ESTER 10 - SURAT BARASIH BARITA BAHALAP

Kahain Ahasweros tuntang Mordekhai

¹ Raja Ahasweros mamaksa rayat bagawi dia baya akan rayat intu saran tasik hong karajaae tapi kea intu kare eka je kejau intu hulu batang danum.

² Kare gawie je hai tuntang tamam, tuntang kea sarita tahiu kilen ampie ie mangkat Mordekhai manjadi oloh je bapangkat gantong, incatet hong buku sejarah kare raja Persia tuntang Media.

³ Mordekhai, oloh Yehudi te tetep mimbing pangkat je pangkagantonge intu penda Raja Ahasweros kabuat. Mordekhai ihormat tuntang ingilak awi kare oloh bara bangsa ayue. Ie bagawi karas akan kasanang tuntang kamangat bangsae tuntang hapus turonan ewen.