ESTER 7 - SURAT BARASIH BARITA BAHALAP

¹ Maka akan tingkat je kaduee raja tuntang Haman kuman mihop hayak dengan Ester.

² Sambil mihop anggor raja misek Ester tinai, “O, Ratungku narai je ilakum? Suman! Batantu kareh inengaku aloh ikau balaku saparo bara kerajaangku.”

³ Tombah Ratu Ester, “Amon Tuan Raja nahuang, rewarm balaku uka rewarm tuntang bangsa rewarm tau belom.

⁴ Awi rewarm tuntang bangsa rewarm jari injual indu impatei. Jaka ikei baya injual akan jadi jipen, rewarm suni ih tuntang dia manderoh Tuan Raja. Toh ikei kareh imbinasa tuntang impalomos!”

⁵ Palus Raja Ahasweros misek dengan Ratu Ester, “Eweh je bahanyi mawi taloh kalote? Kueh oloe?”

⁶ Ester tombah, “Haman je papa toh je musoh tuntang je mangapehe ikei!” Dengan kikeh je paham Haman manampayah raja tuntang ratu.

⁷ Raja sangit toto, palus harikas malihi meja balalu balua, akan kabon istana. Haman katawan je raja jari manukas akan mahukum ie, awi te ie tetep melai dengan ratu Ester handak balaku uka inyalamat.

⁸ Dengan kahetang ateie Haman mampalongkang arepe akan hunjun bale-balen Ester handak balaku ampun, tapi metoh te kea raja haluli bara kabon istana. Mite Haman kalote raja mangkariak, “Narai? Magon ie bahanyi hinje dengan Ratu intu hetoh, intu taharepku tuntang hong istana ayungku kabuat!” Sana limbah kare auh te ingotak awi raja, kare pejabat khusus dumah tuntang manyangkulep takolok Haman.

⁹ Balalu koan Harbona, ije bara pejabat khusus te, “Tuan Raja, hong tokep human Haman aton tihang gantongan kambue due puluh due meter. Haman jari mampendenge akan mangkoak Mordekhai, oloh je jari manyalamat pambelom Tuan Raja.” Palus parentah raja, “Koak Haman intu tihang jete!”

¹⁰ Tumon te Haman ingkoak intu tihang je jari impendenge akan Mordekhai. Harue limbah te kasangit raja tadoh.