाणे होय, तियाआ पोटु तियाआ ईश्वर होय अने तीयावाही तियाहा लाज जोडयो ओते त्यापो ते लक्ष्य केंद्रित कोअता तियाहा फक्त भौतिक गोठीमेहे रोत चिंता शेतली.

²⁰ पोन आपाआ जन्मभूमी ताहा होर्गाम होय, तिहिजे आपाआ तारण कर्ता येशु ख्रिस्ताची वाट पालीत रोतो.

²¹ आपाआ जोरावार ज्याआपोरोत आखे सामानोअ तो आपाआ अधीन कोअत्लू आपाआ दुर्बल डीला बोदलीत महिमा देहा सारखे बोणाडीत आपही.