फिलेपियो 3 - नाहाली

खेरली धार्मिकता

¹ ऐवी मारो बायहो, प्रभु माय आनंद केरतीन रीवू. तुमु पोशा पोशा तान वातू लेखनु माहु काही मेहनत एता नाह एने, तुमरीकेरता हे तर सुरक्षित हीच,

² ज्याह चिताफाय्रीन सावधान रीवू, जे कुकर्म कामामाया ताउकुज हि, ता वाईट काम केरणारीन सावधान रीवू.

³ कारण खेरो खतना किरील आमु हेते जे आमरी सेवा बोगवानान आत्मा केरतीन हेते, एने मसीह यीशु माय गर्व राख्नारो, तोहोलोच जे काही शारीरिक हि तापोर विश्वास मेलतांलोन नाहं.

⁴ ऐवी मी शरीरपोर पुण विश्वास किरील येतो पुण जर कूण ओहलो विचार किरील, येतो कि तान आहने शरीरपोर विश्वास केरणेन विचार हि, तेवी तो पुण माहफाय होवटो हि.

⁵ ताहेरया मी आठ दिहान एतो तेवी मारी खतना एनी, एती मी इस्राएल हि, मी बिन्यामीनच्या पिडीन पिडी चा हि; मी इब्रानी आहाक आबाक फायरीन जन्मलेला एक इब्रानी हि; जेवीवोर मारो व्यवस्थाचा हि, मी फरीसी हि.

⁶ जेवीवोर मारो निष्ठेचा प्रश्न हि मी कलीसियान जुलुम ठ्गीत्लो; एता जेवीवोर धार्मिकतान प्रश्न हि जे व्यवस्था हिकाडतेन हि, मी निर्दोष हि.

⁷ पुण मारो ताहेरया फायदा एतो, आज तामाय मसीहा केरीन मी हानी होमजथी.

⁸ ज्यान पेक्षा मटली वात हि कि मी आपणो प्रभु यीशु मसीहान ज्ञानान श्रेष्ठतेणे आजवोर आखा काही हानी होमजथी. तान केरताच मी आखा काही मी सोडीन आपील हि, एने आखा काही सामान घीन केरीन हि, तान केरता कि मी मसीहान मिळवू.

⁹ एने तान माय जाहू सेकी; मारो धार्मिकताने नाहं, पुण व्यवस्था वर उबरील हि, पुण ता धार्मिकते कारण जो मसीहा पोर विश्वासान जुडतो असतो जे बोगवानारीन जोदेत एने ज्यान आधार विश्वास हि;

¹⁰ मी मसीहान ओलखु इच्छितो एने ता सामर्थ्यह अनुभव केरहू हि, ज्यासे तान पुनरुस्थान एय गीयो एता मी तान क्लेशामाय पुण सहभागी एहू इच्छितो, एने तान एकरूप मिळवू इच्छितो ज्याह तान आपणो मृत्युसे जुळा विते एता.

¹¹ ता ओहालाहे-या पुण ज्यानहोस मोरना मायरीन उठीन पुनरुस्थान प्राप्त केरूह.

निशाणान उखेर दोवडनु

¹² इही नाहं कि माहु उपलब्ध एय गीयो हि, केव्ही मी पुरो सिद्ध एनो; पुण मी ता उपलब्धी केरता दाडीन प्रयत्न केरीन रेईन, जानकेरता मसीह यीशु आपणो चेला बोनाईल हि.

¹³ हे बायहो, मी हे विचार केरीन नाहं कि मी ताह प्राप्त किरील गीया हि; पुण हि वात हि कि जे पासाण गेडनो गीया ते विहिरीन, जे मारो सुमोर हि ता लक्ष्यापर्यंत पोचगियो मी संघर्ष केरीन रेईन,

¹⁴ निशाणा वूखेर दोवडीन जाथू, काहा का तो इनाम लेव ज्यान केरीन बोगवान मसीह यीशु माय माहु उपेर हादाडील हि.

¹⁵ ऐवी आमरे मायरीन सिद्ध हेते, माणहे बुणील हि ता ज्यो विचार मेली, एने जर काल्ली भी वातू माय तुमरो ढोंगीपणान विचार एय, ते तो बोगवान ताह भी प्रकट केर देय.

¹⁶ ज्या हाजारीन आमु पोचेल हि, आमूह ताजपूर चालतो रिजी.

¹⁷ हे बायहो, दिहराहे-यो मिलिन मारा अनुकरण केरणू, जे उदाहरण मी तुम्राओगाण मिलना हि, ताफाय जो विजयी हि तापोर लक्ष्य दया;

¹⁸ काहाकाय इही पुण मोकताज माणहे हि, जे मसीहान क्रुसला शत्रुता मेलीन विजयी एय गीयो हि (मी तुमूह जादा वारीन कियील एने ऐवी भी मी पोशो पोशो किथी हि).

¹⁹ तान नाश तान व्यवस्था प्रमाणे हि, तान पोटु तान बोगवान हि एने तान ताह लाज प्राप्त एता तापोर ते लक्ष्य केद्रित केरणू ताह फक्त भौतिक वातूमा मोन हि.

²⁰ पुण आमरो देश स्वर्गामाय हि; एने आमु एक उद्धारकर्ता प्रभु यीशु मसीहान तारीन आवणेन वाट जोवतेह

²¹ आपणो जोरावार ज्यासे आखा सामान तो आपणो अधीन करने, आपणो दुर्बल शरीराह बोदलीन, आपणी महिमा देहा सारखे बोनाडीन आपुह.