Tobit 9 - Ebaibul

Toryamunae nabo ŋisiliŋa

¹ Tonyarau nai Tobias Rapael, tolimok tema,

² “Lokaato Asaria, Ya ŋiketiyak ŋiomwon ka ŋikaala ŋiarei, ido tolot Rages. Tolot lore a Gabael inak iŋes akikoŋiet, tosodi kijau ŋisiliŋa torukut ka iŋes nasuban ŋuna a ekiitanu.

³ Irae iyoŋ esuuda a ŋakiro aŋuna kikoŋit Raguel, ido nyemaikina ayoŋ obil akikoŋiet keŋ,”

⁴ anerae iyeni iyoŋ atemar emaikina tokona papa kaŋ imari ŋirwa, ido ani kaŋel ayoŋ tari akoloŋit apei, ainakini ayoŋ iŋes atamatam ŋina apipilan nooi.

⁵ Aŋun, apotu Rapael ka ŋiketiyak ŋuluomwon ka ŋikaala ŋiarei toloto Rages, nakwap a Media, toloto kiboiyoto alore a Gabael. Abu Rapael inak Gabael akikoŋiet ka tolimok iŋes atemar eita Tobias lokoku a Tobit ka ikinyaritae iyoŋ nasuban ŋuna a ekiitanu. Aŋun, abu Gabael tonyou kimarak ŋicweei a ŋisiliŋa neni a Rapael, pa alacanakinitae ŋaeneta a ŋicweei, ido apotu ikes kidokokis ŋicweei lokaala.

⁶ Ani iwalari akwap torotokis ikes daadaŋ toloto nasuban ŋuna a ekiitanu. Ani edolete ikes kai a Raguel toryamut Tobias iboi egwaŋakina lomesa. Toporu Tobias, kimala Gabael ŋolo abu kikalou ka kiterereŋ Tobias a ŋakiro a nu, “Edya ŋolo ajokan ka ŋolo ka apolou ŋolo irae lokoku a ekile a ŋolo ajokan a ŋolo eyakar apolou, a ŋolo iyookino ka a ŋolo nyimikit ŋituŋa ŋiboro keŋ, elipi ikiinak Ekapolon iyoŋ ka aberu kon ta neni a papa ka toto a aberu kon ŋarereŋisyo ŋuna anakuj. Kipuroe Akuj, anerae ete ayoŋ aneni a Tobias ŋasima alokaaya kaŋ Tobit.”